Ég er húmorslaus þessa dagana er mér sagt

 

Sá Einhverfi er orðinn sjálflærður á laptoppinn minn. Tekur excel skjalið sem ég set dagatalið hans upp í og umbreytir því eins og honum hentar.

Samkvæmt planinu eins og það lítur út núna, þá verður pizza í matinn nk laugardag og hann ætlar að horfa á Söngvaborg frá 1-4 og Pippi Langströmpe. Og á sunnudag ætlar hann að fá bæði nammi og súkkulaðiköku.

Einhvers staðar uppgötvaði hann líka tonlist.is og finnur sér lög þar til að hlusta á.

Ég yrði ekki undrandi þó hann tilkynnti í næstu viku að hann væri búinn að finna sér íbúð og væri kominn með leyfi fyrir æfingarakstri.

---

Gelgjan fór í dag (sunnudag) að heimsækja Hafliða frænda sinn (sonur Önnu systur) og undi hag sínum einkar vel.

Ég hringdi um kl. 20 í hana og spurði hvort hún væri tilbúin að koma heim.

Nei, svaraði hún. Ég ætla að vera hér næstu tvo tímana.

Þá hækkaði ég röddina og fór í forráðamanns-gírinn. ANNA MAE EKKI GLÆTA. ÞAÐ ER SKÓLI Á MORGUN..

Mamma! Röddin var ískyggilega róleg og yfirveguð. Ég var að djóka.

Nú sagði ég. Er ég gjörsamlega húmorslaus þessa dagana?

Það er rétt hjá þér móðir, sagði Gelgjan.

Og móðirin er ekki bara húmorslaus heldur gjörsamlega ábyrgðarlaus. Þegar ég fór að sækja barnið, dvaldist mér svo lengi í eldhúsinu hjá systur minni við kjaftavaðal, að djókið var orðið að staðreynd.

Nú drepur pabbi þinn mig, sagði ég við dóttirina kl rúmlega tíu og rak hana í skó og út um dyrnar.

Stundum fær hún sínu framgengt, alveg óvart.

 

Athugasemdir

[Jóna Kolbrún Garðarsdóttir, 15.9.2008 kl. 01:58]

Greinilega gáfaður strákurinn þinn.  Og stelpan kann á mömmu sína. 

[Helga Kristjánsdóttir, 15.9.2008 kl. 03:27]

        Ef þau væru orðin sjö,     kanntu fyrripartinn.

[Helga skjol, 15.9.2008 kl. 05:55]

[Ía Jóhannsdóttir, 15.9.2008 kl. 07:11]

Systrastundir eru jú líka nauðsynlegar, ekki satt.

[Guðríður Pétursdóttir, 15.9.2008 kl. 08:06]

kannski var hún aqð planta einhverju dáleiðslu fræi í hausinn þinn þegar hún sagði þetta...

[Anna Margrét Bragadóttir, 15.9.2008 kl. 08:18]

Þegar hún var búin að tala við þig,sagði hún mamma mín er á leiðinni hún vil gjarnan að þú lagir kaffi fyrir sig

Hún er algjört krútt þessi dóttir þín.

Takk fyrir spjallið í gærkvöldi það var voða notalegt að fá þig í eldhúsið til mín

Eigið góðan dag

[Birna Dis Vilbertsdóttir (IP-tala skráð) 15.9.2008 kl. 09:02]

[Gulli litli, 15.9.2008 kl. 09:36]

Þau ná sínu fram einhvernveginn..

[Doddi - Þorsteinn G. Jónsson (IP-tala skráð) 15.9.2008 kl. 10:01]

Þú ert vonandi enn á lífi

En já ... þessar stelpur geta stundum fengið það sem þær vilja ... alveg óvart. Ég held áfram að læra á mínar 11 og 13 (bráðum 12 og 14) ára, stundum gengur það og stundum ekki.

Kærar kveðjur frá Agureyris.

[Erna, 15.9.2008 kl. 10:05]

Þau kunna greinilega á forráðamanninn sinn

[Ragnheiður , 15.9.2008 kl. 11:43]

Maður er alltaf plataður, alveg sama hvað...hehe

[Guðrún Arna Möller (IP-tala skráð) 15.9.2008 kl. 14:41]

Bara dásamleg börn sem þú átt!

[Sólrún J (IP-tala skráð) 15.9.2008 kl. 15:22]

hehe fyndið :) klár strákur sem þú átt :)

[hm (IP-tala skráð) 15.9.2008 kl. 16:28]

Er það merki um eitthvað þegar maður þarf að hugsa aðeins við að reikna summuna fyrir ruslpóstvörnina :)

Strákurinn er bara gangandi snillingur!!  Stelpan greinilega klónuð útgáfa af unglingsstelpum nútímans. Gangi þér vel!

[Helga Magnúsdóttir, 15.9.2008 kl. 19:16]

Það er ekki séns að hafa betur í samskiptum við þessi börn. Einhvern veginn fá þau alltaf sínu framgengt.

[Ómar Ingi, 15.9.2008 kl. 19:44]

Búin að kaupa íbúð og komin með leyfi fyrir æfingaakstri HAHAHAHAHA

U crack me up

[Steingrímur Helgason, 15.9.2008 kl. 23:28]

Afsprengi þín kunna jafnvel á þig & mín á mig.

Þegar saman fara elzkulegir klækjir & velmeinandi sjálfsbjargarviðleitni erum við sem foreldrið gjörzamlega varnarlaust verkfæri í höndum þeirra.

& they know it....

[Jens Guð, 15.9.2008 kl. 23:53]

  Skemmtilegt.

[Edda Agnarsdóttir, 16.9.2008 kl. 06:55]

bjútífúl