Var dugleg að drekka í gær

Hér á vinnustaðnum mínum hafa vappað um gólf síðustu daga erlendir umboðsaðilar okkar. Þeir komu hingað nokkrir frá Evrópu, USA og Asíu á fundi og til að hitta okkur. Og að sjálfsögðu til að skemmta sér eins og oftast er þegar um svona millilandavinnufundaferðalög er að ræða. 

Lokadagurinn var í gær og þá var farið með þá upp á Mýrdalsjökul í vélsleðaferð (ekki ég náttúrlega. Besta starfsfólkið er alltaf látið sitja eftir og sjá um skrifstofuna ). Þeir voru allir agalega lukkulegir með það og ekki síst þessi frá Asíu. Hann var þarna að sjá snjó í fyrsta skipti, svona berum augum. Hann bara táraðist og eyddi löngum tíma einn starandi á herlegheitin.

Kl. 7 hittumst við svo öll á barnum á hótelinu þar sem þeir dvöldu og þar náðum við að horfa á Eika Rauða syngja á skjánum, áður en haldið var á Veitingastaðinn Domo í Þingholtsstræti. Þar áttum við aldeilis góða kvöldstund sitjandi á langborði, um 25 manna hópur. Mikið spjallað og mikið hlegið.

Á Domo og á Vínbarnum á eftir var drukkið vín í allskonar útgáfum og var fólk misrislágt í morgun og er reyndar enn þegar þetta er skrifað. 

 Sjálf hef ég týnt nokkrum heilasellum í gær og er alls ekki í fullri fúnksjón. Það yndislega við þetta er hvað maður kann vel að meta heimilið sitt þegar svona stendur á. Ég sé það alveg í hillingum og núna er svona móment sem gerir þennan frasa að heilagri ritningu: Heima er best.  

Athugasemdir

[Jenný Anna Baldursdóttir, 11.5.2007 kl. 16:26]

Einhver verður að halda merkjum drykkjunnar á lofti hér í bloggheimum.  Skál!

[Kristín Katla Árnadóttir, 11.5.2007 kl. 18:27]

Það hefur verið gaman hjá þér Jóna mín og ykkur öllum

[Guðríður Pétursdóttir, 11.5.2007 kl. 22:40]

"Hann var þarna að sjá snjó í fyrsta skipti, svona berum augum. Hann bara táraðist og eyddi löngum tíma einn starandi á herlegheitin. "

Sé hann alveg fyrir mér..

[Jóna Á. Gísladóttir, 11.5.2007 kl. 22:50]

Skál Jenný (að sjálfsögðu í vatni)

Kristín Katla, já þetta var bara þrælskemmtilegt og konan (ég sko) lék á alls oddi... þangað til í vinnunni í dag.

DrykkjuSvampur!

Guðríður vertu góð

[Hrólfur Guðmundsson, 12.5.2007 kl. 18:20]

Kona sem týnir heilasellum á fylliríi ætti að fara á stefnumót með mér!

[Jóna Á. Gísladóttir, 12.5.2007 kl. 19:29]

Hrólfur ég held að það myndi bara enda með hávaðarifrildi