Nýju garðhúsgögnin vígð

Í gær vorum við svo heppin að vera boðið í grill yfir til Önnu frænku á 47. Og ekkert slor skal ég segja ykkur. Grillaður humar og hvítlauksbrauð í forrétt. Nautasteik og bakaðar kartöflur í aðalrétt. Konan (ég) skellti í mig rauðvíni eins og mér væri greitt veglegt kaup á tímann fyrir það. Gelgjan skellti í sig hamborgara og lét sig svo hverfa. Sá einhverfi hafði borðað pasta áður en við fórum yfir svo hann skemmti sér með hundunum (tveir hundar á þeim bænum) úti í garði. Nýfenginn áhugi á körfubolta varð líka til þess að hann dró einhvers konar risavaxinn veiðiháf út úr bílskúrnum og vildi festa hann á vegginn. Hélt þetta væri karfa. Var reyndar ekki langt frá því.. net, hringur og handfang sem hefði alveg getað skrúfast í vegginn. Gestgjafarnir voru samt ekki til í að klippa neðan af netinu, né skrúfa háfinn fastan við húsið. Sko sumir gestgjafar eru bara alls ekki gestrisnir.....

Því fór það svo að það sem átti að vera í 17. júní mat hjá okkur hérna á 43, var grillað í kvöld. Svínalundir ala breti. Af því tilefni voru nýju garðhúsgögnin vígð.

 

 

 Gelgjan með pylsu ala mamma í pylsubrauði. Léttmjólk, árgangur 06 2007 í glasinu

 

 

 

 

 

 

 

 

 Bretinn að snæðingi

 

 

 

 

 

 

 

 

p.s. Nú barasta verð ég að drífa mig í líkamsrækt. Ég var að reita arfa, róta í mold og stinga upp rætur í garðinum í gær og mig verkjar í allan líkamann. Töluverður fjöldi af vöðvum sem ekki eru notaðir í þessum kroppi. Samt sló það allt út fyrir einhverjum árum síðan þegar ég vaknaði með harðsperrur einn morguninn og gat aðeins tengt það við að hafa bograst yfir baðkarinu við hárþvott. Mana ykkur til að toppa það  í ''vera ekki í formi'' deildinni.

 

 

 

 

Athugasemdir

[Kristín Katla Árnadóttir, 18.6.2007 kl. 23:11]

Sæt gelgjan þín og Bretinn myndarlegur og flott mynd af þér .

[Anna Ólafsdóttir (anno) (IP-tala skráð) 18.6.2007 kl. 23:21]

Frábærar myndir - og prófílmyndin af þér er æði - hreint ekki svo ólík þeirri fyrri  

[Guðríður Pétursdóttir, 18.6.2007 kl. 23:35]

Ég er sammála Önnu ekki ólíkar gellur þið Marilyn...

En ja í sambandi við að vera úr formi þá er "úrformi" millinafn mitt. Ég hef fengið harðsperrur í magann bara af því að hlæja mikið

[Heiða B. Heiðars, 18.6.2007 kl. 23:43]

Ef ég hrósa myndinni þinni skiptirðu henni út fyrir augnlok? Tek enga sénsa Fjölskyldan þín er svakalega fín

[Jenný Anna Baldursdóttir, 18.6.2007 kl. 23:54]

Jóna mín ég er nú þegar búin að toppa þig.  Má ekki lyfta hendi þá þarf ég fara til sjúkraþjálfara (smá ýkjur fer aldrei til sollis þjálfa) er í lélegra formi heldur en 500 kg. karlmaður.

[Kristín Katla Árnadóttir, 19.6.2007 kl. 00:08]

Ég verð að sýna mitt rétta andlit first að þú gerðið það, geri það bráðum. Við erum ekkert svo ólíkar.

[Svava frá Strandbergi , 19.6.2007 kl. 00:18]

Gaman að sjá þitt rétta andlit Jóna. Ég hélt fyrst að þú værir einhver nýr bloggvinur minn sem ég mundi ekkert eftir að hafa séð áður. Þú ert ekkert síðri núna en á hinni myndinni. 

[Jóna Á. Gísladóttir, 19.6.2007 kl. 00:35]

Takk fyrir kommentin krakkar mínir.

[Marta B Helgadóttir, 19.6.2007 kl. 07:16]

Kannast við lýsinguna, þarf að skerpa á likamlegu formi sjálf. Fór í kvennahlaupið á laugardaginn og er enn illt í stórutánni og það sem er enn furðulegra, mér er illt í hendinni líka - ekki hleypur maður með hendinni ??

[Marta B Helgadóttir, 19.6.2007 kl. 07:20]

Myndarfjölskylda Glettni og góðmennska skín úr svip ykkar allra í fjölskyldunni. 

[Jóna Á. Gísladóttir, 19.6.2007 kl. 09:19]

Jú er það ekki. Hleypur maður ekki með hendinni

[Katrín Snæhólm Baldursdóttir, 19.6.2007 kl. 11:23]

Lol..ég hló líka af þessu að hlaupa ekki með hendinni.

Ohhh mig langar í góðan grillmat og garðhúsgögn. Heyrðu mér finnst bretinn eitthvað kunnuglegur ..hlýt að hafa rekist á hann enda bý ég í bretlandi!!! Sýndu honum bloggmyndina mína og spurðu hann hvort hann muni ekki eftir að hafa séð mig í bretlandinu.

Nú fer hver að verða síðastur að sýna sitt réta andlit. Var að spá í að taka mynd af mér í skógargöngu í fyrram+alið. Fann nefninlega skógargyðjuhásæti sem búið er að skera í tré...ég er í frábæru formi. En ég get líka flogið og fæ einstaka sinnum harðsperrur í vængina..ekkert annað.

Smjúts..þú ert voða sæt!!!

[Jóna Á. Gísladóttir, 19.6.2007 kl. 12:31]

Katrin mín þakka þér fyrir. Þú hefur örugglega ekki séð Bretann í Bretlandi heldur á Aðalstöðinni. Ættir líka að muna eftir mér þaðan skömmin þín. knús.

[Katrín Snæhólm Baldursdóttir, 19.6.2007 kl. 22:27]

Hmmmm....ég var svo lengi á Aðalstöðinni..mörg mörg ár og hitti svo margt fólk. Endilega sendu mér mail og settu mig inn í málið!!!!