Bara til að minna mig á, því ég vaknaði upp í morgun sem vanþakklát bitch

Ég er þakklát fyrir

hversu heilsuhraust ég er (ekki sjálfri mér að þakka)

Bretann sem elskar mig (vegna þess að ég er frábær og þrátt fyrir alla mína galla)

húsið mitt í draumastaðsetningunni (þó það sligi okkur fjárhagslega)

að hafa sloppið við áfengisfíknina (og þar með gjörsamlega brotið öll náttúrulögmál, a.m.k. hvað varðar mína alnánustu fjölskyldu)

vinkonur mínar (they are always just a phonecall away)

Önnu Frænku (með stóóóóóru effi. Stoð mín og stytta)

að eiga svo fyndna dóttur að hún fær mig til að hanga í búðarrekkum (blindaða af tárum)

þau forréttindi að eiga Þann Einhverfa. (Hefði ekki viljað missa af því að kynnast þeim gaur fyrir nokkurn mun)

Unglinginn Stjúpsoninn og hversu yndislegur og blíður sá gutti er og góður við systkini sín

hversu vel mér hefur farnast á vinnumarkaðnum (þrátt fyrir að hafa ekki lokið svo mikið sem einni önn í framhaldsskóla)

að hafa hætt að reykja (áður en reykingabannið skall á)

að eiga dásamlega tengdamóður (sem skilur hvað sonur hennar getur verið erfiður)

að hafa alist upp hjá ömmu og afa (sem gerðu mig að skrítnum krakka sem sagði fortó í staðin fyrir gangstétt, altan í staðin fyrir svalir, og sem vissi hvað mannbroddar voru áður en hann varð 6 ára)

að einhver hafði fyrir því að finna upp nikótíntyggjóið (sem er mín fíkn í dag)

möguleikann á að vinna í bæði Lottó og Víkingalottó (maður lifir í voninni)

bílinn minn sem rýkur í gang í hvert skipti (þrátt fyrir svo mikið hirðuleysi af minni hálfu að réttast væri að hringja í bílaverndunarsamtökin)

að hafa uppgötvað bloggið (sem aftur gerði það að verkum að ég fór að skrifa aftur eftir 100 ár)

að trúa því og treysta að Bretinn og ég verðum eins og gömlu hjónin (í smásögunni minni hér á undan)

 

 

 

Athugasemdir

[Guðríður Pétursdóttir, 11.6.2007 kl. 00:50]

að eiga dásamlega tengdamóður (sem skilur hvað sonur hennar getur verið erfiður)

það er margt sem maður getur sko þakkað fyrir, það er gott að minna sig á þetta af og til, ég ætla að gera þetta fljótlega, ekki alveg strax samt

[Kristín Katla Árnadóttir, 11.6.2007 kl. 00:56]

Þú ert yndisleg manneskja og orð  heppin.

[Rúna Guðfinnsdóttir, 11.6.2007 kl. 01:03]

Þú ert frábær. Ég er hins vegar líka laus við nikótíntyggjóið, hætti með það þegar ég fékk hálfrarmilljónkróna fuglinn 

[Guðríður Hrefna Haraldsdóttir, 11.6.2007 kl. 01:21]

Frábær listi hjá þér. Alltaf gott að minna sig á. 

[Jenný Anna Baldursdóttir, 11.6.2007 kl. 01:31]

Frábær pistill.  Það er ekki nema von að ég fíli þig svona í tætlur kona, alin upp há ömmó og svona.  Ég líka og ég sagði forto, altan og allskonar og var eins og lítil tímaskekkja í nútímanum og ég bý að því ennþá.

[Heiða B. Heiðars, 11.6.2007 kl. 01:58]

Pistillinn frábær... en þetta með að vakna sem bitch stendur upp úr!! Ég verð alltaf svo glöð þegar ég fæ staðfestingu á því að það eru fleiri en ég sem vakna stundum þannig

[Eva Þorsteinsdóttir, 11.6.2007 kl. 06:25]

Gott hjá þér!

[Birna Dis Vilbertsdóttir (IP-tala skráð) 11.6.2007 kl. 08:41]

 Þú ert skemmtileg og bloggin þín frábær. Svo áttu svo sæta hunda

[Anna Ólafsdóttir (anno) (IP-tala skráð) 11.6.2007 kl. 09:57]

Ég hefði ekki viljað missa af því fyrir nokkurn mun að lesa þennan pistil þinn first thing in the morning - breytti deginum - knús til þín

[Marta B Helgadóttir, 11.6.2007 kl. 18:54]

Þetta er frábær "nálgun" á tilveruna og uppbyggjandi viðhorf. Takk fyrir að deila þessu með okkur.

[Doddi - Þorsteinn G. Jónsson (IP-tala skráð) 11.6.2007 kl. 19:18]

Svona á maður að horfa á lífið ... þú ert yndisleg fyrirmynd!!

[Jóna Á. Gísladóttir, 12.6.2007 kl. 00:58]

Þið eruð öll yndisleg. Takk fyrir kommentin.

[Tómas Þóroddsson, 12.6.2007 kl. 01:09]

Frábær pistill hjá þér, alltaf góð.

[Jóna Á. Gísladóttir, 12.6.2007 kl. 01:26]

Takk Tommi minn. Trúi því að þú skiljir íroníuna eftir heima þegar þú heimsækir mig

[Halla Rut , 12.6.2007 kl. 01:58]

Gaman að sjá að fólk kann að meta lífið með öllu því sem því fylgir.  Ég hef séð það áður í skrifum þínum að þú tekur á einhverfunni svolítið eins og ég.  "Eðlilegur partur af lífinu".   Ef allir gætu litið á þessa fötlun eins og þú. Í dag var sagt við mig (af nánum ættingja) "ég hef bara aldrei kynnst svona hegðun ! " Af hverju nístir þetta svo í hjarta, ég sem er búin að ákveða að láta þetta ekki á mig fá.

Kannski er þetta allt ein steypa fyrir ykkur sem lesið, en sá sem þekkir veit.

[Katrín Snæhólm Baldursdóttir, 12.6.2007 kl. 09:39]

Jóna Spóna spekingur. Mikið hlakka ég til að lesa eftir þig heimsbókmenntirnar. Ég er einmitt að rembast við að skrifa nokkrar. Svo geturðu líka glaðst þegar póstmaðurinn kemur og ég lofa að það verður ekki eins og atriðið í horrormyndinni..The postman always..eitthvað..man ekki.twice!!!!

Takk fyrir yndislegt og heiðarlegt mannablogg.

[Halla Rut , 12.6.2007 kl. 19:57]

Já Jóna varðandi kommentið þitt á síðunni minni þá var þetta svona. Ákveðin manneskja stórhneyksluð að sonur minn sem er greindur með ódæmigerða einhverfu hegði sér ekki eins og hennar börn gerðu þegar þau voru lítil. Hann er ekki með hegðunarvandamál sem slíkt en svo að hann skilji þarf örðuvísi meðhöndlun en önnur börn og hefur auðvitað ankannalega framkomu. "ég hef bara aldrei kynnst svona hegðun" Var sagt við mig, með hneykslis tón. Nei ég veit það. Hann er fatlaður skilur þú það ekki. Langar mann að segja en maður verður bara alltaf kjaftstopp þegar maður mætir svona.

Er að fara í sumarbústað en mun kíkja á bloggið mitt á morgun.

Ef þú hefur áhuga á að vita meira þá getur þú lesið um mál sem ég stend í vegna sonar míns á: http://blogg.visir.is

Hér er kærubréf vegna máls míns á hendur leikskólum Reykjavíkur

Kærubréf