Við erum heppin

 

Auuuuuuuumingja fluvan, segir Sá Einhverfi um leið og hann skellir flötum lófa á borðplötuna.

Auuuuumingja flugan slapp með skrekkinn en hún er ekki laus við drenginn. Ekki frekar en allir ættingjar hennar sem hafa ákveðið að lengja líf ættbálksins og flytja inn til okkar.

Enn eitt sumarið er að líða undir lok og allar feitu köngulórnar sem lifðu góðu lífi í garðinum hjá okkur síðustu mánuði eru horfnar. Við merkjum það ansi vel á þeim óþolandi fjölda flugna sem skyndilega sveima óhindrað í kringum okkur.

Það er engu líkara en Sá Einhverfi hafi aldrei farið í sumarfrí. Allavega ekki hvað snertir lestrarkunnáttu. Í vor var ég ákveðin í því að halda við lestrinum hjá honum yfir sumarið. En eins og með svo margt sem þessi konar ákveður, þá verður ekki neitt úr neinu.

En í dag var nýja lestrarbókin tekin upp úr töskunni og drengurinn las betur en nokkru sinni áður.

Ég er svo sem ekki hreykin af því, en ég sá ekki möguleika sonar míns fyrir nokkrum árum síðan. Allavega ekki þá möguleika sem kennararnir hans í Öskjuhlíðarskóla sáu. Þegar þeir tóku upp á því að kenna Þeim Einhverfa hljóð stafanna og svo fljótlega að tengja saman tvo stafi, þrjá o.sfrv., þá hugsaði ég; VÁ!  Og það var ekki síður ætlað kennurunum en duglega drengnum mínum.

Og ekki í fyrsta, og ekki í síðasta skipti hugsaði ég til þeirra barna og fjölskyldna sem stóðu í okkar sporum fyrir þrjátíu árum... tuttugu árum.. jafnvel 10 árum.

hversu mikið er af fólki með einhverfu úti í hinum stóra heimi sem gæti í dag lifað góðu lífi ef það hefði fengið stuðning og þá hjálp sem er fáanleg í dag, en eru þess í stað algjörlega ófærir um að lifa sjálfstæðu lífi á nokkurn hátt, vegna hinnar félagslegu fötlunar sinnar. 

Ég er í rauninni bara að reyna að koma orðum að því hvað ég er þakklát. Og hversu heppin mér finnst við vera. Þrátt fyrir þessar bannsettu flugur.

 

Athugasemdir

[Elísabet Sóley Stefánsdóttir, 3.9.2008 kl. 22:48]

vááá hvað þú gætir verið að skrifa frá mínu hjarta :-)  Við lærum að vera þakklátar sem jafnvel öðrum finnst sjálfsagt :-) 

knús og kram

[Anna Margrét Bragadóttir, 3.9.2008 kl. 23:04]

Flottur og duglegur strákur

Knúsaðu hann frá mér ;)

[Rúna Guðfinnsdóttir, 3.9.2008 kl. 23:11]

Ég var einmitt að tala við 90 ára gamlan mann í dag um hve allt væri orðið breytt.

Það er heilmikið gert fyrir börnin okkar en verður seint fullomið (er nokkur skóli  fullkominn?)

Ég á tvo bloggvini sem mér þykir extra vænt um.

 Það eru þau Magnús Paul Korntop  og gummiimma .Þau eru seinfær og vita af því. Ég hreint elska að lesa bloggin þeirra. Immu langar svo í skóla, en hún veit hún verður send í sérdeild, en það vill hún ekki,þar sem hún er enginn aumingi

Skora á þig að lesa bloggin þeirra. Þau eru yndisleg.

Kveðja inn í nótt hins 4. september.

[Anna Þóra Jónsdóttir, 3.9.2008 kl. 23:18]

Deili sko með þér fluguóþolinu og finnst þær sélega hvimleiðar seinustu daga. Er miklu meiri svona kóngulóarkona (spiderwomen) en flugukona. Pollýanna vinkona mín (sem er reyndar svolítið extream) segir maður eigi alltaf að finna eitthvað til að gleðjast yfir - sérstaklega í andstreyminu. Þegar hún fékk eitt sinn hækjur í jólagjöf þá gladdist hún - þvi hún þurfti ekki að nota þær. Er samt ekki viss um að margir hefðu þennan þroska

Það er líka okkur öllum hollt (sérstaklega á þessum síðustu og verstu...) að skoða og meta það sem sem við höfum - og vera kannski bara pínulítið þakklát. Og það er svoooo gaman þegar lífið (fólk) kemur manni ánægjulega á óvart. Það er svo margt þegar að er gáð sem hægt er að gleðjast yfir.........

[Ómar Ingi, 3.9.2008 kl. 23:20]

Já erum við ekki heppinn

Knús á Ian og ég drep fluguna hérna til heiðurs honum og segi Auuuuuuuumingja fluvan 

[Rúna Guðfinnsdóttir, 3.9.2008 kl. 23:33]

Í sambandi við flugur og þessháttar vil ég benda ykkur á smá klausu  um vinkonu mína, hana Kollu

Kveðjur.

[Lísa Björk Ingólfsdóttir, 3.9.2008 kl. 23:33]

Komið bara með flugurnar til mín en takið áttfætlurnar.  Ég þoli ekki kóngulær!!!  Knús á Ian, hann kannski nær flugunni bara á morgun........

[alva (IP-tala skráð) 3.9.2008 kl. 23:42]

"Bani"  virkar vel hérna á þetta allt en Ian sér um þetta hjá ykkur greinilega, þannig að þarf ekkert að vera að spruða einhverju ógeði útí loftið...mér var hugsað til allra úrflöttu flugulíkanna sem skilja eftir sig fallega bletti...kannast við það á rúðunum hérna eftir son minn....mér finnst sko ekki gaman að þrífa það upp...

[Steingrímur Helgason, 4.9.2008 kl. 00:23]

Held að þetta sé númer eitt mamman, númer tvö viðhorf hennar & hinna & númer þrjú reynslan & atlætið í Öskjuhlíðinni.

Ég er nú 'dáldið' fyrir fluguveiði sjálfur, sgo ...

(dézkoti skrifar þú góðann stíl, kona).

[Sif.. (IP-tala skráð) 4.9.2008 kl. 00:48]

Flugur eru fínar og kóngulær líka, svona á meðan þetta heldur sig utandyra

Og ég þarf líka aðeins að monta mig.... Minn gaur er nefnilega hættur með bleyju og hann veit hvaða staf hann á  

Það var stuðningsfjölskyldan hans sem ákvað í sumar að prófa að taka af honum bleyjuna, og það svona pissvirkaði, varla komið fyrir slys !!! Svo að nú er ég aðeins farin að spara TR bleyjukostnaðinn og vona að þeir noti þann pening í eitthvað gáfulegt...

Annars verð ég nú að segja að ég held nú ekki að hann sonur minn verði neinn prófessor sko, en hann skal fá það besta út úr lífinu, það er ég búin að lofa bæði honum og mér..... 

[Helga Kristjánsdóttir, 4.9.2008 kl. 00:54]

Þú færð Fálkaorðuna frá mér, með stjörnu.

[Edda (IP-tala skráð) 4.9.2008 kl. 00:59]

Elsku Jóna. Ég skil hann svo vel    .. en það sem ég geri... er að reyna að hleypa flugunum út..og veiða köngulórnar í glas og henda þeim út!! En ef að flugurnar eru svo heimskar, að þær skilja ekki undankomuleiðina, þá er bara eitt eftir... "aummmmingja fluvan" !! .. og rykskuga rest!!

Ég er sammála þér, hvað við erum heppin að lifa á árinu 2008, þar sem eru allavega gerðar tilraunir með að láta fólki líða betur, sem eru öðruvísi en við flest!!  

[Anna Gísladóttir, 4.9.2008 kl. 01:01]

Mikið er ég sammála þér
Í mínum augum er lestur lykill að svo mörgu í lífinu

[Sporðdrekinn, 4.9.2008 kl. 02:32]

Ég ætlaði sko líka að vera meka góða mamma í sumar og láta strákana lesa. En neiiiii ekkert varð af því, mig kveið því mikið fyrir þegar að yngsti unginn sagði "mamma við verðum að lesa" fyrsti dagur skólann var jú búinn. En sem betur fer virðist þetta allt saman vera í lagi

Ég held að eins óviðaeigandi og það væri þá myndi ég stökkva á ykkur fjölskyldu meðlimi og knúsa ef að ég hitti ykkur út á götu

[Huldabeib, 4.9.2008 kl. 03:21]

*Hneigj* fyrir þér. *Hneigj* fyrir syninum. *Hneigj* fyrir Öskjuhlíðarskóla. *splatt* fyrir fluvuna.

[María Guðmundsdóttir, 4.9.2008 kl. 07:08]

frábært bara og já,heyr heyr bara,  hneygja sig fyrir ykkur øllum bara, svona á thetta ad vera.

[Birna Dis Vilbertsdóttir (IP-tala skráð) 4.9.2008 kl. 09:28]

[brussubínan (IP-tala skráð) 4.9.2008 kl. 09:54]

oh my god, þvílíkur snillingur. Hann sko - ekki þú. jæja ok þá - þú líka. En hvaða krakki nennir að lesa með mömmu sinni þegar hann er í sumarfríi, ég þekki engan. Nú tekur hann náttúrulega bara upp bækurnar og les eins og hann hafi ekki gert neitt annað í lífinu. Algjör snillingur, ég sakna hans. Fer að koma að helgarheimsókn hjá okkur. koss og knús í bili

[Helga Magnúsdóttir, 4.9.2008 kl. 12:00]

Það er sko eitt sem öruggt er að við megum þakka fyrir hvað þessum málum hefur fleygt fram þó enn megi gera betur. Ég var orðin fullorðin þegar ég heyrði orðið einhverfur fyrst en held að ég hafi ekki skilið það almennilega fyrr en ég fór að lesa bloggið þitt.

[Linda litla, 4.9.2008 kl. 12:25]

Innlitskvott

[Edda Agnarsdóttir, 4.9.2008 kl. 18:09]

Frábært hjá Ian vini mínum!

[Högni Jóhann Sigurjónsson, 4.9.2008 kl. 21:19]

Ég get ekki gert betur enn að vitna í aðra Frammara hér á undan, eins og Ómar og Steingrím og jú Huldubeib sem er ábyggilega Frammari líka þó svo að ég viti ekki hvort að hún veit það.

,,Já erum við ekki heppinn

Knús á Ian og ég drep fluguna hérna til heiðurs honum og segi Auuuuuuuumingja fluvan 

Ómar Friðleifsson, 3.9.2008 kl. 23:20 ,,

,,Held að þetta sé númer eitt mamman, númer tvö viðhorf hennar & hinna & númer þrjú reynslan & atlætið í Öskjuhlíðinni.

Ég er nú 'dáldið' fyrir fluguveiði sjálfur, sgo ...

(dézkoti skrifar þú góðann stíl, kona).

Steingrímur Helgason, 4.9.2008 kl. 00:23,,

,,Hneigj* fyrir þér. *Hneigj* fyrir syninum. *Hneigj* fyrir Öskjuhlíðarskóla. *splatt* fyrir fluvuna.

Huldabeib, 4.9.2008 kl. 03:21,,

Og svo Helgu Magnúsdóttur sem er ábyggilega Frammari. 

,,Það er sko eitt sem öruggt er að við megum þakka fyrir hvað þessum málum hefur fleygt fram þó enn megi gera betur. Ég var orðin fullorðin þegar ég heyrði orðið einhverfur fyrst en held að ég hafi ekki skilið það almennilega fyrr en ég fór að lesa bloggið þitt.,,

Helga Magnúsdóttir, 4.9.2008 kl. 12:00

Og svo smá frá mér, Takk fyrir mig.

[Tína, 5.9.2008 kl. 07:49]

Jú það er alveg rétt hjá þér að margt hefur breyst til batnaðar. Hann Kristján minn er bæði les og skrifblindur og fyrir alls ekki svo mörgum árum hefði hann af þessum sökum verið talin heimskur í besta falli.

En það er ekki síst þér að þakka og hvernig þú tekur á málunum sem hefur áhrif á allt í kringum Ian. Það er ég viss um.

Hafðu góða helgi mín kæra

[Sigrún Jónsdóttir, 5.9.2008 kl. 10:08]

[Kristín Katla Árnadóttir, 5.9.2008 kl. 11:37]

[Elísabet Sigurðardóttir, 5.9.2008 kl. 13:09]

Þú ert yndisleg að deila þessu með okkur.  Takk fyrir það.

[Linda Linnet Hilmarsdóttir, 5.9.2008 kl. 19:12]

[Bergljót Hreinsdóttir, 6.9.2008 kl. 00:07]

Segi það enn og aftur...Ian er ekki allur þar sem hann er séður...baaaara flottastur