Auglýsi eftir trampolíni fyrir Mitchelin manninn

Ég veit að bloggið er ekki ætlað til smáauglýsinga en datt samt í hug að sniðugt gæti verið að auglýsa eftir trampólíni með öryggisneti hér.

Málið er að Sá einhverfi er að breytast í Mithcelin manninn þessi elska. Fyrst var talið að barnið fitnaði svona af Amilininu (lyfið sem hann var á, en flest börn fitna af því), svo var hann tekinn af lyfinu og það sér ekki högg á vatni. Hann er hoppandi um allan daginn á milli þess sem hann teiknar og skrifar einhverja snilli og gúgglar á netinu. Og hann borðar ekkert svaaaakalega mikið. Þyrftum samt að reyna að taka af honum brauðið .

En gaurinn fer ekki út að leika sér eins og önnur börn og því held ég að trampólín í garðinn væri snilldarleikur. Væri brilliant að fá það eitthvað ódýrara en á 40 þúsund kallinn sem það kostar út úr búð (með öryggisneti).

Þannig að, ef þið eigið í fórum ykkar trampólin sem þið eruð ekki að nota lengur þá endilega látið mig vita.

Athugasemdir

[Karl Tómasson, 13.6.2007 kl. 02:28]

Æ hvað ég vildi að ég ætti trampolín en svo er ekki.

Gangi ykkur allt í haginn.

Kær kveðja frá Kalla Tomm úr Mosó.

[Jenný Anna Baldursdóttir, 13.6.2007 kl. 07:14]

Því miður Jóna mín þá er ég trampolínlaus kona.  En ég mun hlera vini og fjölskyldu.

[Rúna Guðfinnsdóttir, 13.6.2007 kl. 08:39]

Veistu, mér líst vel á þetta. Því miður tími ég ekki að láta þig fá mitt, en Unglingurinn minn sem er á þrettánda ári fór að fá uppsafnað grillkjöt um sig allan eins og móðir hans og hann er jú tölvukall. Eftir að trabólínið kom er hann alltaf úti og hoppar og hoppar. Þetta er bara ógeðslega dýrt.  Gangi þér vel að finna trambólín handa gæjanum þínum.

[Kristín Katla Árnadóttir, 13.6.2007 kl. 09:55]

ÆI á ekki trampólín Því miður.

[Laufey Ólafsdóttir, 13.6.2007 kl. 10:44]

Ég lenti í grátkór fyrr í vikunni með þemanu "mamma viltu kaupa trampólín?" 40.000 segiru? Viltu slá saman?

Læt þig annars vita ef ég veit um tvö stykki.