Hlegið með Magga mörgæs

 

Bretinn og ég brugðumst við á sama tíma, á sama hátt í dag. Það var ekkert stórmerkilegt í gangi. Ekkert sem hræddi okkur eða gerði okkur hverft við. Aðeins hlátur lítils drengs.

Stundum uppgötvum við breytingu eða framför hjá Þeim Einhverfa góðum tíma eftir að hún á sér í rauninni stað. Stundum hefur hann sýnt ákveðna breytingu á hegðun í vikur, jafnvel mánuði, áður en við tökum eftir breytingunni. Vegna þess að hún gerist hægt.

Í dag sat Sá Einhverfi við tölvuna með heyrnartól á höfðinu og horfði á Magga mörgæs á netinu. Maggi mörgæs náði til stráksins mjög snemma á hans ævi. Sennilega eignaðist hann fyrstu VHS spóluna með leir-mörgæsinni þegar hann var rúmlega eins árs. Og í 9 ár hefur hann horft á þættina með svipbrigðalaust andlit að mestu þó að eitt og eitt bros hafi læðst fram á varirnar öðru hverju, sem sýndi að hann naut áhorfsins.

í dag var annað upp á teningnum. Hlátur hans fangaði athygli okkar Bretans á sama andartakinu. Og við stóðum upp frá eldhúsborðinu þar sem við sátum og vorum að spjalla. Gægðumst fram í holið til að sjá hvað orsakaði þessa miklu kátínu. Maggi mörgæs blasti við okkur á tölvuskjánum og djöfulgangurinn í leirklumpnum var ástæðan fyrir þessum nýja hlátri. Svo eðlilegur og vitrænn og viðeigandi. Sá Einhverfi leit á okkur og bjart augnaráðið sagði: Er þetta ekki fyndið? Lætur Maggi ekki kjánalega!

Hlátur er auðvitað ekkert nýtt fyrirbrigði frá Þeim Einhverfa. En eitthvað sérstakt vakti athygli okkar í dag. Nýr hljómur... ný gleði. Erfitt að segja. Kannski fann lífsgleði hans og kímnigáfa einfaldlega leiðina út. Og löngunin til að deila Magga mörgæs með okkur hinum.

 

Athugasemdir

[Ómar Ingi, 24.9.2008 kl. 23:01]

Gotta Love Ian

[Anna Margrét Bragadóttir, 24.9.2008 kl. 23:10]

Takk fyrir síðast darling.

Ég hef svo ótal sinnum séð Ian horfa á Magga mörgæs,hefði viljað sjá þetta moment.

Knús á alla fjölskylduna þína

[Hrafnhildur Ýr Vilbertsdóttir, 24.9.2008 kl. 23:17]

Vá en æðislegt...lýsingar á framförum Ians eru eins og kraftaverk....ég samgleðst ykkur innilega

[Ragnheiður , 24.9.2008 kl. 23:21]

Frábært !

[Bergljót Hreinsdóttir, 24.9.2008 kl. 23:30]

[Anna Lilja Torfadóttir (IP-tala skráð) 25.9.2008 kl. 00:02]

Yndislegt :)

-og til hamingju með að vera búin að ná mér í aldri

[Birna Dis Vilbertsdóttir (IP-tala skráð) 25.9.2008 kl. 03:15]

Frábært.

[Sporðdrekinn, 25.9.2008 kl. 03:38]

[Helga skjol, 25.9.2008 kl. 06:09]

Yndislegt

[Hrönn Sigurðardóttir, 25.9.2008 kl. 09:20]

[Guðrún Jóhannesdóttir, 25.9.2008 kl. 12:12]

[Anna Guðný , 25.9.2008 kl. 13:37]

Yndislegt

[Kristín Katla Árnadóttir, 25.9.2008 kl. 18:00]

Dásamlegt.

[Linda Linnet Hilmarsdóttir, 25.9.2008 kl. 20:11]

Knús og yndislegar kveðjur

[Helga Magnúsdóttir, 25.9.2008 kl. 21:09]

Hann er þvílíkt yndi þessi drengur. Til hamingju með afmælið í gær.

[Linda litla, 25.9.2008 kl. 21:51]

[Guðrún Arna Möller (IP-tala skráð) 25.9.2008 kl. 22:53]

Maður fær alveg svona "oooooo saææææætt"

[Huldabeib, 25.9.2008 kl. 23:10]

Takk fyrir að deila hlátrinum með okkur.... ég met það mikils

[Einar Örn Einarsson, 25.9.2008 kl. 23:20]

[Guðríður Pétursdóttir, 30.9.2008 kl. 07:45]

þessi litlu stóru andartök gera allt saman svo þess virði