Auðvitað er þetta sjálfsagt mál

''Ríkisstjórn Svíþjóðar vill auka eftirlit með þeim sem sækjast eftir að starfa á dagheimilum, frístundaheimilum eða í skólum landsins. Farið verður fram á að fleiri starfsmenn en nú sýni skjöl sem staðfesti að viðkomandi hafi ekki gerst sekur um kynferðis - eða ofbeldisglæpi''

 

Ekki veitir af. Ég lenti í því með dóttur mína á frístundaheimili fyrir ca 3 árum og ég lét öllum illum látum við forsvarsmenn, umboðsmann barna o.fl. og nákvæmlega ekkert gerðist. Í því tilfelli var maður/unglingur við störf sem átti ekkert erindi nálægt börnum. Það þarf virkilega að herða eftirlitið hér og einnig leggja meira fjármagn í þetta svo hægt sé að ráða gott fólk og halda því.

 

 

Aukið eftirlit í Svíþjóð með fólki sem starfar með börnum

Athugasemdir

[Jenný Anna Baldursdóttir, 7.6.2007 kl. 12:18]

Ég bloggaði um þetta líka, finnst sjálfsagt að það séu gerðar kröfur til fólks sem vinnur með börn.  En það hentar sjálfsagt ekki vegna þess að það er litið á umönnunar- og uppeldisstörf sem skítadjobb enda þau illa launuð.

[Rúna Guðfinnsdóttir, 7.6.2007 kl. 13:53]

Þó að það væri byrjunin þá er það ekki nóg. Þeir eru allstaðar, eins og vírus, læða sér inn í skjóli vináttu. Það er engin vírusvörn til fyrir þeim. Þeir eru allstaðar en þó svo ósnertanlegir..þeir eru helst þar sem þú átt alls ekki von á að þeir séu, engin ein tegund manna, þetta geta verið jú leikskólastarfsmenn eða læknar, stjórnmálamaður eða bankastjóri, sjómaður , lífsförunautur þinn eða bara hann afi í sveitinni. Þetta eru ótýndir glæpamenn sem á að meðhöndla sem morðingja. (Sorry, ég verð alltaf ofuræst þegar þetta mál ber á góma)

[Guðríður Haraldsdóttir, 7.6.2007 kl. 14:09]

Hingað til hefur verið svo erfitt að gera kröfur af því að launin eru svo lág í þessum stéttum og það hefur bitnað á börnum. Tek undir með Rúnu, vont fólk finnst á ólíklegustu stöðum.

Kommentaði hjá Jennýju líka um þetta og benti á að í sumarbúðunum hennar Hildu systur eru gerðar miklar kröfur til starfsmanna og hefur verið í öll árin. Mikil sía í gangi og góð laun fyrir gott fólk.  

[Kristín Katla Árnadóttir, 7.6.2007 kl. 17:38]

Ég er svo innilega sammála þér í þessum málum.

[Ragga (IP-tala skráð) 7.6.2007 kl. 17:51]

Já það þarf virkilega að herða eftirlit með þessu.  Það er löngu vitað að barnaníðingar sækja í þessi störf.

[Anna Ólafsdóttir (anno) (IP-tala skráð) 7.6.2007 kl. 18:46]

Algjörlega sammála, kommentaði á það sama hjá henni Jenny Önnu bloggvinkonu okkar og benti á að það ætti fyrir löngu að vera kominn einhver lagarammi hér til að fyrirbyggja að pervertar og aðrir ofbeldismenn/konur komist í stöður þar sem verið er að vinna með börnum.