Samfellu-pirringur

 

Og áfram heldur pirringurinn. Í þetta sinn vegna þess að ég get ekki fundið almennilega samfellu.

Og þá meina ég ekki samfellu fyrir augað.. svona dót eins og hægt er að kaupa í Adam & Evu eða Rómeó & Júlíu. Nei, ég er að meina svona virkilega kellinga-samfellu sem er eingöngu ætluð til að gera gagn. Samfellu sem ætlast er til að maður klæði sig í og hún haldist á kroppnum allt kvöldið.

Ekki  5 mínútna nærföt. Og á ég þá við undirföt sem leikfélagi þinn rífur af þér innan 5 mínútna.

Hafiði tekið eftir því að þær konur sem notaðar eru til að auglýsa svona vörur; allt svona aðhalds-eitthvað, shock up sokkabuxur og allan þann pakka, eru dömur sem hafa aldrei og munu aldrei á ævi sinni þurfa á slíkri vöru að halda.

Vill einhver segja mér hvar ég finn AÐHALDS-SAMFELLU. Þessar sem eru gerðar til að þjappa mjúku línunum saman undir árshátíðarkjólnum. Og nota bene, slétta. Ekki með einhverju blúndumynstri sem kemur í gegnum kjólinn og lætur líta út fyrir að maður sé með appelsínuhúð frá hálsi og niðrúr.

Anyone? Ha? ha?

 

Athugasemdir

[Ásta Björk Solis, 24.1.2008 kl. 18:24]

J C Penney's .com eda bara verslunin sjalf.

[Jóna Á. Gísladóttir, 24.1.2008 kl. 18:30]

Ásta Björk. Takk fyrir það en er sú búð nokkuð til á Fróni?

Dúa. Já þetta með hálsmálið  er enn ekki vandamál hjá mér en verður það fljótlega. Husholdningfilm er bara mjög góð hugmynd. Nema kannski ef vera skyldi að maður svitni óheyrilega í plastinu

[Marta B Helgadóttir, 24.1.2008 kl. 18:36]

Hahah ahaaa þið eruð alveg frábærar ég er í kasti hérna.

Einu sinni var til Lífstykkjabúðin á Laugavegi, mamma fór alltaf þangað hún var af þessari lífstykkjakynslóð kvenna. Veit ekki hvar sú búð er niðurkomin, en Selena er með falleg nærföt og hefur auglýst ýmsar "lausnir" hmmm það er örugglega e-ð í þessum dúr get eg ímyndað mér.

[Bjarney Hallgrímsdóttir, 24.1.2008 kl. 19:25]

Þú ert óborganleg  er bara í kasti hérna eftir þennan lestur... og gangi þér leitin vel...þetta færst allavega ekki í kaufffélaginu hér, það er nú nokkuð ljóst

[Svanhvít Ljósbjörg Guðmundsdóttir, 24.1.2008 kl. 19:36]

Ég myndi kíkja í HB búðina á Strandgötu í Hafnarfirði, öll möguleg nærföt og samfellur til þar

[Bryndís R (IP-tala skráð) 24.1.2008 kl. 19:37]

Athugaðu í Misty. Gæti verið til þar.

[Jóna Á. Gísladóttir, 24.1.2008 kl. 19:43]

Svanhvít BINGÓ BINGÓ BINGÓ Þetta er búðin sem ég var að leita að en mundi ekki nafnið á henni. Þú hefur unnið ferð fyrir 4 til Florida... æi nei, sorry það er ekki svo gott en voðalega er ég þakklát. Mikill er máttur bloggsins hehe

Takk fyrir komment krúslurnar mínar. Selena og Misty er líka eitthvað sem ég þarf að kíkja á.

Bjarney. Ég mun samt kikka í Kauffffffélagið þegar ég á leið um. Frétti að það fengist svooo margt þar

[Ómar Ingi, 24.1.2008 kl. 19:47]

Spurning um að spyrja Lísu , hún er með svona hluti á tæru 100%.

Svo er alltaf E Bay

[Jóna Á. Gísladóttir, 24.1.2008 kl. 19:49]

Ómar minn. Mig vantar þetta NÚNA. núna skiluru. Eða fyrir laugardaginn allavega. En ég ætla að veðja á HB búðina í Hafnarfirði.

[Hugarfluga, 24.1.2008 kl. 19:50]

Ég næ því ekki enn að búðin skuli heita Lífstykkjabúðin. Álíka sjarmerandi og Líkþornamarkaðurinn.  Vona að þú finnir góðan vafning.

[Jóna Á. Gísladóttir, 24.1.2008 kl. 19:55]

Hugarfluga. hahahahaha jesús hvað ég er sammála þér.

Heiða. Ég trúi því að ég finni eitthvað annað en kafarabúning . Eitthvað svo lipurt og létt og jafnfram svoooooo grennandi.... við sjáum til

[Sigrún (IP-tala skráð) 24.1.2008 kl. 20:04]

Svona alvöru græju færðu í Mistý á Laugarveginum (gamla sjónvarpshúsið) og þar færðu líka alveg TOPPþjónustu Gangi þér vel

[Ásdís Sigurðardóttir, 24.1.2008 kl. 20:06]

Jóna, endilega kíkja í HB búðina hún var flott þegar ég bjó þar.  En sniðug hugmynd að fá sér svona shape samfellu, ég er að fara á þorrablót næsta laugardag og vill auðvitað vera flottust, best að kíkja í efnalaugina hér í bæ, þeir selja æðisleg nærföt, náttföt og alles. Góða skemmtun stelpa

[Jóna Á. Gísladóttir, 24.1.2008 kl. 20:10]

Sigrún takk fyrir þetta. Ég hringdi í Mistý í dag. Þær áttu einhverja samfellu sem átti við lýsinguna hjá mér en ekki í stærra en B-skálum

Ásdís. Takk fyrir orðið; shape samfella. Mikið flottara orð. Já ég kíki á HB búðina. Ekki spurning 

[Jóhanna (óþekktur en aðdáandi bloggsins) (IP-tala skráð) 24.1.2008 kl. 20:26]

Vinkona mín var að gifta sig um daginn og ég fór með henni að versla svona "shape" samfellu til að halda öllu á sínum stað og gera hana flotta og án allra misfella. 

Búðin sem selur þetta er Lífstykkjabúðin og hún er efst á Laugaveginum á móti Pizza Company.

[Erna (IP-tala skráð) 24.1.2008 kl. 20:27]

Debinhams var síðast þegar ég vissi með mjög góðar samfellur,

maður verður svona mega beib þegar í herlegheitin er komið

hægt að fá nokkrar úfærslur af þessu eftir því hvaða parta þarf að hífa upp og strekkja.

[Þröstur Unnar, 24.1.2008 kl. 20:38]

Það fást fínir gallar í Bykó, í öllum stærðum.

[Gunna-Polly, 24.1.2008 kl. 20:39]

þessi ser snilld  fæst í debenhams

http://www.figleaves.com/uk/product.asp?product_id=TSMK-52518&cookied=24%2F01%2F2008+20%3A37%3A48 

[Gunna-Polly, 24.1.2008 kl. 20:43]

ps ekki fara úr þeim fyrir framan bretann

[Ása Ninna Katrínardóttir (IP-tala skráð) 24.1.2008 kl. 21:01]

Olympia eða Misty.

[Hrönn Sigurðardóttir, 24.1.2008 kl. 21:03]

Var ekki Dúa einhvern tíma að tala um óléttubúð einhversstaðar sem seldi svona aðhaldsbúninga?

[Jenný Anna Baldursdóttir, 24.1.2008 kl. 21:47]

Myndin af fyrirbærinu hér fyrir ofan líkist ekki nærfatnaði, meira svona eldingavara.  Vantar þig eldingavara Jóna mín, á þá í hrönnum.

[Róslín A. Valdemarsdóttir, 24.1.2008 kl. 21:54]

Kannski ætli Björn Ingi geti mælt með einhverri búð..
- Nei bara svona að skjóta inní....

[Hulda Bergrós Stefánsdóttir, 24.1.2008 kl. 21:58]

Bíddu á að fara gifta sig  

Það getur verið erfitt að hemja súkkulaðirassa í shock up

Gangi þér vel og ég hlakka til að heyra hvernig laugardagskvöldið verður

Þessi snilld frá Debenhams minnir mig á Bridget Jones

[Sigrún Ósk Arnardóttir, 24.1.2008 kl. 22:45]

Mæli með lestri á þessari færslu áður en lagt er í kaup á svona aðhaldsbúnaði

[Jóna Á. Gísladóttir, 24.1.2008 kl. 22:50]

Þið eruð öll snillingar. Takk fyrir ábendingarnar. Sérstaklega þér Þröstur

ég vissi í sannleika sagt ekkert hvert ég átti að leita. HB búðin var það sem mig vantaði að vita, held að nákvæmlega það sem ég er að leita að fáist þar. Nu, ef ekki þá hef ég nu vitneskju um nokkra aðra staði.

Jóhanna. Til hamingju með vinkonuna. hvað sagði brúðguminn þegar hún fór úr vafningnum hehe. Takk fyrir innlitið.

Gunna Polly. Ég hlífi Bretanum ekki neitt.

Jenfo. Ég fæ lánaðan eldingarvara seinna

Róslín. Ég hringdi í Björn Inga. hann skellti á mig

Hulda engin gifting framundan. bara árshátíð.

Móðir góð. Sjáumst á 1600 manna árshátíðinni á laugardag... hmmm kannski

[Ómar Ingi, 24.1.2008 kl. 23:02]

Ég skal tékka inní skáp , það eru alltaf einhverjar guggur sem skilja eftir alls konar dót hérna , fyrst þú þarft þetta STRAX.

[Linda litla, 24.1.2008 kl. 23:15]

Ef að ég er ekki búin að hlæja mig máttlausa hérna, þá veit ég ekki hvað.... þurfti að fara á Gustavsberg svo að ég pissaði ekki á mig.

Gangi þér vel Jóna mín og vonandi finnur þú einhvern hentugan bumbustrekkjara

[Gerða Kristjáns, 24.1.2008 kl. 23:42]

Ég keypti mér svona mini spennitreyju í Debenhams einhvern tímann........þeir hljóta að eiga eitthvað ennþá

Góða skemmtun

[Högni Jóhann Sigurjónsson, 25.1.2008 kl. 00:13]

Bíddu! Er það bara í Bónus sem maður þykist vera venjulegur ?

[Svanhildur Karlsdóttir, 25.1.2008 kl. 00:24]

Mikið er ég ánægð að sjá að það eru fleiri en ég sem þurfa svona strekkjara

[Laufey Ólafsdóttir, 25.1.2008 kl. 00:28]

Girl! just let it all hang out!

[Ragnheiður , 25.1.2008 kl. 01:12]

Ég er nokkuð örugg á því ef ég færi í svona þá yrði ég með feitustu ökkla ever og mörg lög af undirhökum ! Shit !

Held að ég hangi bara áfram frjáls og láti þyndaraflið ráða för

[Jóna Kolbrún Garðarsdóttir, 25.1.2008 kl. 01:18]

í HB búðinni eru allsskonar mótandi samfellur á mjög góðu verði og í mörgum skálastærðum, tvær dætur mínar keyptu þar í fyrra rosalega flottar samfellur á u.þ.b 5000 kall, önnur er í dd og hin c skálum

[Katrín (IP-tala skráð) 25.1.2008 kl. 01:20]

Svona aðhaldsbrækur eða aðhaldsátfitt fæst í Lífstykkjabúðinni, sem var hélt ég frekar neðarlega á Laugav....? Allavega í gamla daga.

Hægt að fá með haldara og án, ná niðrá hné og upp að brjóstum, þ.e. eða þar sem brjóstastæðið er, sumsé langt upp á bak! Vei vei, allir breytast í Marilyn Monroe í svoleiðis brókum. Slærð í gegn, lofa.

Skemmtu þér vel Bína mín ;-)

[Halldór Egill Guðnason, 25.1.2008 kl. 16:24]

BOB-sleðagalli, fæst í Eurosport. Þrengir allan kroppinn. Svo þröngur og aðhaldskröftugur að það þarf að setja barnapúður í hann áður en honum er rennt yfir kroppinn. Þarf helst tvo með sér til að djöfla rennilásnum saman. Hann er nefnilega á bakhliðinni.

[Linda, 25.1.2008 kl. 18:50]

ahahah það er svo fyndið að lesa þessi skrif, ég og vinkona mín vorum að tala um samfellur um daginn og hún hélt að þetta væri bara úr móðins, ég hélt nú ekki, það lítur út fyrir að þær eru ekki eins auðfundar og ég hélt.. Hb verð að muna þá búð, lýfsykkjabúðinn er á sínum stað á Laugaveginum vinstra megin frekar ofarlega.

[Högni Jóhann Sigurjónsson, 25.1.2008 kl. 23:02]

Vinstra megin, já

Er það ástæðan fyrir hópferðum kvenna á salerni veitingastaðanna, þær eru meira og minna í þriggja manna búnaði.