Meira um hrap á vinsældarlista Moggabloggs

Samkvæmt því sem Gurrí bloggvinkona segir (Gurrí hvað fæ ég marga kaffibolla fyrir þetta promo??)  þá telur ekki lengur til vinsælda allar flettingar inn á blogginu hjá manni heldur er sama manneskjan (tölvan) bara talin einu sinni þann daginn þó hún fari hundrað sinnum inn. Eruð þið með mér?

Í kommenti hjá Gurrí leiðréttir Anna K (Anna you owe me) hana (ef ég skil rétt) og segir að ef sama manneskjan fer t.d. inn á bloggið hjá mér oft á sömu klukkustundinni teljist það bara 1x. Ef hún aftur á móti fer oft yfir daginn inn á bloggið mitt þá telur hvert skipti (ef það líður klst eða meira á milli).

Eruð þið ennþá með mér? Ég veit ekki einu sinni hvort ég er hér ennþá.

Ok. Ég get skilið þetta. Það sem ég skil aftur á móti ekki er afhverju sumir bloggarar eru að græða á þessu. Eru það þá þeir sem blogga oft en láta líða meira en klukkustund á milli til að dreifa heimsóknunum inn á síðuna sína, sem eru að hlaupa upp um sæti á vinsældarlistanum?

Er ég heit? Hitti ég naglann á höfuðið?

JÁ! Ég viðurkenni það bara. Ég hef stórar áhyggjur af þessu. Hef vart mátt sofa síðustu nætur vegna þessa. Finnst að mér vegið.

Athugasemdir

[Jenný Anna Baldursdóttir, 10.5.2007 kl. 00:53]

Ég týndi þér strax í annari línu hehe.  Ég skil hvorki upp né niður í þessu flettidæmi.  Féll um 3 sæti á listanum en mér er nú nokk límónaði með það.  Vildi samt gjarnan skilja þetta.  Ertu með mér? Smútsj.

[Margrét St Hafsteinsdóttir, 10.5.2007 kl. 00:55]

Ég er líka ekki að botna í þessu.......... skil þig alveg

[Þorsteinn Gunnarsson, 10.5.2007 kl. 00:56]

Sæl áhyggjufulla:-) Ég gerði smápróf á þessu í dag... bloggaði mikið svona rétt til að skoða hvort maður hreyfðist eitthvað upp listann og sé að núna hef ég á einum degi komið mér úr 50. sæti í það 19.

Held semsagt að þetta sé aðallega spurning um fjölda gesta inná síðuna en ekki endilega hversu mörg innlit þessir sömu gestir framkvæma? Hjá mér lítur þessi teljaraþvæla svona út núna eftir miðnættið:

Flettingar

• Í dag (10.5.): 59
• Sl. sólarhring: 3595
• Sl. viku: 7446
• Frá upphafi: 52752

Annað

• Innlit í dag: 48
• Innlit sl. viku: 5620
• Gestir í dag: 48
• IP-tölur í dag: 48

Annars treysti ég því að þú finnir útúr þessu...

[Benedikt Halldórsson, 10.5.2007 kl. 01:11]

Ertu ekki álíka vinsæl og áður, ef einhver heimsækir einhvern oft á dag hlýtur það að merkja vinsældir ekki satt! Það hefur aðeins verið fiktað við tölvuteljaranna sem ekkert skilja.

[Kristín Katla Árnadóttir, 10.5.2007 kl. 10:20]

Já ég skil þig Jóna mín en ég skil samt ekki tölvuteljarann.

[Svavar Alfreð Jónsson, 10.5.2007 kl. 14:09]

Hafðu engar áhyggjur af þessu. Þú skrifar eitt alskemmtilegasta bloggið hérna. Þar að auki er leitun að myndarlegri og gáfaðri bloggvinum en þú átt. Haltu þínu striki.

[Jóna Á. Gísladóttir, 10.5.2007 kl. 16:26]

Sjaldan hefur deginum nú verið bjargað eins rækilega og Svavar vinur minn hefur gert hér. Mig þyrsti greinilega í hól eins og villráfandi mann í eyðimörk þyrstir í vatn. Svo er ég svo svaðalega sammála þessu með myndarlegu og gáfuðu bloggvinina. Svavar minn gakktu á Guðs vegum . Og þið hin, hjarta mitt er barmafullt af þakklæti fyrir alla þessa myndarlegu, gáfuðu, skemmtilegu, hæfileikaríku, yndislegu bloggvini sem ég á. sniff sniff. Ætla að detta í'ða.