Vikuplanið á sunnudagskvöldi

 

Magakveisa Þess Einhverfa ætlar að vera ansi þrálát. Ég er orðin verulega áhyggjufull. En viti menn.. áhyggjurnar snúast ekki um drenginn heldur vinnuna mína. Mér er ekki alveg sjálfrátt. En mér til varnar þá trúi því að þetta sé aðeins einhver þrálát baktería sem láti undan á endanum, enda er ástandið mun betra nú en í lok vinnuvikunnar.

Sá Einhverfi og ég settum upp vikuplanið saman á tölvuskjánum fyrr í kvöld og dagskrá morgundagsins var: ''kannski skóli'' og ''kannski Vesturhlíð''.

Hann var mjöööög hrifin af þessu orði; ''kannski'' og heimtaði að hafa það með á þriðjudeginum líka. Hann fékk leyfi til þess en ég vona að það verði ekkert vafamál með skólaferð þann daginn.

Þegar planið fyrir vikuna var svo tilbúið byrjaði hann að lesa það yfir eins og hann gerir margoft í hverri viku. Alltaf að fullvissa sig um að ekkert hafi breyst. Þegar kom að föstudeginum: mamma fer í flugvélina og útlanda'', þá stoppaði hann og mótmælti. En svo ákvað hann að redda málunum bara sjálfur og bætti við tveimur orðum.

Allt áhorfið á Mr. Bean á laugardaginn er slegið inn af honum, sem og sundferð á sunnudaginn. Á fimmtudag ætlar hann að senda foreldrana í verslunarferð og hann ætlar að bíða einn heima (heldur hann sko).

Mánudagur	Þriðjudagur	Miðvikudagur	Fimmtudagur
29.sep	30.sep	1.okt	2.okt
Ian fer kannski í	Kannski skólann	Rúta	Rúta
skólann		skóli	skóli
	Kannski í	Vesturhlíð	Vesturhlíð
kannski í	Vesturhlíð	rúta - heim	rúta - heim
Vesturhlíð		Ian ætlar í bílinn
		með mömmu að	Mamma Búð Bíða
		keyra Önnu Mae	Pabbi Búð Bíða
		í dans.	Söngvaborg 1
Ian fer með		svo heim	Söngvaborg 2
mömmu í bílinn			Söngvaborg 3
að keyra Önnu			Söngvaborg 4
Mae í dans
svo heim

Föstudagur	Laugardagur	Sunnudagur
3.okt	4.okt	5.okt
Rúta	Heima að leika	Ian heima
skóli	The Amazing	að leika
Vesturhlíð	Adventures of
rúta - heim	Mr. Bean
	The Exciting
	Escapades of	ætlar í sundin
Mamma fer	Mr. Bean
í flugvélina	The Terrble Tales
til útlanda	of MR. BEAN
svo heim	The Merry Mishpes
	The Perilus Of
	Mr. Bean
	Unseen Bean

 

Klukkan er rúmlega ellefu á sunnudagskvöldi og allt er hljótt. Gelgjan er sofnuð og Sá Einhverfi ætti að vera það en liggur upp í rúmi og talar við sálufélaga sinn Mr Bean.

Unglingurinn unir ánægður upp í herberginu sínu, þakklátur og feginn að vera laus við flísina sem ég dró úr rauðri og bólginni stóru tá áðan.

Viddi Vitleysingur og Elvíra fitubolla liggja saman á græna antiksófanum hennar ömmu. Hvað eru nokkur hunda- og kattarhár á milli vina. Aðrir ferfætlingar eru úr sjónmáli í augnablikinu.

Bretinn er í eldhúsinu að útbúa handa okkur ísrétt. Vanilluís, banani, rjómi og sykruð, fersk jarðarber. Jammí. Og að sjálfsögðu verður borið fram með þessu tebolli af enskum sið.

Annað kvöld mun ég svo vera stödd í sal í Kópavoginum, með hátt í 20 öðrum kellum og hrista af mér ísréttinn. Eggjandi, dulmögnuð og sexý í fyrsta free-style danstímanum.

 

 

Athugasemdir

[Róslín A. Valdemarsdóttir, 28.9.2008 kl. 23:37]

Ian hefur góðan smekk! Mr. Bean er sko bestur, svo er söngvaborg nú óttalega krúttleg!

Mig langar alveg óskaplega mikið til að sjá þessa free-style æfingu, hlýtur að vera jafn fyndið og mömmur á trampólíni!

[Jenný Anna Baldursdóttir, 28.9.2008 kl. 23:49]

Njóttu vikunnar.

Ian er svo mikið dúllubarn.  Svo heim.  Ég dey.

[Jóna Á. Gísladóttir, 28.9.2008 kl. 23:56]

Róslín. Mömmu er á trampólíni eru hipp og kúl.

Jenfo. hann er dúllubarn þessi krakki. Og elskar mömmu sína þó það komist til skila eftir óhefðbundnum leiðum. Þessi mamma flýgur auðvitað bara á Buisness class fram og til baka á hverjum degi til að uppfylla skrifleg skilyrði hjá drengnum.

[Steingrímur Helgason, 29.9.2008 kl. 00:20]

Sagt það áður, en endurtek sem & gæzir, að þezzi hugmynd um að 'múltíplana' dæmið í lit með Excel er alveg snilld af þinni hálfu.

Vantar náttúrlega 200 grömm af 70% súkkulaði brætt í einz pela rjómabaði, með innzkafinu út eineinhveri i vanillustöng & tveimur nescafé tezkeiðum útí, matskeið hlynsýrót hrært úti, til að fullkomna þennann ísrétt bretanz.

Það vita allir sem að búa eða hafa búið í Berja&BarmaSérRimanum.

[Linda Linnet Hilmarsdóttir, 29.9.2008 kl. 09:15]

Innlitskvitt og kveðjur

[Hulla Dan, 29.9.2008 kl. 09:52]

Góðan dag til þín

[Ragnheiður , 29.9.2008 kl. 09:58]

Ian er krúttmundur.

Nú langar mig í ís, skamm Jóna !

[Heiða Þórðar, 29.9.2008 kl. 10:15]

[Birna Dis Vilbertsdóttir (IP-tala skráð) 29.9.2008 kl. 10:23]

[Gulli litli, 29.9.2008 kl. 10:34]

Kvitt

[Ólína Kjerúlf Þorvarðardóttir, 29.9.2008 kl. 10:50]

Innlitskvitt - alltaf gaman að kíkja við.

Hlakka til að sjá bókina þína þegar hún kemur út.

[Ásdís Sigurðardóttir, 29.9.2008 kl. 12:48]

Kvitt og kveðja, vona að öllum líði sem best. Ian er yndislegur.

[Elín Sigríður Grétarsdóttir, 29.9.2008 kl. 14:52]

svo heim ... awwwww

[María Guðmundsdóttir, 29.9.2008 kl. 17:55]

have fun in freestyle  dáist ad ykkur ad skella ykkur i svona studtima, bid spennt ad heyra "søguna" af fyrsta tima

[Helga Magnúsdóttir, 29.9.2008 kl. 20:08]

Sá einhverfi er yndið eitt.

[Linda Lea Bogadóttir, 29.9.2008 kl. 20:16]

Alltaf gott að koma við hjá þér Jóna mín... eigðu gott kvöld

[Bergljót Hreinsdóttir, 29.9.2008 kl. 23:50]

[Ása Ninna Katrínardóttir (IP-tala skráð) 30.9.2008 kl. 00:37]

Svo heim - svo einfalt en skiptir samt svo miklu máli. Ian er æði.

[Guðríður Pétursdóttir, 30.9.2008 kl. 07:51]

freestyle.. geggjað

við hérna erum miklir aðdáendur mr bean,elskumann

"kannski" getur verið ott orð.. stundum