Freaky friday

 

Þessa stundina situr Sá Einhverfi fyrir framan tölvuna og horfir á uppáhalds bíómyndarbrotið sitt. Freaky friday.

Ég ranghvolfdi í mér augunum áðan, þegar ég sá hvaða leitarorð hann var að stimpla inn á Google. Ef hann langar í gott hláturskast þá leitar hann þetta myndbrot uppi.

Tekur þá við dillandi og afskaplega smitandi hlátur sem yljar um hjartað og hrífur mann með... í svona 10 mínútur. Fljótlega upp úr því á maður þá ósk heitasta að stráksi hætti í þessu, sem virðist, stjórnlausa hláturskasti. Hann er svo píreygður að það rétt rifar í augun og hann tekur andköf í lengstu hláturskviðunum. Yndisleg sjón en eftir 20 mínútur væri grátkast fýsilegri kostur og eftir hálftíma er maður tilbúinn að rífa router-inn úr sambandi og fleygja tölvunni út í garð... og drengnum á eftir.

Hér er myndbrotið sem fær mig til að tæta af mér öll líkamshár

 

 

 

Gerir þetta eitthvað fyrir ykkur?

 

 

Athugasemdir

[Hrönn Sigurðardóttir, 13.8.2009 kl. 23:06]

Nei.... ég get ekki sagt það ;)

[Ómar Ingi, 13.8.2009 kl. 23:13]

Awwwww

Er hann orðin Lilo vifta drengurinn , farðu nú með drenginn frekar á Harry potter

[Swami Karunananda, 16.8.2009 kl. 16:52]

Sæl, Jóna.

Alltaf gaman að lesa bloggið þitt - að vanda áhugavert, vel skrifað og húmorískt. Ég starfaði við umönnun þriggja einhverfra stráka á Tjaldanesi í Mosfellsdal í rétt tæpt ár 2001-2002. Svo ég veit bæði hversu erfitt og hversu gefandi það getur verið að umgangast það stórmerkilega fólk sem einhverra hluta vegna ákveður að fæðast með þessa þroskahömlun (því ég trúi því einarðlega að við ákveðum hlutskipti okkar í stórum dráttum sjálf áður en við fæðumst - án þess að ég hafi nokkuð annað fyrir mér í þeirri trú en að mér finnist hún aðlaðandi ).

Kærar kveðjur, Kári Auðar Svansson.

Ps. Gangi þér vel með bókina sem þú ert að skrifa!

[Birna Dis Vilbertsdóttir (IP-tala skráð) 17.8.2009 kl. 17:39]