Skotið upp á náttfötum og Golfblaðið kvatt

 

Við höfðum ákveðið að taka niður allt jólaskraut í dag og var búið að vara Þann Einhverfa við með tveggja daga fyrirvara. Af fenginni reynslu frá jólunum 2006,  bjóst ég við meiri látum. Og reyndar komin reynsla á málið þessi jólin,  því á fimmtudaginn þegar jólatréið var tekið niður í Vesturhlíð, þá grét hann fögrum tárum með ekki eins fögrum hljóðum. Ef hann hefði getað tjáð sig við starfsfólkið þá hefði hann sennilega sagt eitthvað á þessa leið:

 Mér finnst þið andstyggileg og ekki síður afar þröngsýnt fólk að sjá ekki að ekkert er því til fyrirstöðu að skreytt tré standi hér á gólfinu árið um kring.

Ekki gekk planið eftir því hér stendur enn jólatré í fullum skrúða en ég er þó búin að fylla borðstofuborðið af jólaóróum, glanslengjum, rauðum kertum, jólaljósum og öðru dóti sem hefur verið rifið hér niður úr gluggum, hillum og af veggjum.

Sá Einhverfi fór aðeins yfir pakkana sem eru undir jólatréinu (í flestum tilfellum eru það eintök af Golfblaðinu sem hann hefur pakkað inn). Tók þá og bar í stól, las upphátt á til/frá kortin og klappaði aðeins á pappírinn. Svo raðaði hann þeim öllum undir tréið aftur. Á morgun munum við taka fram kassana undan tréskrautinu og láta hann hjálpa okkur að ganga frá þessu öllu.

Eftir að búið var að reka Gelgjuna í náttföt hér í kvöld vegna þess að það lá svo á að koma barninu í rúmið, var skyndilega ákveðið að kveikja í þeim flugeldum sem eftir voru frá gamlaárskvöldi. Fyrir vikið græddi hún heilan klukkutíma á fótum.

Feðginin fóru hérna út í götu og héldu smá sprengi-show. Utan yfir náttfötin fór Gelgjan í náttslopp og svo úlpu þar utan yfir. Mjög hentugt því þegar þau komu inn aftur var hún tilbúin til að fara beint upp í rúm. En hún leit út eins og lítil bag-lady í þessari múnderingu.

 

 

Hér eru feðginin kampakát eftir sprengingarnar

Athugasemdir

[Bryndís R (IP-tala skráð) 7.1.2008 kl. 00:37]

Hehehe, eins og little bag lady

Æðisleg mynd af þeim. 

[Guðrún Jóhannesdóttir, 7.1.2008 kl. 00:40]

krúttuleg myndin

Vonandi gengur allt vel með jólatréð

Knús inn í nóttina 

[Guðríður Pétursdóttir, 7.1.2008 kl. 00:44]

krúttaraleg mynd af þeim...

Hörður fór einmitt með Guðmundi Flóka pabba og syni hans(þeim elsta) að sprengja ehstaðar áðan.. rosalegt fjör

ég er ekki fyrir þessar srpengjur, hrædd við itta

[Bjarndís Helena Mitchell, 7.1.2008 kl. 00:49]

Flott saman og hún er bara flott á því fyrir "bag lady" segi ég bara. Vonandi gengur vel með tréð á morgun. En ég verð að segja að mér finnst bara yndislegt hvað drengurinn hefur gaman af öllu jólaumstanginu. Knús frá mér

[Jens Guð, 7.1.2008 kl. 01:12]

  Krúttlegt lið.

[Sporðdrekinn, 7.1.2008 kl. 02:04]

Sæt mynd

[Björg F (IP-tala skráð) 7.1.2008 kl. 02:27]

Skemmtileg lesning.. takk fyrir frábærar færslur á árinu sem leið.. nýárskveðja

[Jenný Anna Baldursdóttir, 7.1.2008 kl. 07:18]

[Gunnar Helgi Eysteinsson, 7.1.2008 kl. 08:51]

[Birna Dis Vilbertsdóttir (IP-tala skráð) 7.1.2008 kl. 10:06]

Fallegt fólk.Mín jól kominn uppí skáp og tré út á gangstétt.Gaman að setja þetta upp og enn skemmtilegra að setja niður hehehehehehe.

[Jóhanna Magnúsar- og Völudóttir , 7.1.2008 kl. 10:40]

Gott að klára að sprengja flugeldana frá gamlárskvöldi, á náttfötum eða ekki náttfötum - ekki borgar sig að geyma þá í heilt ár!

[Ásdís Sigurðardóttir, 7.1.2008 kl. 11:32]

Flott mynd af feðginum.  Vona að jóla niðurrifið gangi vel.  Eigðu góðan dag elskið mitt.

[Gunna-Polly, 7.1.2008 kl. 13:23]

Flott mynd ef þeim :) mín jól nenna ekki niður ætla bara að hanga uppi fram að næstu jólum

[Hugarfluga, 7.1.2008 kl. 19:33]

Mér finnst nú frekar gróft af þér að kalla þau "Feðginin". Að hlutgera þau þannig er bara ekki rétt.

Hehehe bara varð ... flottust!!  

[Katrín Brynja (IP-tala skráð) 7.1.2008 kl. 21:57]

En frábært að sjá Nick - með skegg! Flottur og hún líka.

Meiri myndir, fleiri myndir!

[Brynja Hjaltadóttir, 7.1.2008 kl. 22:53]

Ó...er þetta Bretinn? Sá alltaf fyrir mér svona breskan aðalsmann en þessi gæti bara verið af Ströndunum

Falleg mynd af þeim.