I'm autistic. What's your excuse?

 

Þið eruð nú meiri krúttlingarnir, öll sömul. Takk fyrir allar fallegu kveðjurnar út af Tinnu. Það var líka svo gaman að fá sögur af kisunum ykkar.

Tinna verður brennd. Við fáum svo öskuna og ætlum að jarða hana í garðinum hjá okkur. Það er huggun harmi gegn. Gelgjan var harðákveðin í að fá að sjá Tinnu áður en hún yrði brennd og Bretinn fór því með dóttluna sína upp á Dýraspítala í dag.

Ég var við öllu búin þegar þau komu til baka, en Gelgjan virkaði sáttari. Þess utan fékk hún hálsólina hennar Tinnu og ber hana nú sem ökklaband. Aftur heyrist því í 3 bjöllum á hlaupum um húsið... þ.e. Gelgjunnar og svo Elvíru og Gríms.

Anna Ólafs, þessi elska, sendi mér helling af myndum í dag af Tinnu og kettlingunum, í tölvupósti. Myndirnar tók hún síðasta sumar, þegar hún kíkti hér í kaffi. Takk Anna, þær eru alveg hreint yndislegar.

Sá Einhverfi leikur við hvern sinn fingur þessa dagana og virðist hreinlega vera að springa af kátínu. Sennilega finnur hann sjálfur hvað það er sniðugt að tala og tjá sig. Gerir allt svo einfaldara.

Læt fylgja hér mynd af honum sem ég tók í síðustu viku. Hann er svo sætur í bláu krakkinn.

Það má segja að ég hafi skemmt mér vel þegar ég skoðaði myndina eftir á og sá hvaða partur af textanum á bolnum birtist á myndinni... en ég er nú líka svo biluð. En ég tek fram að ég keypti ekki þennan bol vegna þess að það stendur ''Weird'' á honum. Reyndar stendur ''weird blue beetle''

 

 

 

 

 

 

en það eru til bolir eins og til dæmis þessi hérna sem mér finnast assgoti góðir:

 

 

 

 

 

Annars fékk ég einhvern tíma sendar upplýsingar um vefsíðu, þar sem hægt er að panta alls konar svona krúttlega boli, með einhverjum texta á í sambandi við einhverfu. Ég man ekki hver sendi mér þessar upplýsingar og auglýsi hér með eftir þeim.

Athugasemdir

[Elísabet Sóley Stefánsdóttir, 16.7.2008 kl. 01:01]

hehe krúttarbolir :-) og myndin æði

[Sporðdrekinn, 16.7.2008 kl. 01:39]

Sæt mynd, það er bara cool að vera "weaird" eða öðruvísi, það finnst mér og mínu alla vegana. En við erum líka pínu skrítin

[Sporðdrekinn, 16.7.2008 kl. 01:41]

Veit ekki alveg hvernig "a"inu datt í hug að skella sér með þarna, kannski gert til að undirstrika hversu "weird" ég er  

[Sif... (IP-tala skráð) 16.7.2008 kl. 01:53]

Væri til í svona bol eða peysu sem stæði á

"Ekki tala við mig, ég er einhverfur og þoli þig ekki"

Myndi alltaf setja minn í peysuna í þau fáu skipti sem hann fær að fara með mér í búðir :=)

Minn öskrar á ókunnuga sem yrða á hann nefnilega, svo fær mamman svona svip frá viðkomandi .... þú veist hvernig svip !!!!

[Ása Ninna Katrínardóttir (IP-tala skráð) 16.7.2008 kl. 02:24]

Æðisleg mynd, og sniðugir bolir!

[Bergljót Hreinsdóttir, 16.7.2008 kl. 04:02]

Flottur strákur í flottum bláum bol

[Edda Agnarsdóttir, 16.7.2008 kl. 06:09]

Ian þú ert krútt, má ég fá bita? Segi alltaf við Magneu og aðra krakka í fjölskyldunni, "má ég borða þig" það er minn krúttatjáningarmáti!

Bið að heilsa gelgjunni.

[Tína, 16.7.2008 kl. 08:09]

Mér finnst þetta alveg hrikalega góð mynd af Ian. Fallegur strákur sem þú átt þarna Jóna mín.  http://www.zazzle.com/pd/find?qs=autistic hérna er margt sniðugt að finna. Veit samt ekki hvort þetta sé það sem þú ert að leita að.

Hafðu það sem allra best í dag yndislegust

[Anna Margrét Bragadóttir, 16.7.2008 kl. 08:09]

Ekkert smá sæt mynd af honum bara flottastur í bláu

Knús á ykkur öll

[Brynja (IP-tala skráð) 16.7.2008 kl. 09:10]

Hæ, á www.nova.is er hægt að panta boli og semja sjálf textann og kostar eingöngu 790 kr. bestu kveðjur

[Elísabet Sigurðardóttir, 16.7.2008 kl. 09:55]

Vá hvað hann er glaðlegur og fallegur strákur, yndislegt að sjá mynd af honum. 

Þessir bolir eru alger snilld.

[Jóhanna Magnúsar- og Völudóttir , 16.7.2008 kl. 10:02]

Dóttir mín gaf 5 ára stjúpsyni mínum bol með merkingunni ,,BIG TROUBLE COMES IN SMALL PACKAGES" .. Hann vill helst ekki ganga í öðrum bol..  

Votta ykkur samúð mína með kisu  ...  Það var mikil sorg á mínu heimili fyrst þegar páfagaukurinn kvaddi og síðar fór það út í extreme þegar heimilishundurinn fór til himnaríkis fyrir nokkrum árum ..

[Jóhanna Magnúsar- og Völudóttir , 16.7.2008 kl. 10:05]

p.s. Sama glettnisbrosið á syni þínum og þér ..þið eruð ótrúlega kjút bæði tvö!

[Marta B Helgadóttir, 16.7.2008 kl. 10:39]

Votta samúð mína vegna Tinnu litlu

...myndin er mega krútt ;)

[Helga Magnúsdóttir, 16.7.2008 kl. 11:23]

Flott mynd af Þeim Einhverfa. Hann er nákvæmlega eins og þú, bara fyndið hvað þið eruð lík.

[Birgitta, 16.7.2008 kl. 11:26]

Þú ert kannski að tala um þessa síðu sem ég sendi þér einhvern tíma. Mjög skemmtileg síða og ótrúlega mögnuð fjölskylda.

[Jenný Anna Baldursdóttir, 16.7.2008 kl. 12:58]

Drengurinn er eðalkrútt.

Ég elska svona boli.  Sumir tónlistarmenn (ég nefni ekki nöfn) eiga nokkra svona.  Eins og til dæmis "Leave me alone I´ve got enough friends".  Híhí.

Knús.

[Elín Katrín Rúnarsdóttir. , 16.7.2008 kl. 14:17]

Algjör krútt hann Ian Simpson Samúðarkveðjur til ykkar út af Tinnu kisuling

Ég er svo áhryfagjörn að stundum langar mig að vera eins og þú.....fyndin, æðrulaus, yfirveguð, skemmtileg og cool

Knús á skemmtilega heimilið ykkar.

[Ólöf Jóhanna Pálsdóttir, 16.7.2008 kl. 14:49]

Samúðarkveðjur vegna Tinnu. Flottur strákur flottur bolur, flottur blár litur.

[Agnes Vald. (IP-tala skráð) 16.7.2008 kl. 15:23]

Þessi síða er oft með krúttlega/fynda boli líka...

http://shop.cafepress.com/autism?source=searchBox 

[Róslín A. Valdemarsdóttir, 16.7.2008 kl. 16:16]

Æ hvað hann Ian er ótrúlega sætur í þessum bol, algjört krútt

[Kristín Katla Árnadóttir, 16.7.2008 kl. 17:36]

Sætur strákur í flottum bol.

[Ómar Ingi, 16.7.2008 kl. 18:00]

Flottur í bláu strákurinn þinn

Bara flottasti liturinn í heimi

Hilsen

[Hulda Bergrós Stefánsdóttir, 16.7.2008 kl. 20:28]

Flottur mömmustrákur

[Högni Jóhann Sigurjónsson, 16.7.2008 kl. 20:47]

Við Frammarar erum sem oftast í bláu er það sem Ómar vildi, líklega, segja og ég tek undir það að sjálfsöggðu og þessi litur fer Ian mjjjöööög vel.

[Ragnheiður , 16.7.2008 kl. 21:52]

Ó hann er sætastur og með prakkaraglottið hennar mömmu sinnar.

[Ásdís Sigurðardóttir, 16.7.2008 kl. 23:09]

Dengsi er dúlla 

[alva (IP-tala skráð) 16.7.2008 kl. 23:57]

oooo vissi ekki að það væri hægt að brenna gæludýrin og fá öskuna, alveg hreint frááábært, vildi að ég hefði vitað af þessu fyrir nokkrum mánuðum.

Sætur strákurinn þinn og bolurinn rokkar!! Þið eruð skrambi lík í andlitinu.

[Anna Ólafsdóttir (anno) (IP-tala skráð) 17.7.2008 kl. 00:14]

Ekkert að þakka elsku Jóna

Þessi drengur er krútt með prakkarabros - yndisleg mynd af honum

[Kristjan Gudmundsson (IP-tala skráð) 18.7.2008 kl. 12:07]

Halló allir, ég mæli með þessari síðu. Endalaust af frábærum bolum http://www.despair.com/

 Takk fyrir frábært blogg