Nokkrir góðir í morgunsárið

 

Pósthólfið mitt (þ.e. tölvupósturinn) var orðinn ansi mettur og ég var að hreinsa til í honum þegar ég rakst á þessa brandara. Þeir eru auðvitað hvorki frumsamdir né nýir en ansi góðir. Fínir yfir morgunkaffinu.

Good day and enjoy people.

p.s. ég held svei mér þá að þessi um Gunnu á Kalkofnsgötu sé minn uppáhalds brandari, ég get endalaust hlegið að honum.

-----

Guðmundur var að spjalla við Tom, kunningja sinn í Kaliforníu.
„Ég er að fara til La Jolla í næstu viku," sagði Guðmundur.
„Þú átt að segja La ' Hoj-a '!" greip Tom fram í.
„Ó, ég skil. Við hjónin ætlum að dvelja á El Cajón hótelinu."
„Þú meinar El Ca ' Hóne ' hótelinu!" leiðrétti Tom aftur.
„Úps, ég skil."
„Hvenær ferðu svo aftur til Íslands?" spurði Tom.
Guðmundur hugsaði sig um í smástund og sagði svo varfærnislega:
„Veit ekki, annaðhvort í húní eða húlí."

-------------------------------------------------------------------------------------------------------------

Tveir ljóshærðir menn leigðu saman litla íbúð. Eldur braust út í íbúðinni eina nóttina og þeir hlupu út á svalir.
„HJÁLP, HJÁLP," kallaði annar þeirra.
„Kannski hjálpaði það ef við kölluðum saman!" sagði hinn.
„Góð hugmynd," sagði sá fyrsti og þeir kölluðu í kór:
„SAMAN, SAMAN ..."

----------------------------------------------------------------------------

Gunna gamla dó og Jón, maðurinn hennar, hringdi í lögregluna.
„Hvar býrðu í bænum?" spurði lögreglumaðurinn.
„Við syðri endann á Kalkofnsgötu," sagði Jón.
„Kakkoffs ..., úps, gætirðu stafað þetta fyrir mig."
Eftir langa þögn sagði Jón: „Hvernig líst þér á að ég dragi Gunnu bara niður á Sæbraut og þið sækið hana þangað?"

------------------------------------------------------------------------------------------------------------------

Sigfús og Geirþrúður bjuggu í huggulegri íbúðarblokk eldri borgara í Hafnarfirði. Þau urðu hissa þegar drepið var á dyr hjá þeim skömmu fyrir miðnætti eitt mánudagskvöldið. Sigfús fór til dyra og við dyrnar var stór og grimmdarlegur maður sem starði á hann. „Ó, þetta er hræðilegt. Nú verð ég rændur og missi alla peningana mína," hrópaði Sigfús og reif í hárið á sér.
„Ég er enginn ræningi," urraði maðurinn hneykslaður. „Ég er nauðgari!"
„Guði sé lof," sagði Sigfús og andaði léttar. „Þrúða mín, þetta er til þín!"

---------------------------------------------------------------------------------------------------------

„Þú kemur seint," sagði dökkhærði barþjónninn við ljóshærða barþjóninn.
„Já, ekkert skrýtið, ég varð vitni að hræðilegu slysi á leiðinni. Það var eins gott að ég var búinn að fara á skyndihjálparnámskeið!"
„Hvað gerðir þú?" spurði sá dökkhærði.
„Ég settist á gangstéttina og beygði höfuðið niður á milli hnjánna til að það liði ekki yfir mig."

-------------------------------------------------------------------------------------------------

Njótið dagsins í dag því hann kemur ekki aftur

Athugasemdir

[Sporðdrekinn, 13.9.2008 kl. 02:39]

[Birna Dis Vilbertsdóttir (IP-tala skráð) 13.9.2008 kl. 06:13]

[Tína, 13.9.2008 kl. 07:00]

 Mér finnst barþjónabrandarinn bestur. Takk fyrir þetta Jóna mín og góða helgi.

[Doddi - Þorsteinn G. Jónsson (IP-tala skráð) 13.9.2008 kl. 08:33]

Alltaf gott að brosa og smáhlæja í morgunsárið - takk fyrir þetta, Jóna!

[Gulli litli, 13.9.2008 kl. 09:13]

[Huld S. Ringsted, 13.9.2008 kl. 09:14]

[Hrafnhildur Ýr Vilbertsdóttir, 13.9.2008 kl. 09:19]

Karlmenn sem ljóskur...óborganlegir.

[Ásgerður , 13.9.2008 kl. 09:27]

  Þrúða mín þetta er til þín

[Rut Sumarliðadóttir, 13.9.2008 kl. 10:50]

Takk ljúfan

[Berglind Inga, 13.9.2008 kl. 10:50]

Kalkofnsvegs-brandarinn er bestur! Þetta er eina villan sem ég gerði í stafsetningaræfingum í barnaskóla og hún situr ennþá í mér svo ég skil lögguna alveg.

[Anna Guðný , 13.9.2008 kl. 11:02]

Fallegir og fyndnir brandarar í morgunsárið. 

Hafðu það gott í dag ljúfan

[Ómar Ingi, 13.9.2008 kl. 11:22]

Góða helgi

[Bergljót Hreinsdóttir, 13.9.2008 kl. 11:24]

[Sigrún Jónsdóttir, 13.9.2008 kl. 11:35]

[Anna Margrét Bragadóttir, 13.9.2008 kl. 12:16]

allir góðir en mér finnst þessi þegar hann er að tala við vin sinn í kaliforniu ógeð fyndin ;)

Knús á þig sys ;)

[Guðríður Pétursdóttir, 14.9.2008 kl. 22:21]

úff sem betur fer kemur þessi dagur ekki aftur.. ég ætla að njóta þess að hann sé búinn.. þetta var leiðinlegur dagur...