Spennandi kosningavaka framundan og nakin húsmóðir á hlaupum um Selásinn

Ég held ég hafi aldrei verið svona spennt yfir kosningum, enda bara rétt að slíta barnsskónum  og eðlilegt að maður þurfi að ná fullorðinna manna tölu til að atburður sem þessi vekji hjá manni eftirvæntingu og spennu.

Svei mér þá ef ég er ekki bara að komast í partýstuð. En það partý verður fámennt og góðmennt, þ.e. Sá Einhverfi, Gelgjan og ég, því Bretinn er að vinna við kosningasjónvarpið og verður því ekki heima í kvöld.

Svo er spurning hvort ég hlaupi ekki bara allsnakin hérna um Seláshverfið í nótt þegar ljóst verður að stjórnin sé fallin. Svona rétt til að fagna á óhefðbundinn hátt. Vona að það verði morgundögg sem hægt verður að velta sér upp úr í görðum nágrannanna. Í mínum er of mikill hundaskítur.

Athugasemdir

[Jenný Anna Baldursdóttir, 12.5.2007 kl. 13:53]

Láttu ekki slá að þér dúllan mín. Skemmtið ykkur vel öll þrjú!

[Eva Þorsteinsdóttir, 12.5.2007 kl. 13:59]

Klukkan hvað?...........mæti með myndavélina ;)

[Kristín Katla Árnadóttir, 12.5.2007 kl. 15:06]

 Gott hjá þér skvís og góða skemmtun í kvöld.

[Hólmgeir Karlsson, 12.5.2007 kl. 17:09]

Spurning hvort það hefði ekki meiri áhrif ef þú gerðir það áður en kosningastöðum er lokað, he he .....  en góða skemmtun á kosningavökunni  ...

[Jóna Á. Gísladóttir, 12.5.2007 kl. 17:57]

Jenný, ég passa það.

Eva, fylgstu með kosningavökunni og þú munt vita þegar rétta mómentið rennur upp

Kristín Katla; þakka þér fyrir og sömuleiðis

Hólmgeir; þetta er reyndar afskaplega góð hugmynd hjá þér. Ætli löggan myndi hirða mig ef ég stillti mér upp nakin við innganginn í Árbæjarskóla núna um kvöldmatarleytið?