Ristað brauð með smjöri

 

Sá Einhverfi var að rista sér brauð. Sem er í sjálfu sér ekki í frásögur færandi. Hann er orðinn ótrúlega duglegur og auðvitað hvergi eins sjálfbjarga eins og í eldhúsinu, enda er það sem leynist þar í skápunum hans aðal áhugamál. Hann skellti tveimur brauðsneiðum í ristina og þegar þær poppuðu upp smurði hann svo ríflega með smjöri að ég sá þann kost vænstan að blanda mér í málið. Því var ekki tekið þegjandi en ég fékk að ráða. Var ekki alveg á því að barnið fengi sér smjör með brauði í staðin fyrir brauð með smjöri.

Sá Einhverfi tók fram tvo diska og setti eina brauðsneið á hvorn disk. Ég fórnaði höndum; átti þetta nú að verða nýjasta áráttan? Að nota marga diska fyrir hverja máltíð. Yrði næsta heita máltíð þannig að hver kartafla og hver kjötbita fengi sinn einkadisk.

Ég sameinaði brauðsneiðarnar á disk en um leið og ég sneri mér við var hann búinn að ná í hinn diskinn aftur. Svo gekk hann inn í stofu þar sem Gelgjan systir hans lá eins og klessa í stól og horfði á sjónvarpið. Hann lagði diskinn fyrir framan hana þegjandi og hljóðalaust, áður en hann sneri sér að því að innbyrða brauðsneiðina sem hann ætlaði sjálfum sér.

Þó að Gelgjunni byði við smjör magninu (þrátt fyrir inngrip móður á smurningu) klappaði hún saman höndunum og þakkaði bróður sínum afskaplega vel fyrir. Meðvituð um að hugtakið: að deila, eða að hugsa fyrst um aðra, er langt frá því að vera sjálfsagt þegar kemur að einhverfum einstaklingi.

Mamman var náttúrlega í awwwwwwwwwwww-gírnum.. út af báðum börnunum.

 

Athugasemdir

[Hólmdís Hjartardóttir, 13.10.2009 kl. 00:22]

[Steingrímur Helgason, 13.10.2009 kl. 00:33]

Eymíngja Ian litli að þurfa að eiga dona zkrýtna mömmu alla daga...

[Ingibjörg Jónsdóttir (IP-tala skráð) 13.10.2009 kl. 08:36]

Mikið er gaman að lesa færslunar þínar Jóna, bíð alltaf spennt eftir nýrri

Snilldar börn sem þú átt :)

[Ragnheiður , 13.10.2009 kl. 11:46]

Frábær frásögn...takk

[Högni Jóhann Sigurjónsson, 13.10.2009 kl. 12:47]

Ég er svo sammála Steingrími og segi enn og aftur að stundum ætti að banna mömmur.

[Ásdís Sigurðardóttir, 13.10.2009 kl. 15:02]

Hann er yndislegur

[, 13.10.2009 kl. 18:25]

Þessi blessuð börn koma manni sífellt á óvart

[Linda Linnet Hilmarsdóttir, 13.10.2009 kl. 19:32]

[Sifjan, 14.10.2009 kl. 00:45]

Ég mátti borga fyrir að kenna mínum einhverfa gaur að deila... hann lærði það í Iðjuþjálfuninni ;=)

Snilldarstrákur sem þú átt !!!

[Sóldís Fjóla Karlsdóttir, 14.10.2009 kl. 08:49]

Þú skrifar  frábærar pistla og svo mannlega. Takk fyrir bloggvináttuna.

[Sigrún Jónsdóttir, 14.10.2009 kl. 13:53]

Yndisleg eru þau bæði 2  Ekki sjálfgefið að "gelgjur" sjái út fyrir rammann sinn

[Ómar Ingi, 14.10.2009 kl. 20:06]

[Sigurbjörg Harðardóttir (IP-tala skráð) 15.10.2009 kl. 00:15]

Frábær færsla. Frábært að sá einhverfi geti deilt svona með sér en ekki síður frábært að Gelgjan hafi tekið hugulsemi bróður síns svona vel og skilið hvað þetta var merkilegt. Greinilega frábær eintök sem þú átt :-)