Áfram stelpur

 

Hvernig stendur á því að ráðamenn þjóðarinnar komast sífellt upp með að svara ekki spurningum. Eða kannski má frekar segja að það er engin röksemdarfærsla á bak við svörin.

Á meðan enginn blikkar auga við að tilkynna um 25% launahækkun forstjóra Landsspítalans þá þykja kröfur Ljósmæðra hlægilegar? Aðhlátursefni? Ég sé ekki fyrir mér að senda þurfi sjúklinga / sængurkonur heim þó forstjórann vanti í vinnu nokkra daga.

Er ekki eitthað bogið við forgangsröðunina?

Ég verð nú að segja að það fer um mig hálfgerður aulahrollur að sjá Árna og Ísólf Gylfa hlæja þarna stórkarlalega í réttunum. Áhyggjulausir og ánægðir með sig. En kannski er ég að misskilja þetta... kannski er þetta leið Árna til að fela vanmátt sinn og vangetu til að takast á við málið. Kannski er karlanginn alveg með hnút í maganum yfir þessu öllu saman og reynir að deyfa sársaukann með gúlsopa úr fleyg.

Myndbandið er að sjálfsögðu runnið undan rifjum Láru Hönnu sem er óþreytandi við að fylgja eftir málum og leggja lóð sitt á vogarskálarnar.

Athugasemdir

[Hólmdís Hjartardóttir, 14.9.2008 kl. 16:22]

heyr heyr

[Dísa Dóra, 14.9.2008 kl. 17:15]

Hvað var aftur há launahækkunin sem ráðherrar fengu ekki alls fyrir svo löngu??  Þeir náttúrulega eru á svoddan lúsarlaunum að þeim veitir ekki af launahækkunum svosem

[Hrafnhildur Ýr Vilbertsdóttir, 14.9.2008 kl. 17:21]

Ráðherra er ekki í neinum tengslum við samfélagið, hann býr í allt öðrum heimi....

[Sporðdrekinn, 14.9.2008 kl. 18:02]

Kallin er til skammar

En samantekt Láru Hönnu er auðvitað bara snilld!

[Ómar Ingi, 14.9.2008 kl. 19:14]

Heyr Heyr Heyr

[Ásta Lóa (IP-tala skráð) 14.9.2008 kl. 19:34]

Þetta myndband er nu bara gargandi snild.   
Þessi ráðherra ætti hins vegar að taka pokan sinn, það er auðvita skelfilegt ef ljósmæður eru ekki með hærri laun en þetta. Auðvita stöndum við með ljósmæðrum, það er deginum ljósara.     Það má sko alveg hækka launin þeirra um meira en 25 %.   ÁFRAM STELPUR !!!