Brúðkaup, afmæli, bókin og hin týpíska fataleit

 

Jæja. Þetta er heldur betur búið að vera vinnutörn hjá mér. Hef vakað til þrjú og fjögur á nóttunni til að leggja lokahönd á bókina. Hef farið á langa fundi með ritstjóranum næstum hvern dag vikunnar og þessar elskur sem vinna með mér hjá Icelandair Cargo hafa ekki verið neitt nema elskulegheitin og horft í gegnum fingur sér með þessar miklu fjarverur mínar frá vinnu.

Ég er komin með handritið í hendur og á bara eftir að gera smávægilegar breytingar og viðbætur áður en allt verður klárt fyrir prentun.

Annars konar törn tekur nú við og það er eldhúsvinna sem er svo sem ekki mitt uppáhald. Sá Einhverfi verður 10 ára á morgun og nú þarf ég að bretta upp ermarnar í kökugerð og sollis því kl. 5 í dag á ég að vera mætt í brúðkaup.

Og mikið svakalega hlakka ég til. Ég þarf að sjálfsögðu að taka andlitið með mér í tösku því ég grenja alltaf í brúðkaupum. Í kirkjunni sko. Hef nú svo sem ekki gert mikið af því að væla í veislum. þannig að maskarinn og fleira tengt andlitinu verður að vera með í för svo ég geti lappað upp á útlitið á milli kirkju og veislu.

Hulda og Haukur. Innilega til hamingju með daginn elskurnar mínar.

Ég er að sjálfsögðu búin að standa í hinni klassísku fataleit. Gerði nú ekki miklar kröfur. Vildi finna einhvern topp við pils sem ég á. Og ég ætlaði sko ekki að eyða í þetta fleiri fleiri þúsundköllum. Djöfuls bilun er þetta verðlag. Ég hefði sko getað keypt mér toppa... sko toppa, engir hlýrar hvað þá ermar, fyrir tíu þúsund. Og þegar maður er að drepast úr keppa-komplexum þá verslar maður sér ekki erma- eða hlýralausan topp fyrir tíuþúsundkall.

En mér hefur tekist að taka þetta allt saman á æðruleysinu, vitandi það að keppa-komplexarnir eru á undanhaldi (ég er svo dugleg í mataræðinu og göngutúrunum) og fann mér barasta jakka í gömlu góðu Hagkaupum með 50% afslætti. Getur verið að ég sé að verða sparsöm á gamals aldri? Æi nei, sennilega ekki. Það væri kraftaverk og við búumst ekki við slíku.

En nú þarf ég að drífa mig í Bónus og freista þess að koma Þeim Einhverfa út í bíl og heim til Fríðu brussubínu. Þessi drengur er að brillera á öllum sviðum þessa dagana. Það er efni í aðra færslu.

 

Athugasemdir

[M, 6.9.2008 kl. 10:14]

Vá dugnaðurinn í þér kona  

Skemmtu þér vel í brúðkaupinu keppa eða keppalaus og innilega til hamingju með strákinn þinn á morgun

[lady, 6.9.2008 kl. 10:33]

innilega til hamingju með allt sendi innilega góða helgi kv Ólöf Jónsdóttir

[Linda Linnet Hilmarsdóttir, 6.9.2008 kl. 11:10]

Innlitskvitt og kveðjur.

[Ómar Ingi, 6.9.2008 kl. 11:17]

Ekki drekka OF mikið

Náðirðu þessum hehe

[Jenný Anna Baldursdóttir, 6.9.2008 kl. 12:34]

Haga sér í nýja jakkanum.

Vinkona þín.

[Hólmdís Hjartardóttir, 6.9.2008 kl. 14:15]

þú ert forkur

[María Guðmundsdóttir, 6.9.2008 kl. 14:34]

dugnadur er thetta..skemmtu thér vel i brúdkaupinu

[Bergljót Hreinsdóttir, 6.9.2008 kl. 16:05]

Þú ert meiri kraftakonan..ó mæ god...bara flott

[Sigrún Jónsdóttir, 6.9.2008 kl. 16:24]

Ég hlakka svo til að fá bókina í hendur.  Bestu hamingjuóskir með Ian 10 ára og góða skemmtun í brúðkaupinu

[Sporðdrekinn, 6.9.2008 kl. 16:36]

Til hamingju með strákinn á morgun, já og alla aðra daga

[Steinunn Helga Sigurðardóttir, 6.9.2008 kl. 17:03]

til hamingju með strákinn þinn á morgun og bókina sem bráðum verður gefin út.

kærleikur til þín frá lejrekotinu.

steina

[Anna Þóra Jónsdóttir, 6.9.2008 kl. 17:06]

Til lukku með afmælisstrákinn á morgun....ég á reyndar líka afmælis"barn" á morgun. Yndislega 17 ára stelpu.....þetta er greinilega toppafmælisdagur.

[Högni Jóhann Sigurjónsson, 6.9.2008 kl. 18:02]

Aðra færslu takk?

[Sif (IP-tala skráð) 6.9.2008 kl. 18:05]

Innilega til hamingju með peyjann á morgun.... vonandi verður dagurinn ánægjulegur. 

Reyndar á dóttir mín afmæli í dag, og veislan verður haldin á morgun.  Er svona að vonast til að einhver góðhjartaður bjóðist til að taka minn einhverfa peyja svona rétt á meðan afmælisveislan er... En kannski lokar hann sig bara inni á baði á meðan, en það gerir hann oft þegar honum finnst vera of mikil mannþröng hér á heimilinu...

hmmmm verst að það er bara eitt baðherbergi í húsinu... æji gestirnir geta þá bara pissað úti í garði :=)

[Ólöf Jóhanna Pálsdóttir, 6.9.2008 kl. 18:32]

[Halla Rut , 6.9.2008 kl. 19:25]

Ég bara bíð eftir bókinni.

[Kjartan Pálmarsson, 6.9.2008 kl. 20:00]

Ég ætla bara bíða eftir myndinni þ.e.a.s. kvikmyndinni

[Birna Dis Vilbertsdóttir (IP-tala skráð) 6.9.2008 kl. 20:39]

[Jón Hinrik (IP-tala skráð) 6.9.2008 kl. 21:51]

Hæ gamla vinkona. Til hamingju með strákinn á morgun. Gaman að bók eftir þig sé að verða að raunveruleika.'Eg er viss um að þér var alltaf ætlað að hanna föt eða skrifa bók . . . . . . . nema hvorutveggja sé málið         Bestu kveðjur Nonni

[Steingrímur Helgason, 7.9.2008 kl. 00:52]

Geitin ég veit að bókin er alltaf betri, þú lætur eftir mér áritun á mitt eintak, eftir þriðja lesturinn minn.

[Tína, 7.9.2008 kl. 07:52]

Til hamingju með gullmolann þinn og ég óska þess innilega að hann skemmti sér hjartanlega í afmælisveislunni . 

Bíð síðan spennt eftir bókinni.

Megaknús á þig ofurkona. Ég dáist að þér.

[Högni Jóhann Sigurjónsson, 7.9.2008 kl. 11:29]

Til hamingju með daginn.

[Edda Agnarsdóttir, 7.9.2008 kl. 11:45]

Til hamingju með Ian!

Hlakka til að fá bókina.

[Guðrún Jóhannesdóttir, 7.9.2008 kl. 13:21]

til hamingju með daginn Ian og þið öll

[Gunnar Helgi Eysteinsson, 7.9.2008 kl. 14:28]

Hjartanlega til hamingju með þann "Einhverfa"
Ég ætla sko sannarlega að sjá til þess að einhver kaupi fyrir mig bókina þegar hún kemur út... bíð spenntur!

PS. Skoðaðu þetta

[Anna Margrét Bragadóttir, 7.9.2008 kl. 15:22]

Innilega til hamingju með Ian ;)

Stórt afmælisknús á hann og ykkur öll

[Sigríður Þórarinsdóttir, 7.9.2008 kl. 15:43]

Til hamingju með afmælisbarnið.

[Sigríður Þórarinsdóttir, 7.9.2008 kl. 15:43]

Klukk eða var búið að klukka þig?

[Sunna Dóra Möller, 7.9.2008 kl. 17:04]

[Sólveig Kristín Gunnarsdóttir, 7.9.2008 kl. 18:50]

Til hamingju med strákinn thinn og bókina.

[Margrét Laxdal (IP-tala skráð) 7.9.2008 kl. 20:09]

Til hamingju með þennan yndislega dreng - vona að dagurinn hafi verið honum góður!

Til hamingju ÍSLAND með að bókin hennar Jónu fari að koma út - mikið hlakka ég til!

[Doddi - Þorsteinn G. Jónsson (IP-tala skráð) 7.9.2008 kl. 21:15]

Kæra Jóna,

ég hef mikla trú á bókinni þinni og flott að þetta er allt að smella saman. Ég tók mér það bessaleyfi að senda þér smá póst ... vona að þú takir vel í hann

Kærar kveðjur úr norðri! 

[Sesselja Fjóla Þorsteinsdóttir, 7.9.2008 kl. 22:24]

[Lísa Björk Ingólfsdóttir, 7.9.2008 kl. 23:23]

Til hamingju, til hamingju með þetta allt - og toppinn líka :)  Vá hvað ég vildi hafa orku til að vaka svona og vinna.  Ég þyrfti svo á því að halda þannig að ef þú ert búin að nota þína þá máttu senda mér hana.  Þarf að vinna upp einmitt svona vinnufjarvistir þar sem litlan mín er búin að vera veik síðan hún byrjaði á leikskólanum..........

knús