Hann náði tökum á mér í dag, helvítið á honum

 

Í gegnum allt krepputalið, svartsýnina og hörmungarspárnar hef ég siglt á mínu gamla, góða kæruleysi. Hinu íslenska mottói: Þetta reddast.

Á meðan við Bretinn höldum vinnunni og allir eru frískir og hægt er að klambra saman hænsnakofa í garðinum og nokkrar kindur geta verið þar á beit... þá er nú ekki hægt að kvarta.

En eitthvað gerðist í dag.... kannski var það bara veðrið. Mér er búið að vera nístingskalt inn að beini í allan dag. Þar til ég fór í frístælinn í kvöld. Og uppgötvaði að ég gleymdi að skipta um brjóstahaldara. Sem sagt, fara úr blúnduverkinu í íþróttabrjóstahaldarann.

Það var því ekki um annað að ræða en að halda sig í flíspeysunni, með rennt upp að höku ef þessar elskur áttu ekki að öðlast sjálfstætt líf í hopperíinu og angra mann og annan. Blúnduverk er ekki til þess fallið að halda neinu niðri. Bara uppi.

Mér hitnaði því sem um munaði í dansinum en nú er mér aftur kalt. Að utan sem innan.

Kreppu- og bölsýnispúkinn heldur í mig dauðahaldi. En ég er ákveðin í því að kæfa hann undir koddanum í nótt. Í fyrramálið verður allt bjartara.

 

Athugasemdir

[Lísa Björk Ingólfsdóttir, 20.10.2008 kl. 23:29]

Þetta kemur fyrir bestasta fólk.  Ég datt sjálf í bölsýnispúkann um daginn þrátt fyrir margra ára reynslu af "þetta reddast" hugarfari.  Fór meira að segja í Bónus og keypti bleyjur og hveiti (hvað á ég að gera við allt þetta hveiti......).  En næsti dagur var miklu betri og ég hef ekkert horft á fréttir í dag og líður bara þrælvel.

Haltu vel í flíspeysuna - það er kominn vetur.......

[Ásta Björk Hermannsdóttir, 20.10.2008 kl. 23:42]

Já Jóna þess kreppu- og bölsýnsipúki er orðinn ansi vel virkur í þjóðfélaginu um þessar mundir..við verðum bara að reyna að komast í gegnum einn dag í einu...og í fyrramálið verður allt bjartara...vittu til

[Sigrún Jónsdóttir, 20.10.2008 kl. 23:49]

Ég held það sé betra að vera meðvitaður um hvað getur skeð en að fá sjokk þegar "sprengjan" fellur, það er kannski alveg óþarfi að vera með áhyggjuhnút í maganum, því áhyggjurnar laga ekkert

[Ívar Pálsson, 20.10.2008 kl. 23:58]

Þetta er allt í fína. Lestu bara upphafið að „Glæp og refsingu“ eftir Dostovjeskí ef þú ert niðri eða slöpp, þá hressistu fljótt, því að þú veist hvað þú hefur það gott.

[Ómar Ingi, 21.10.2008 kl. 00:09]

[Steingrímur Helgason, 21.10.2008 kl. 00:22]

Þjóðtrúin um að 'þetta reddizt', hefur nú oft reddað þjóðinni...

[Ása Ninna Katrínardóttir (IP-tala skráð) 21.10.2008 kl. 01:39]

Kvitt fyrir mig, hef ákveðið að tjá mig ekkert um kreppu á vefnum, hvorki á mínu eigin bloggi né annarra.

[Brynja Dögg Ívarsdóttir, 21.10.2008 kl. 05:08]

Sæl Gleymmerei og Emma hér.

Bara að kvitta, láttu þetta ekki taka þig á taugum, ástandið lagast.

Hafðu Bjartsýni að leiðarljósi, bölsýni og svartsýni skemmir bara fyrir.

Hafðu það gott, Kv Gleymmerei og Emma.

[María Guðmundsdóttir, 21.10.2008 kl. 06:17]

[Rósa Jóhannesdóttir, 21.10.2008 kl. 07:53]

Maður er bara heppinn ef maður er ekki sleginn í rot af tvíburunum.  Stórhættulegt

[Hrönn Sigurðardóttir, 21.10.2008 kl. 08:56]

Vonandi settirðu hann bara út á svalir - kreppukútinn - og þar hefur svo frosið á honum í nótt.

Þá getur þú verið kúl í dag

[Linda Lea Bogadóttir, 21.10.2008 kl. 10:48]

Bara hugsa jákvætt elskan... þá laðar maður að sér jákvæða hluti (alveg satt) En skil líðan þína - maður sveiflast eins og jójó.

Vandinn er nottla bara að það er ekkert pláss undir koddanum fyrir kreppu- og bölsýnispúkann fyrir öllum peningunum - er það nokkuð (hlátur).

Lof jú..

[Guðríður Pétursdóttir, 22.10.2008 kl. 11:29]

mér er líka kalt.. en púkinn hefur alveg látið mig í friði þennan mánuðinn