Tilvalið að kíkja í kaffi eftir mótmælin á Austurvelli - Útgáfutilboð á bókum

  Sögur Útgáfa heldur útgáfugleði!  

Laugardaginn 8. nóvember stendur Sögur Útgáfa fyrir útgáfugleði í Eymundsson Austurstræti 18 frá klukkan 15-17. Fagnar þetta unga en ört stækkandi forlag útgáfu eftirfarandi bókatitla:

 

• ÉG – ef mig skyldi kalla eftir Þráinn Bertelsson. Annar hluti í ævisagnabálki Þráins sem iðar af lífi og engist af sársauka.
• Sólkross eftir Óttar M. Norðfjörð. Sjálfstætt framhald metsölubókarinnar Hnífur Abrahams en nú beinir Óttar sjónum sínum að landnámsmönnun Íslands.
• Sá Einhverfi og við hin eftir Jónu Á Gísladóttur, einn vinsælasta bloggara landsins. Hlý, fyndin og mannleg bók.
• Hetjuhandbók Latabæjar. Bók full af fjöri, leikjum, sögum, þrautum og fleiru.
• Ripleys – Ótrúlegt en satt, hið ótrúlega afhjúpað . Farðu í ferð í kringum hnöttinn og hittu dularfullar verur, sjáðu skrýtna staði, og lentu í stórfurðulegt ævintýri.
• Jón Ólafur Jólasveinn eftir Kikku, höfund Ávaxtakörfunnar . Frábær barnabók um venjulegan strák sem gerist óvart jólasveinn.
• Hvernig ég hertók höll Saddams eftir Börk Gunnarsson, talsmann NATO í Bagdad. Ótrúleg lífsreynslusaga Barkar nokkra örlagaríka mánuði í Bagdad.
• Rótleysi, rokk og rómantík eftir Ingibjörgu Reynisdóttur. Hér fylgir Ingibjörg eftir hinni geysivinsælu unglingabók Strákarnir með strípurnar og gott betur.
• Tíu litlir bankastrákar eftir Óttar M. Norðfjörð gerir stólpagrín að útrásinni margumtöluðu.
• Öllu meiri fánýtur fróðleikur . Vitanlega gagnslausar upplýsingar en þó einkar mannbætandi og kætandi.

 

   Boðið verður upp á kaffi og kleinur og djangódjassbandið Hrafnaspark leikur fyrir gesti. Rithöfundar verða einnig á staðnum til áritunar. Mörg ótrúleg útgáfutilboð aðeins í þetta eina skipti. Komið og þiggið veitingar, hlustið á tónlist og njótið þess að vera til

 

 

Athugasemdir

[Jenný Anna Baldursdóttir, 8.11.2008 kl. 10:52]

[Ómar Ingi, 8.11.2008 kl. 12:04]

[Rúna Guðfinnsdóttir, 8.11.2008 kl. 12:40]

Góða skemmtun mín kæra og innilega til hamingju með bókina. Skemmtilegt viðtal við þig í Vikunni, ég keypti hana, sem ég geri annars aldrei.  Ég hins vegar, er að fara í afmæli og verð fjarri góðu gamni.

Góða helgi.

[Helga skjol, 8.11.2008 kl. 13:24]

[Róslín A. Valdemarsdóttir, 8.11.2008 kl. 14:39]

Þá mæli ég helst með Jónubók!
Þegar unglingur hlær upphátt í þöglum lestíma í skólastofu, segir það fólki að það verði líka að fá sér eintak, svona af stað með ykkur Reykvíkinga og þá sem eru í bænum!

[María Guðmundsdóttir, 8.11.2008 kl. 15:08]

 vonandi koma sem flestir.

hafdu góda helgi Jóna

[Doddi - Þorsteinn G. Jónsson (IP-tala skráð) 8.11.2008 kl. 16:03]

Þið eruð mitt í útgáfugleðinni núna væntanlega en ég sendi ykkur góða strauma. Hlakka til þess að lesa bókina og vonandi gengur allt upp sem við vorum að tala um - góðar líkur á því!

Kærar kveðjur frá Akureyri!

[Guðríður Pétursdóttir, 8.11.2008 kl. 16:40]

ég er því miður líka að fara í afmæli með mömmsunni og rest..

skemmtu þér vel og ég keypti líka vikuna of course .. 

[Ása Ninna Katrínardóttir (IP-tala skráð) 8.11.2008 kl. 20:27]

Ooo hefði verið til í að komast... var að vinna í allan dag...

[Jóhann G. Frímann, 8.11.2008 kl. 23:16]

Þetta er skemmtilegt innlegg í umræðuna.

[Theódór Norðkvist, 9.11.2008 kl. 00:21]

Frekar ósmekklegt að nota mótmæli gegn gróðahyggju í gróðaskyni.

[Jóna Á. Gísladóttir, 9.11.2008 kl. 00:30]

Theódór minn hvað á þetta að þýða? Finnst þér ósmekklegt að verslanir séu opnar á sama tíma og mótmælin eru? Er ekki einmitt partur af planinu og reyndar afar nauðsynlegur partur af planinu að halda fyrirtækjunum í landinu gangandi. Þurfum við ekki að vinna fyrir okkur? Hvað með öll kaffihúsin í miðbænum sem eru að moka inn peningum þessa laugardagana. Er það ekki hið besta mál? Hin vinnandi stétt. Ég og þú og hinir. Viltu vera svo vænn að líkja mér ekki við stéttina sem kom okkur á þann stað sem við erum á í dag.

Þið hin, takk fyrir kveðjurnar ykkar.

[Rósa Jóhannesdóttir, 9.11.2008 kl. 00:37]

Elsku Jóna. Til hamingju með bókina. Hún á örugglega eftir að breyta viðhorfi fólks og gefa foreldrum von. Frábært viðtalið við þig bæði í útvarpinu og í Vikunni. Þið eruð æði.

[Róslín A. Valdemarsdóttir, 9.11.2008 kl. 00:39]

Hí hí hí hí hí hí hí!
Elskið friðinn og strjúkið kviðinn eins og ég hef margoft sagt á blogginu, núna á þjóðin að standa saman og því tilvalið að kíkja inn í kaffi í búðir og kaupa sér eins og eina bók, eftir íslenskan rithöfund...
Ég meina, það er svakalega góð tilfinning að geta gefið eitthvað af sér þannig, bæði styrkjandi íslenskt fyrirtæki, íslenska manneskju, lestur og sjónarhorn annarra á lífinu, raunveruleikanum og óraunveruleikanum....

Stöndum saman öll sem eitt, eins og í Latabæ!

[Jóna Á. Gísladóttir, 9.11.2008 kl. 10:45]

Takk Rósa mín.

Róslín. Mælt þú kvenna heilust. Þetta er allt saman hundrað prósent rétt hjá þér.

Hjördís. Takk fyrir að fylgjast með

[Jóhann G. Frímann, 9.11.2008 kl. 15:16]

Mér líst vel á bækurnar. Ég á illa heimagengt, þar sem ég bý á landsbyggðinni.