Pabbi er ''hann''

 

Sá Einhverfi situr íhugull við tússtöfluna sem foreldrarnir gáfu honum í afmælisgjöf. Það er greinilegt að í hans huga er ekki langt í næstu stórhátíð.

Afmælinu, stærstu hátíðinni er lokið og sú næsta (ekki eins merkileg hátíð), jólin eru rétt handan við hornið. Að minnsta kosti blasir við á tússtöflunni, fagurgrænt jólatré með kúlum á hverri grein. Við hliðina á tréinu stendur rauður pakki með hvítum borða og undir borðann hefur verið stungið til-og-frá korti. Þessi pakki er greinilega merktur stuttu og laggóðu nafni: IAN.

Það er gott að hafa eitthvað að hlakka til.

Í síðustu viku fékk drengurinn það verkefni í skólanum að flokka orð eftir því hvort þau væru kvenkyns eða karlkyns.

Á borðið hans voru sett lítil plastlíkön. Annað af karli og hitt af konu. Við konuna var settur miði sem á stóð ''mamma'' og við karlinn var miði sem á stóð ''pabbi''. Gert til að auðvelda honum að skilja muninn á karlkyni og kvenkyni.

Svo var honum afhent karfa með tuttugu miðum í. Á hverjum miða var eitt orð og átti hann að raða karlkynsorðum undir ''pabbann'' og kvenkynsorðum undir ''mömmuna''.

Þegar Halldís kennari setti sig í stellingar og ætlaði að fara að útskýra þetta glænýja verkefni fyrir Þeim Einhverfa sagði hann, sennilega með nokkrum þjósti; ''gera sjálfur''.

Hún ákvað að láta hann eiga sig um stund og fór að sinna hinum krökkunum. Þegar hún kom til hans nokkru seinna, var öllum 20 orðunum raðað á réttan stað.

Þrátt fyrir að líkurnar á að öll orðin hefðu ratað á réttan stað fyrir tilviljun, væru auðvitað hverfandi, var verkefnið lagt fyrir hann aftur tveimur dögum seinna. Niðurstaðan breyttist ekki neitt.

Við erum öll gapandi. Höfum enga hugmynd um hvaðan hans vitneskja um skilgreiningu á ''hann'' og ''hún'' kemur.

En hann ræður ekki eins vel við þetta munnlega. Ekki enn. Enda er hans sterka hlið allt sem er sjónrænt.

Daginn sem komst upp um þessa snilligáfu hans, prófaði ég hann í þessu munnlega hér heima.

Hvað er pabbi? pabbi er hann. Hvað er mamma. Mamma er hún o.sfrv.

Hann nennti þessu ómögulega og tilkynnti mér skyndilega að klukkan væri níu. Sem hún var. Og það var ný ástæða til að fagna, því þó ég hafi vitað að hann væri að læra heila og hálfa tímann í skólanum, hefur það ekki virst yfirfærast á aðrar aðstæður en mynd af klukku á blaði.

Veiiiiii Ian komdu og sýndu pabbi hvað þú ert duglegur á klukku, hrópaði ég upp yfir mig. Alveg að fara á límingunum auðvitað yfir þessu gáfnaljósi sem ég á.

Krakkinn skundaði heldur pirraður upp að Bretanum og setti sig í stellingar. Benti á armbandsúrið sitt og sagði: klukkan er níu, pabbi er hann.

Svo var hann rokinn. Tók engan séns á því að vera kaffærður í fagnaðalátum eða að fá yfir sig aðra hrinu af verkefnum.

 

 

Athugasemdir

[Bergdís Rósantsdóttir, 9.9.2008 kl. 22:03]

eins og alltaf færa sögurnar af Ian mig til að brosa.  Drengurinn er snillingur.

knús og kram

[Ómar Ingi, 9.9.2008 kl. 22:20]

Snilli

[Róslín A. Valdemarsdóttir, 9.9.2008 kl. 22:21]

Krrrrútt

[Steingrímur Helgason, 9.9.2008 kl. 22:45]

Alltaf sagt það, segji það aftur samt, hann er hæfaztur af heimilizmönnum.

Veit þú forlætur mér...

[Elín Sigríður Grétarsdóttir, 9.9.2008 kl. 23:02]

þú ert örugglega alveg ótrúlega þreytandi mamma

[Bergljót Hreinsdóttir, 9.9.2008 kl. 23:44]

..og Ian er ..hann...snillingurinn mikli....

[Sporðdrekinn, 10.9.2008 kl. 00:03]

Mig langar til að éééta hann

[Jenný Anna Baldursdóttir, 10.9.2008 kl. 00:08]

Hann er DÚLLA.

[Einar Örn Einarsson, 10.9.2008 kl. 00:57]

Yndisleg færsla

[Hulla Dan, 10.9.2008 kl. 01:34]

Tessi drengur er gull

[Jóna Kolbrún Garðarsdóttir, 10.9.2008 kl. 02:09]

Frábært hjá stráknum að snúa svona á alla, kennara og foreldra.

[Birna Dis Vilbertsdóttir (IP-tala skráð) 10.9.2008 kl. 02:58]

[María Guðmundsdóttir, 10.9.2008 kl. 06:26]

 endalaust gaman ad lesa hvad hann er frábær

[Ía Jóhannsdóttir, 10.9.2008 kl. 07:55]

[Anna Margrét Bragadóttir, 10.9.2008 kl. 08:01]

Hann er algjört krútt þessi strákur

[Hrafnhildur Björk Jónsdóttir, 10.9.2008 kl. 08:02]

Bara bestur

[Sunna Dóra Möller, 10.9.2008 kl. 08:29]

[Ella (IP-tala skráð) 10.9.2008 kl. 09:00]

Hann er snillingur :-)

[Ragnheiður , 10.9.2008 kl. 09:11]

Nú ætla ég að deila með þér minni upplifun af Ian. Mér finnst eins og hann sé lokaður í kassa, kassinn er ekki alveg þéttur og sólstafirnir hans skína í gegn...

Hann er æðislegur !

[Sibba (IP-tala skráð) 10.9.2008 kl. 09:24]

Hann er nú meira yndið þessi drengur já og algjör snillingur.

Kv, Sibba

[Tína, 10.9.2008 kl. 09:38]

Ef einhver er sannur töffari þá er það sko Ian. Svo mikið er alveg klárt. Hann er sko bara flottur strákurinn.

[Gulli litli, 10.9.2008 kl. 10:32]

skemmtilegt..

[Berglind (IP-tala skráð) 10.9.2008 kl. 10:48]

Snillingur !!

Rosa gaman að lesa bloggið þitt !!!

Berglind

[Dísa Dóra, 10.9.2008 kl. 10:49]

hahhahahaha hann er bara yndislega klár þessi strákur

[Helga Magnúsdóttir, 10.9.2008 kl. 11:50]

Fjör á þínu heimili, kraftaverk á svo til hverjum degi.

[Elísabet Sigurðardóttir, 10.9.2008 kl. 12:32]

Gæsahúð og snökt.  Hann er æðislegur.

[Svava frá Strandbergi , 10.9.2008 kl. 12:34]

Skemmtilegt að lesa að vanda Vonast til að sjá þig við opnunina á sýningunni minni í Gerðubergi á föstudaginn 12.sept. kl. 4

Kveðja

Guðný Svava

[hm (IP-tala skráð) 10.9.2008 kl. 13:24]

 Dásamlegt !!

[Kristín Katla Árnadóttir, 10.9.2008 kl. 15:54]

Yndislegur drengur

[Guðríður Pétursdóttir, 10.9.2008 kl. 17:09]

klukkan er níu og pabbi er hann... ekki setning sem maður heyrir á hverjum degi.

Ég get ímyndað mér að þið séuð ennþá með fagnaðarkitl í maganum yfir þessu. Frábær lítill snúlli.

[Linda Linnet Hilmarsdóttir, 10.9.2008 kl. 17:56]

[Anna Gísladóttir, 10.9.2008 kl. 19:21]

Svona moment eru priceless ......

[Sigrún Ósk Arnardóttir, 10.9.2008 kl. 20:23]

Ian er séní!

[Selma Kaldalóns (IP-tala skráð) 10.9.2008 kl. 21:01]

Ég er á bloggrúntinum mínum og kallinn er á skype-inu hjá mér. Allt í einu spyr hann mig af hverju ég hlæji, hafi hann heyrt í mér í gegnum tölvuna þar sem hann er fjarstaddur.

Tilhugsunin um Ian stökkvandi í burtu frá fagnaðarlátum foreldra sinna, orðinn pirraður yfir spurningarflóði þeirra, var það sem fékk mig til að hlæja ;)

Takk fyrir mig. 

[Helena (IP-tala skráð) 10.9.2008 kl. 22:10]

Frábær drengur og frábær fjölskylda, það er yndislegt að lesa bloggið þitt Jóna og mikið hlakka ég til að lesa bókina þína.

Helena

[Sólveig Kristín Gunnarsdóttir, 10.9.2008 kl. 23:37]

Drengurinn er alger gullmoli. Mikid var gaman ad lesa færsluna. Hafid thad rosalega gott, kær kvedja frá Frederikssund

[Högni Jóhann Sigurjónsson, 11.9.2008 kl. 00:40]

Ég veit ekki hvað ég á að segja.

[Linda litla, 11.9.2008 kl. 12:17]

Hann kemur sífellt á óvart þessi drengur.

[Sesselja Fjóla Þorsteinsdóttir, 11.9.2008 kl. 13:20]

Hrifnæm lesning !

[Rut Sumarliðadóttir, 11.9.2008 kl. 13:57]