Smá misskilningur

 

Ég hef skapað smávegis misskilning með því að læsa blogginu mínu.

Ég tók örlítið geðsveiflukast um daginn og ákvað að ég ætlaði bara að hætta þessari vitleysu. Var næstum því búin að henda út öllu draslinu en féll frá þeirri hugmynd. Þá fannst mér nærtækast að læsa dótaríinu. Sem svo aftur orsakaði það að fólk hélt að ég væri enn að setja inn færslur, sem væru ekki ætlaðar öllum.

Því detta hér inn í lange baner óskir um að fá lykilorð. Ég var sest niður og ætlaði að fara að svara hverjum og einum með tölvupósti og útskýra málið en í sannleika sagt þá féllust mér hendur. Þetta er því svona fjölda-póstur, ætlaður öllum sem hafa áhuga.

Þar sem er ekki um neinar færslur að ræða og ekkert lykilorð þá mun ég hafna öllum beiðnunum en vil bara koma því á framfæri að þegar ég set inn blogg aftur (þetta er ekki blogg sko) þá verður það öllum opið.

Verð að viðurkenna að ég tek öllum þessum beiðnum sem hlýjum kveðjum og get ekki annað en þakkað ykkur fyrir.

Má til með að segja ykkur í leiðinni frá dags-afrekum Þess Einhverfa.

Það var hér áðan, venjuleg niðurtalning í tannburstun; eftir fimm mínútur - þrjár mínútur - tvær mínútur.... svo gleymdi ég mér.

Eftir nokkra stund ranka ég við mér og kalla: Ian, bursta tennurnar núna.

Nei, var svarið.

Jú, bursta tennurnar NÚNA

Þá kom líka þessi flotta og fullkomna setning:

Ég er búin að bursta tennurnar

Ég trúði ekki mínum eigin eyrum en stráksi margtuggði þetta ofan í mig og Gelgjan staðfesti eftir að hafa farið og athugað hvort tannburstinn hans væri blautur. Jú, hann er búinn að bursta, sagði hún.

Afrakstur dagsins: 6 orða fullkomin setning, með góðum framburði. Geri aðrir betur.

En svo átti ég líka símtal við Þann Einhverfa í dag og þar var framburðurinn ekki eins góður. Allavega ekki ef við erum að tala um íslensku.

Þegar Sá Einhverfi tekur upp símann þá  kemur alltaf frá honum ofsalega eðlilegt ''Halló''. Tónninn er þannig að þér finnst þessi aðili á hinum endanum vera meira en til í spjall. Og það er hann vissulega. En það hljómar svona:

dabbadabbadibbí dúbbarúbbabibbirídída dúddúlúlúbabbasam.......

Og í dag var það nákvæmlega þannig. Ég hringdi heim og hélt fyrst að Gelgjan hefði svarað því þetta ''Halló'' er svo bjart og glaðlegt og greinilegt. En svo kom runan:

dibbidibbdibbdibbdibb dabbadabbadibbí dúbbarúbbabibbirídída dúddúlúlúbabbasam.......

ég gólaði upp í eyrað á honum: hæ Ian, þetta er mamma. Segðu hæ segðu hæ. Ian segðu hæ...

diddibibbdibb mabblabba dúbbídabbaarabbababba... ég hefði eins getað verið að tala við sjálfvirkan símsvara.

En svo læddi sér þarna mitt á milli rússnesku orðanna: ''mamma koma heim'', og áfram hélt hann: sabbamabbdabbe dibbídabbedaddara. Og að lokum glaðlegt: Ókey bææææ.

Svo lagði hann símann frá sér án þess að leggja á.

Ég varð að gjöra svo vel að hringja í gemsann hjá Unglingnum til að ná sambandi heim aftur.

 

Athugasemdir

[Ragnheiður , 3.6.2008 kl. 22:47]

Ian er góður og ég hef enn fulla trú á honum, hann er snillingur

Ég er glöð að sjá þig aftur, skömmin þín að skemma svona daglega lífið manns og lesturinn (já já ég veit, ég er sjálfhverf persóna)

Gott að sjá þig

[Anna Lilja Torfadóttir (IP-tala skráð) 3.6.2008 kl. 22:52]

Sjúkket að þú ert ekki hætt

Strákurinn þinn er algjört gull og gerir hvern dag í lífi þínu (ykkar) einstakan.  Þú ættlr ekki að þurfa að kvarta yfir því að lífið sé alltaf eins - engin tilbreyting.  Til hamingju með að eiga svona frábær börn!!

Kv. Anna Lilja

[Heiður Þórunn Sverrisdóttir, 3.6.2008 kl. 22:59]

Gott að sjá þig aftur...skildi ekki afhverju þú skrifaðir ekkert og varst búin að læsa öllu saman.

Ian er yndislegur og mér finnst svo gaman að lesa hann hér. 

[alva (IP-tala skráð) 3.6.2008 kl. 23:02]

jæja, velkomin aftur :)

[Gunna-Polly, 3.6.2008 kl. 23:10]

velkomin aftur !! og ekki gera mér þetta aftur ég þurfti áfalla hjálæ

[Edda Agnarsdóttir, 3.6.2008 kl. 23:21]

Ég fékk smá hræðslukast í morgun og fór að hugsa allt á sorglegu nótunum og spurði sjálfan mig: Kannski hefur eitthvað komið fyrir hjá Jónu?

Ég flýtti mér í tölvuna þegar ég kom heim í hádeginu og las póstinn frá Jenný og létti verulega! Hjúkket, Jenný sagði eftir fyrirspurn hjá mér í gær að þú værir bara í smápásu.

Ekki hræða mig svona aftur og hina!

Knús á Ian og hina í familíunni.

[Hólmdís Hjartardóttir, 3.6.2008 kl. 23:23]

Þú verður að kommentera hjá Róslín!!

[Ása Hildur Guðjónsdóttir, 3.6.2008 kl. 23:26]

hjúkk skýring komin.....

Manni stóð bara alls ekki á sama um þetta allt saman

Takk fyrir og knús knús

[Guðríður Hrefna Haraldsdóttir, 3.6.2008 kl. 23:29]

Sjúkkkkk

[Jóhanna Magnúsar- og Völudóttir , 3.6.2008 kl. 23:32]

Dularfull!

[Ásdís Sigurðardóttir, 3.6.2008 kl. 23:33]

Ég var bara orðin skelfingu lostin, vissi ekki hvað ég hafði gert af mér. Gott að heyra frá þér aftur.  Knús á ykkur öll.

[Jenný Anna Baldursdóttir, 3.6.2008 kl. 23:39]

Allir alveg í rusli, sjúkk og sjúkkit og ég veit ekki hvað.  Hélt að allir væru himinlifandi yfir að vera lausir við þig í smá stund.  En velkomin aftur honeypie

[Birna Dis Vilbertsdóttir (IP-tala skráð) 3.6.2008 kl. 23:50]

Ég saknaði þín (ykkar)

[Lilja Guðrún Þorvaldsdóttir, 3.6.2008 kl. 23:53]

Segi eins og Ásdís , hélt að ég hefði skrifað eitthvað skelfilegt, sem gerði það að verkum að þú lokaðir. - Fegin að heyra frá þér. -  Og börnin eru enn sama dásemdin. 

[Sigrún Jónsdóttir, 4.6.2008 kl. 00:00]

Gott að heyra frá þér

[Ía Jóhannsdóttir, 4.6.2008 kl. 00:15]

Já lífið er hverfult en gott að þú hentir ekki öllum þínum góðu færslum út í hafsauga Jóna mín.  Vertu bara eins og þú ert og komdu þegar þú vilt og við tökum ávallt á móti þér með hlýhug kæra vina. 

[Jens Guð, 4.6.2008 kl. 00:21]

  Ég var sannfærður um að rithöfundurinn væri að senda frá sér bókina langþráðu með úrvali af bloggfærslum og vildi ekki láta ókeypis blogglestur keppa við sölu bókarinnar. 

[Linda Linnet Hilmarsdóttir, 4.6.2008 kl. 00:21]

Mikið er yndislegt að fá að heyra í þér aftur elsku Jóna mínvar hrædd um að eitthvað hefði komið fyriren þú ert yndisleg og eins þín Einstaka fjölskylda,knús knús og bestu kveðjur

[Linda litla, 4.6.2008 kl. 00:35]

Æi krúttið, hann er svo duglegur, stórt knús til hans Ian.

Takk fyrir að samþykkja mig aftur sem bloggvin, veit ekki af hverju þú dast út...

[Róslín A. Valdemarsdóttir, 4.6.2008 kl. 00:50]

Æ hvað það er gott að heyra í þér Jóna mín!
Ég skal sko segja þér það að ég ætlaði mér nú ekki að hafa einhverjar vinsældir af því að spyrja hvar þú værir!

En yndislegt er að heyra með hann Ian þinn, afrek út í eitt, en ótrúlega væri maður til í svona rússneskt símtal.....
Ég sendi þér knús!

[Róslín A. Valdemarsdóttir, 4.6.2008 kl. 01:05]

Jóna geturðu sent mér e-mail svo ég geti sagt þér svolítið? Það er ekkert merkilegt en ég er bara þannig manneskja að ég verð að segja fólki ómerkilegustu hluti...

[alva (IP-tala skráð) 4.6.2008 kl. 01:07]

já og ég gleymdi að segja þér, ég tók svona "kast " fyrir jólin einhverntímann og hætti og veistu hvað, henti ÖLLU og meira að segja öllum minningunum um krakkana mína...ég er enn að gráta það :( svo lærðu af mér og íhugaðu aldrei aftur að henda öllu...skelfilegt þegar það er búið :( :( :(

[Jóna Kolbrún Garðarsdóttir, 4.6.2008 kl. 01:23]

Velkomin aftur, ég er búin að lesa bloggið þitt á hverjum degi í marga mánuði og saknaði ég þín.  Þótt ég þekki þig ekki neitt, finnst mér þú ómissandi hérna á blogginu

[Hulla Dan, 4.6.2008 kl. 06:54]

Velkomin aftur.
Ætlaði reyndar að skrifa nákvæmlega það sama og Jóna Kolbrún.

Eigðu góðan dag.

[Gunnar Helgi Eysteinsson, 4.6.2008 kl. 08:27]

Ég hef oft fengið þessa hugsun í kollinn að eyða blogginu mínu - skil þig vel.
Gott að fá að koma inn aftur og lesa skemmtilegar færslur.

[Einar Indriðason, 4.6.2008 kl. 09:02]

Það liggur við að ég segi skamm!  Amk... láta vita, fyrirfram! 

Gott að lesa þig aftur, og gaman að heyra gobbledígoggið frá þeim Einhverfa.

[Auður Lísa (IP-tala skráð) 4.6.2008 kl. 09:02]

Gott að geta lesið þín skemmtilegu skrif. Ég saknaði ykkar sárt þennan lokunartíma hjá þér. :)

Ian er mitt uppáhald

Kveðja 

[Sunna Dóra Möller, 4.6.2008 kl. 09:32]

Gott að þú ert komin aftur!

[Adda (IP-tala skráð) 4.6.2008 kl. 09:37]

Datt nýlega inn á bloggið þitt og hef mjög gaman af lestrinum.  Þú ert skemmtilegur penni og mér finnst bæði áhugavert og lærdómsríkt að fá að skyggnast örlítið inn í heim einhverfra.  Vonandi heldur þú áfram að blogga og leyfa okkur hinum að fylgjast með.

Adda

[Hrönn Sigurðardóttir, 4.6.2008 kl. 10:12]

sorrý! Tók ekki einu sinni eftir því að það var læst!

[Guðrún Jóhannesdóttir, 4.6.2008 kl. 11:00]

mér leið eins og Palla, í Palli var einn í heiminum, remdist svo við að senda þér beiðni um aðgang, en fékk eilíf villuboð, var farin að ákalla allt sem heilagt er þ.e. strákana sem stjórna bloggheimi mbl. Gott að vera í sambandi við þig aftur

Knús úr sól, hita og lífsnauðsynlegum blæstri Hytten Danmark :*

[M, 4.6.2008 kl. 11:20]

Ég fór ekkert yfir um sko, en gaman að sjá þig aftur  

[Sesselja Fjóla Þorsteinsdóttir, 4.6.2008 kl. 11:21]

Það er gott að vera búin að fá aðgang aftur.  Gaman að lesa bloggið þitt, fróðlegt og þú ert einnig hörkupenni.

[Hugrún (IP-tala skráð) 4.6.2008 kl. 11:45]

Sæl Jóna, held að ég hafi aldrei kommentað hjá þér, en færslurnar þínar eru alveg hreint yndislegar. Ég verð að viðurkenna að ég kíki stundum nokkrum sinnum á dag á bloggið þitt í von um að það sé komið e-ð nýtt . Vona að þú haldir ótrauð áfram að skemmta okkur hinum með blogginu þínu - að ég tala nú ekki um hvað er skemmtilegt að eiga minningarnar niðusr skrifaðar

[Helga Linnet, 4.6.2008 kl. 11:48]

sjúkkitt....fékk næstum því taugaáfall og var um það bil að skrá mig inn á klepp

Það er stranglega bannað að hræða okkur svona

Nei nei....smá grín, hver getur ekki fengið geðsveiflukast?! Gott að heyra að það var ekkert alvarlegt á ferð. Gaman að lesa færslurnar þínar, þær gefa manni svo mikið spark og jákvæðni.

Ein fullkomin setning til þín, Jóna: ÞÚ ERT FRÁBÆR

[Ómar Ingi, 4.6.2008 kl. 11:59]

Ahhhhhhhhhhhh

Mér er létt að þú ætlir nú ekki að útiloka okkur frá bestu bloggsögum landsins um fjölskylduna sem okkur þykir SVO vænt um

Knús á alla hjá þér líka dýrin

[Helga Magnúsdóttir, 4.6.2008 kl. 12:42]

Ég fékk alvarlega höfnunartilfinningu þegar ég var búin að biðja þig um lykilorð og fékk ekkert svar. Líður strax betur. Sá einhverfi er vitanlega snilldin ein eins og venjulega.

[Solveig (IP-tala skráð) 4.6.2008 kl. 13:00]

Bestu þakkir fyrir einlægt blogg sem er svo frábært að fá að lesa. Ég er ein af þeim sem sótti um aðgang en hef aldrei kvittað fyrir í gestabókinni.  Hvet þig áfram á þínum forsendum. Held að geti dýpkað skilning og aukið þroska að fá ólík viðbrögð við færslum, ekki hvað síst fyrir okkur gestina sem lesum þína færslu og svo innslög frá lesendum. 

Síðan þín hefur kennt mér mikið  og frætt um einhverfu og ég þakka fyrir það og líka að fá að kynnast viðbrögðum þeirra sem búa með einhverfu barni. Takk fyrir að veita innsýn og takk fyrir að opna aftur.  Megið þið eiga gott og gjöfult sumar- Kær kveðja

[Anna (IP-tala skráð) 4.6.2008 kl. 13:02]

HJÚKK, ég fór sko yfir um enda er þitt blogg það sem ég les ALLTAF FYRST! Strákurinn þinn er bara ÆÐI! og auðvitað þið öll.

kv,

ÓKUNN

[Björk (IP-tala skráð) 4.6.2008 kl. 13:37]

Frábært að þú ert búin að opna bloggið aftur.  Þú ert fastalesturinn minn á hverjum degi.  Kær kveðja,

Björk 

[DORIS (IP-tala skráð) 4.6.2008 kl. 14:00]

Það sem ég er búin að sakna að lesa um þig og Ian , þið eru sko ávanabindandi .

Svo fegin að lesa að þú ekki varst búin að læsa, bara i pásu, helt hreinlega i restina að eitthvað hafði komið fyrir !

Kær kveðja

[Hulda Bergrós Stefánsdóttir, 4.6.2008 kl. 14:05]

Hjúkk ég komst inn, segi bara eins og lögum unga fólksins hér í ..........ástar og saknaðar kveðjur og takk fyrir að  opna

[Guðríður Pétursdóttir, 4.6.2008 kl. 14:59]

HAHA kannski er það bara eins og þú sagðir einu sinni,að hann er að leika á ykkur öll...

Algjör snillingur

Gott að sjá þig aftur...

[Guðrún Emilía Guðnadóttir, 4.6.2008 kl. 15:28]

Ja hérna Jóna gerast enn, gott að þú ert komin aftur,
þið eruð frábær og þú stórkostlegur penni.
                Knús Milla.

[Hanna (IP-tala skráð) 4.6.2008 kl. 15:32]

Ég er ein af þeim sem hef fylgst með blogginu þínu í dágóðan tíma án þess að þekkja þig og hef aldrei kommentað. Ég hef unnið mikið með einhverfum og tengi margt af því sem Ian gerir við börnin sem ég hef unnið með. Þú lýsir þessu á einstakan hátt, bæði Ian og viðbrögðum þínum.

Vona að pásan verði stutt!!! :)

[María Guðmundsdóttir, 4.6.2008 kl. 18:01]

segi alveg thad sama og Hulla og flr. var bara i mínus hérna med allt i stáli og hafdi áhyggjur ad einhver hefdi verid med hrottalegt skitkast eda álika. Mikid létt ad svo var ekki alveg naudsynlegt ad lesa hjá thér reglulega, tala nú ekki um thegar svona gódar søgur af Ian fylgja med  ædislegt bara! 

[Bergljót Hreinsdóttir, 4.6.2008 kl. 18:54]

 Auðvitað er Ianinn þinn alger snillingur.....ekki spurning...

Kannski hljóma símtölin svona í eyrum barnanna okkar...sabbadúbbídabbadebbisúbbúdúrúdamm....

Annars er nóg að hér dynji á okkur náttúruhamfarir á borð við jarðskjálfta og  heimsókn hvítrabjörns þó þú hverfir ekki bara svona af yfirborðinu án þess að segja svo mikið sem BLESS....

Velkomin aftur...gott að sjá þig.....

[Unnur R. H., 4.6.2008 kl. 19:16]

Ef þú læsir á mig, þá verð ég bara NUTS Ekki gleyma mér

[Sirrý (IP-tala skráð) 4.6.2008 kl. 19:30]

Ég ekki þig ekki neitt en mikið er ég búin að sakna þín þessa daga sem bloggið þitt var úti. Ég sit og les bloggið þitt og græt yfir sigrum sonar þíns og finnst þið öll æði.

Lá við að ég hringdi í þig til að athuga hvort ekki væri allt í lagi.

kveðja Sirrý

[Ólöf Jóhanna Pálsdóttir, 4.6.2008 kl. 20:15]

Gott að þú ert mætt aftur og ólæst. Mismunandi hvað við erum upplögð við að blogga. Stundum verðum við að gera hlé og þá gerum við það bara. Kær kveðja.

[Ívar Pálsson, 4.6.2008 kl. 21:01]

Velkomin aftur í platheima. Maður má ekki tæma batteríin og geyma þau þannig, þá eyðileggjast þau. Þú VERÐUR ekkert að koma með djúpa færslu í hvert sinn, enda eru heimsóknirnar oft mestar um almenna þætti lífsins. Það er ástæða fyrir því að þú ert oftast í þremur efstu í vinsældum og sú ástæða er ekki af því að þú þurfir að koma með nýtt leyndarmál um fjölskylduna í viku hverri. Munum bara hvernig það var þegar við byrjuðum að blogga fyrir rúmu ári, hvað þetta er er góð losun.

Gott er að eignast eigið afrit af öllu blogginu á harðan disk hjá sér, með tenglum og öllum pakkanum. Forritið SNAGIT er algjör nauðsyn hverjum bloggara (kostar um EUR 30 á netinu ef ég man rétt). Með því tekur maður afrit af vefjum eins og maður vill, en aðallega nota ég það í að taka mynd af því sem maður sér á skjánum, t.d. hluta úr ljósmynd og vista þá mynd hjá manni sjálfum. Hún er þá skýr en létt í meðförum.

Dinglaðu þér bara, þá verður þetta fínt. Ekki taka alvarlega komment frá einhverjum svartholum.

[Lena (IP-tala skráð) 4.6.2008 kl. 21:47]

Veii, þú ert komin aftur, ég var bara miður mín að koma að læstum kofanum. Ég er ein af fastagestunum, les af áfergju en er svo dónaleg að kvitta aldrei, nú skal verða bót þar á.

Ég hef mjög gaman af blogginu þínu og finnst dásamlegt að fá að fylgjast með framförunum hjá Ian, langar oft að hrópa húrra þegar hann gerir eitthvað snilldarlegt eins og núna að bursta tennur OG segja þessa löngu setningu.

Takk fyrir

[ókunnug (IP-tala skráð) 4.6.2008 kl. 22:00]

hjúkk að þú hættir við að læsa, ég er mamma 5.ára einhverfs töffara og finnst svO gott að sjá/lesa að ég er ekki "ein í heiminum..."

[Sigurlaug B. Gröndal, 4.6.2008 kl. 23:37]

Mikið er ég fegin að sjá þig aftur. Ég les alltaf bloggið þitt og ég hélt bara að eitthvað stórkostlegt væri að. Að einhver hefði bara gert árás á þig með lúalegum sendingum eða eitthvað álíka. Þú ert ómissandi hér í bloggheimum. Knús frá mér.

[Söngfuglinn, 4.6.2008 kl. 23:42]

Hjúkk mar. Mikið er ég glöð að sjá þig aftur hér. Búin að vera í sjokki. Finnst yndislegt að fylgjast með sögum af þeim eihverfa. Barnabarn mitt, 3ja ára drengur greindist með einhverfu núna í vetur og að lesa hjá þér er nánast lækning á óttanum við það sem maður ekki þekkir. Takk fyrir mig.

[Selma Kaldalóns (IP-tala skráð) 5.6.2008 kl. 09:31]

Gaman að sjá þig aftur hér á bloggheimum. Ég, líkt og margir aðrir, hef saknað þín þennan tíma sem bloggið þitt var lokað og var miður mín yfir að geta ekki lesið sögurnar þínar. Velkomin aftur :)

[Heiðdís Ragnarsdóttir, 5.6.2008 kl. 09:35]

Ooohh hvað ég er fegin að þú ert komin aftur. Finnst sögurnar þínar um Ian æðislegar. Er að vinna með einhverfum og ef maður ætlar að komast í gegnum vinnudaginn þá verður húmorinn að vera á sínum stað.

Takk fyrir að koma aftur

[Starfsmaður LH (IP-tala skráð) 5.6.2008 kl. 10:59]

Daginn,

Langaði bara að benda á þessa, endilega skoða og segja sína skoðun

www.edrumenn.blogspot.com

[kristin (IP-tala skráð) 5.6.2008 kl. 12:59]

Sæl Jóna

Ég vona svo sannarlega að þú leyfir okkur að fygljast áfram með þér, því það einfaldlega mannbætandi að lesa skrif þín ( hef svo sem skrifað það hér áður)

Ian er einfaldlega snillingur og er að springa út núna - leyfðu okkur að fylgjast með því undri :)

kveðja, Kristín

[Haraldur Halldór, 5.6.2008 kl. 13:08]

Hér er einn af mörgum sem óskaði eftir aðgangi að læstu bloggi :)

Fannst það næstum nálgast mannvonsku að loka þessum frábæru skrifum ...nei segi bara svona ..engin mannvonska en skrifin frábær og ég hef fylgst með ykkur í þessari stórskemmtilegu fjölskyldu í langan tíma  og haft bæði gagn og gaman af .

'Óska þér og þínum skemmtilegs sumars og þú heldur vonandi áfram að gleðja okkur með skemmtilegum skrifum :) 

[Hafdís (IP-tala skráð) 5.6.2008 kl. 13:24]

Ég mun vera ein af þeim sem hef fylgst með skrifum þinum í þónokkurn tíma og hef aldrei kommentað....

Bloggin eru hreint alger snilld og gott að byrja daginn á einu bloggi frá þér... takk fyrir að koma með svo frábær skrif af þér og fjölskyldu þinni og endilega haldtu því áfram :D 

[Högni Jóhann Sigurjónsson, 5.6.2008 kl. 16:43]

[Marta B Helgadóttir, 5.6.2008 kl. 20:51]

[Bjarni (IP-tala skráð) 5.6.2008 kl. 22:11]

Ég er hér í útlöndum að rolast í próflestri, þurfti þá uppáhaldsbloggarinn minn einmitt að hætta að skrifa á sama tíma. Lesturinn var farinn að líða fyrir því ég hafði ekkert bitastætt til að tefja mig frá honum. Vonandi heldur þú þínu striki, hef kíkt á síðuna á hverjum degi í nokkra mánuði eða frá því ég rambaði hingað inn fyrir slysni.

 kv. Bjarni.

[Emma Agneta Björgvinsdóttir, 6.6.2008 kl. 00:01]

Velkominn aftur ég segji alltaf mundu eftir að skella á, oft lent í því að það er ekki gert.