24 stundir nægja engan veginn

 

Mig vantar tilfinnanlega nokkrar klukkustundir í sólarhringinn. Ég veit að margir kannast við það. Suma daga líður mér eins og ég ímynda mér að rjóma í þeytingi gæti liðið. Snýst sama hringinn aftur og aftur og aftur þar til einhverjum árangri er náð.

Keyra á sundnámskeið tvisvar í viku og dans þrisvar í viku. Mæta á jólaföndur, jólaböll, foreldrafundi, kynfræðslufundi, bekkjarkvöld. Læknisheimsóknir, tannlæknaheimsóknir. Finna tíma til fara að versla í matinn, elda matinn, helst lífrænt ræktað hráefni og rétti sem maður matbýr frá grunni. Þvo þvott, brjóta saman þvott, ganga frá þvotti. Læra með börnunum, hlýða yfir fyrir próf. Kemba þegar kemur upp lús í skólanum...

Svo segja þeir að það sé alltaf hægt að finna tíma í sólarhringnum til að stunda líkamsrækt og kynlíf. Ja hérna hér. Þessa dagana þyrfti þá hvort tveggja helst að fara fram í bílnum. Á leiðinni milli staða. Hvað ætli sé sektin við slíku?

 

Athugasemdir

[Sigrún Jónsdóttir, 21.11.2008 kl. 00:53]

Kannski ánægjan sé sektarinnar virði

[Brynja Dögg Ívarsdóttir, 21.11.2008 kl. 01:19]

Já þú segir nokkuð, þú gleymdir, hvenær ætlar þú að hafa tíma til að sofa.

Sektin, hehehe já kannski góð upphæð.

Sofðu vel í nótt.  

Góða nótt.

[Brynjar Jóhannsson, 21.11.2008 kl. 04:03]

Þú þarft ekki fleirri klukkutíma í sólarhringin heldur fleirri frídaga fyrrir sjálfa þig í hverri viku. Ef þú ferð inn á þing, náðu þá því þá fram að bæta dögunum í níu úr sjö.

[Jóhann G. Frímann, 21.11.2008 kl. 07:40]

24 stundir nægja engan veginn segir þú. Mig langaði til benda þér á þá staðreynd að það eru a.m.k. 3-4 vikur frá því að útgáfu 24 stunda var hætt. Morgunblaðið og Fréttablaðið eru enn í útgáfu, þökk sé Jóni Ásgeiri.

[Helga Linnet, 21.11.2008 kl. 08:25]

verðu ljúft þegar verður búið að finna upp takka og maður getur með einum smelli mætt á staðina.

But...það verður víst ekki á okkar tímabili....

[Elín Sigríður Grétarsdóttir, 21.11.2008 kl. 08:31]

ef þú hefðir farið fyrr á kynfræðslufundi elskan mín, þá þyrftirðu ekki að vera að þessu skutli

[M, 21.11.2008 kl. 08:41]

Hittast í hádeginu ef hægt er að koma því við

Annars finnst mér alltaf aukast meir og meir umstangið kringum börnin okkar. Að foreldrar mínir hafi verið upp fyrir haus að snattast með okkur systkinin, NEI Bekkjarfulltrúi, hvað er nú það ?

[Elín Sigríður Grétarsdóttir, 21.11.2008 kl. 08:59]

samt frekar vandræðalegt að vera tekin fyrir mök undir stýri (tekin fyrir að vera tekin) á planinu fyrir utan skólann á leiðinni á kynfræðslufund ... ókei ég skal hætt að hugsa svona dónalegt

[Gunnar Helgi Eysteinsson, 21.11.2008 kl. 09:22]

Ég er búinn að senda e-póst...

[Inga Lilja (IP-tala skráð) 21.11.2008 kl. 11:13]

Það eru ekki mörg blogg sem fá mann til að hlæja upphátt

En ég held að börnin okkar í nútíma samfélagi séu ofdekruð og ofvernduð grey. Hér áður fyrr þekktist það nú ekki að maður væri keyrður og sóttur á æfingar - nei maður bara labbaði í sínar 20 mín á æfingu og þó að klukkan væri orðin 21 að þá labbaði maður bara heim aftur...og ekkert hræðilegt gerðist. Að auki að þá var bara ekki í boði að fara í lið þar sem þurfti að ferðast bæjarhelminga á milli til að æfa...það var bara aldrei inni í myndinni...enda gátu foreldar mínir verið á einum bíl öll mín æsku ár!

Þetta blogg þitt lyftir manni alltaf upp og ég hlakka mikið til að lesa bókina þína um jólin (hef hana enn í plastinu svo ég freistist ekki fyrir jól) - takk fyrir mig.

[Lóa Jónsd (IP-tala skráð) 21.11.2008 kl. 12:42]

Mikið er ég sammála þér.

Það væri gott að geta breyt þessu allavega svona stundum

[Hulda Bergrós Stefánsdóttir, 21.11.2008 kl. 15:52]

fáðu þér bókina "Shortara"

[María Guðmundsdóttir, 21.11.2008 kl. 16:53]

ómægod  eins og talad úr minu hjarta...mér endist ekki sólarhringurinn... er ekki svo med flestar konur??

hafdu gott kvøld Jóna  

[Högni Jóhann Sigurjónsson, 21.11.2008 kl. 18:27]

Anda Jóna mín, anda inn með nefinu og anda út með nefinu, öll él styttir upp um síðir.

Heyrðu láttu reyna á þetta með bílinn, það er efni í eina kilju

[Ómar Ingi, 21.11.2008 kl. 18:28]

Jóna sefurðu bara ekki alltof mikið

[LBH (IP-tala skráð) 21.11.2008 kl. 19:10]

Takk fyrir bros dagsins í dag.

Ég bý nú bara hérna á Klakanum.
Í höfuðborginni okkar fögru.
....... heiti meðal annars ....... æi mér finnst eiginlega bara gott að vera nafnlaus ;o).......... skal senda þér það prívat og persónulega á prívat og persónulegt netefang hjá þér.

Ef ég hef rétt á þessu gefst ég ekki upp fyrr en í fulla hnefana...... lofa því!!!

Kær kveðja og takk fyrir innlitið og kvittið.

Góða helgi.

LBH

[Lísa Björk Ingólfsdóttir, 21.11.2008 kl. 19:22]

Þetta er svo rétt hjá þér.  Ég er búin að steingleyma fyrir lögnu hver manneskjan ég er!!!!  Og hvers hún þarfnast.

Hvað er kynlíf annars?????

[Sporðdrekinn, 21.11.2008 kl. 20:05]

Það er erfitt en við megum ekki, ekki gefa okkur tíma fyrir okkur sjálf og þá er ég aðallega að tala um kynlífið  Við verðum miklu betri foreldrar fyrir vikið.

 Eigðu góða helgi fulla af allskonar æfingum

[Hrafnhildur Ýr Vilbertsdóttir, 21.11.2008 kl. 20:14]

Eins og talað úr mínum munni, það er alltaf of mikið að gera og ég hélt í einfeldni minni að það myndi minnka þegar börnin yrðu eldri, það tók bara annað við svo nú er ég farin að hlakka til að verða löggilt gamalmenni

[Jóna Á. Gísladóttir, 21.11.2008 kl. 20:27]

Æi hvað þið eruð hræðilega skemmtileg

Ella Sigga. Fyndin eins og alltaf

M. Nákvæmlega. Ég man ekki eftir neinum bekkjarfulltrúum þegar ég var í skóla.

Inga Lilja. Ég er sammála þér. En við verðum að horfast í augu við breytta tíma. Mér er alveg sama hvað hver segir, það er fleira hættulegt fólk á ferli en áður fyrr. Og ég er búin að hugsa þetta; ég mun ekki senda dóttur mína í strætó niður í miðbæ í svarta myrkri. kemur ekki til greina. Ég sit því í súpunni  Eigðu góða lesningu og takk fyrir að kaupa bókina.

Hulda Bergrós. Brilliant hugmynd

Lísa B. Ekki segja þetta. Þú verður að bæta úr þessu og ekki seinna en strax

Hrafnhildur. Haha mikill misskilningur. Lítil börn - lítil vandamál. Stór börn  - stór vandamál.

[Jóna Á. Gísladóttir, 21.11.2008 kl. 20:27]

Sporðdrekinn. I know...

[Ása Ninna Katrínardóttir (IP-tala skráð) 21.11.2008 kl. 20:37]

Kvittkvitt.

[Bergljót Hreinsdóttir, 21.11.2008 kl. 21:39]

Úff...veit sko alveg um hvað þú ert að tala...vantar allavega fimm tíma í viðbót...og ég er að segja þér að ég er sko ekki að nota mikinn tíma í svefn...mesta lagi 4-5 á sólarhring...

 

Áttu ráð???

[Elísabet Sigurðardóttir, 21.11.2008 kl. 22:21]

Úff ég er úrvinda eftir að lesa þetta.

Farðu vel með þig, ekki láta streituna ná tökum á þér.

[Helga Magnúsdóttir, 23.11.2008 kl. 20:24]

Það er sko nóg að gera í kringum þessi börn. Hef aldrei verið í foreldraráði eða neinu af því ég vinn vaktavinnu og því erfitt að komast á fundi. Nú er strákurinn í 10. bekk og ég held að það séu ennþá sömu foreldrarnir síðan í 1. bekk. Ótrúlegt hvað fólk endist í þessu.