Atburðum hlaðinn mars-mánuður

 

Hvar er rigning? spurði Sá Einhverfi í morgun. Aldeilis standandi hlessa á þessum endalausa snjó.

Í gærmorgun var hann ekki jafn umburðarlyndur og argaði á mömmu sína yfir veðurfarinu. Mamman gargaði á móti. Hneyksluð á skilningsleysi krakkans: Ian það er vetur for Gods sake.

EKKI VETUR, gargaði hann á móti.

Sem sagt hugguleg morgunstund sem við áttum þarna mæðginin.

Ég hef ákveðið að bráðlega mun ég yfirgefa landið í vikutíma. Ætla að halda í milda veðrið í Þýskalandi. Það verður þó vinnuferð þar sem ég mun eyða tímanum við skriftir og heimildaöflun á daginn. En kvöldin mun ég eiga með Berlínar-Brynju. Oooo hvað það verður næs, svo ég tali ekta íslensku.

Fleira skemmtilegt er framundan hjá mér í þessum mánuði. Ball, árshátíð, ferming hjá Hafliða uppáhalds frænda, strípur og klipping (mjöög veigamikið atriði) og endahnúturinn verður rekinn í byrjun apríl en þá stendur brúðkaup fyrir dyrum í fjölskyldunni.

Upp úr því þarf svo bara að fara að huga að sumrinu. Almáttugur hvað tíminn líður fljótt.

 

Athugasemdir

[Jenný Anna Baldursdóttir, 3.3.2009 kl. 17:17]

Ha, hringdu í mig fljótlega.

[Ómar Ingi, 3.3.2009 kl. 17:36]

Já komi tími á þig að giftast Jóna mín og mikið ofsalega skil ég Ian vel ég er nefnilega alveg eins og hann þoli illa veturinn hvað þá þennan bévítans snjó

[Hrönn Sigurðardóttir, 3.3.2009 kl. 18:43]

Ert þú að fara að gifta þig? Og þá hverjum?

Kveðja úr Grænalandi :Þ

[Helga Magnúsdóttir, 3.3.2009 kl. 19:04]

Tek undir með Þeim Einhverfa og garga á þig með honum í huganum. Kann eiginlega ekki við að sitja og garga við tölvuna alein í herbergi hér í vinnunni. Burt með þennan snjó med det samme.

[Linda Linnet Hilmarsdóttir, 4.3.2009 kl. 20:46]

Knús knús og ljúfar kveðjur :0)