Ég er á lífi - linkur á Sólskinsdrenginn

 

Ég bið ykkur, hvert og eitt sem komið hér inn, að gefa ykkur tíma til að kíkja á viðtalið við Margréti Dagmar, móður Sólskinsdrengsins. Ég, sem lifi og hrærist í heimi einhverfs drengs, var gjörsamlega gáttuð yfir því sem ég sá í þessu stutta viðtali. Einhverfa og einhverfa er svo langt frá því að vera endilega sami hluturinn.. sama upplifunin.. sama fötlunin...

Ég á alveg von á því að það verði andlegt átak að sitja í eina og hálfa klukkustund og horfa á myndina. Ég hálfkvíði fyrir.. er hrædd um að hjartað í mér springi úr samúð. En jafnframt hlakka ég svo óendanlega til. Veit ég á eftir að læra svo margt. Uppgötva ótal hluti.

Hér er linkur á viðtal Þorsteins J. við Margréti Dagmar. Gefið ykkur nokkrar mínútur.

Sólskinsdrengur  

-------

Það tilkynnist hér með að ég er á lífi... ef einhver skyldi sakna mín. Ég hef verið ófyrirgefanlega löt að blogga undanfarið.

En ég er nú samt fyr og flamme og sama má segja um restina af fjölskyldunni.

Í gegnum Þann Einhverfa upplifi ég þessa barnslegu gleði yfir jólunum, sem mér þykir vanta svolítið í okkur hin. Börn jafnt sem fullorðna.

Hann heldur niðrí sér andanum í hvert skipti sem nýr kassi eða poki er dreginn fram. Með glampa í augum og lúmsk bros bíður hann eftir að sjá hvaða gersemar komi í ljós upp úr rykföllnu boxunum.

Hoppar af spenningi á meðan verið er að koma dótinu fyrir og virðir það svo fyrir sér með svip sem gefur til kynna að hann eigi heiðurinn af þessu öllu saman.

Jólaþorpið er komið upp. Og þó að erfitt sé að festa á filmu töfrana sem þessi litlu hús með ljósunum kalla fram, þá læt ég fylgja hér mynd.

Er farin í Smáralind. We talk soon...

 

Athugasemdir

[Elín Sigríður Grétarsdóttir, 21.12.2008 kl. 15:25]

takk fyrir að linka viðtalið, ég veit allavega aðeins meira eftir að horfa á það, já og gott að heyra að þú lifir

[María Guðmundsdóttir, 21.12.2008 kl. 16:00]

ædislegt jólathorp

[Jenný Anna Baldursdóttir, 21.12.2008 kl. 16:40]

Ofsalega fallegt jólaþorpið þitt.  Og sá einhverfi er fallegur líka.  Litla krúttið sem kann að upplifa fölskvalausa jólagleði.

[Sigrún Jónsdóttir, 21.12.2008 kl. 17:17]

Ég sá viðtalið s.l. fimmtudag og ætla ekki að missa af myndinni.

Yndislegt jólaþorpið ykkar

[Ómar Ingi, 21.12.2008 kl. 20:25]

[Helga Magnúsdóttir, 21.12.2008 kl. 21:21]

Dásamlega er þetta sætt jólaþorp. Og vitanlega á Sá Einhverfi heiðurinn af þessi öllu. En ekki hver?

[Sigrún Friðriksdóttir, 22.12.2008 kl. 00:03]

Frábært viðtal, mig langar SVOOO að sjá myndina Skil þetta svo vel með mismuninn á þessum börnum. Ég er með tvö og þegar ég fékk Asperger greininguna á stelpuna líka, reifst ég nú svolítið og skammaðist. Þá sagði sérfræðingurinn mér að þegar þú ert búin að sjá einn einhverfan eða asperger þá ertu bara búin að sjá einn. Ég var svo ósátt þar sem mér fannst svo mikill munur á mörgu hjá þeim systkinunum þó að þau væru svona ná skyld og með nákvæmlega sömu greiningar, þá eru þau rosalega ólík. Guð hvað ég vona að það verði nú vakning þarna heima. Héðan er það að frétta að elsti minn er á heimavistaskóla, orðin 19, er með kærustu og ætlar að fara að læra fornleifarfræði næsta vetur. Og dóttirin er að byrja að koma meira og meira í ljós (úr sínum heimi), komin í fjölbraut og farin að eignast VINI

Knús og klemmur frá mér til þín Jóna mín og innilega til hamingju með bókina, kannski ég fái hana í jólagjöf frá Íslandi Sigrún.

En ef þú veist hvort eða hvenær væri hægt að sjá myndina í Noregi eða kaupa hana á netinu, viltu þá láta mig vita.

[Helga Kristjánsdóttir, 22.12.2008 kl. 01:54]

Jóna það er ljótt að blóta á blogginu þínu,geri það auðvitað ekki,en ég næ EKKI viðtalinu. P.S. (blóta sjálfri mér fyrir heimskuna). 

[Anna , 22.12.2008 kl. 10:43]

Er lifid ekki yndislegt

[Ólöf Anna , 22.12.2008 kl. 13:34]

Fallegt jólaþorp.

[Linda Linnet Hilmarsdóttir, 22.12.2008 kl. 14:25]

Já lífið er svo sannarlega ljúftknús og kossar

[Högni Jóhann Sigurjónsson, 22.12.2008 kl. 17:59]

,,Í gegnum Þann Einhverfa upplifi ég þessa barnslegu gleði yfir jólunum"

Hann á heiðurinn að þessu, það er bara þannig.

[Linda Linnet Hilmarsdóttir, 23.12.2008 kl. 00:46]

Ég og mín kæra fjölskylda viljum óska ykkur öllum gleðilegra jóla og farsældar á komandi ári og þökkum árið sem er að líða.....Jólakveðja

 Linda og Fjölskylda :):):):)

[Þórarinn Þ Gíslason (IP-tala skráð) 23.12.2008 kl. 04:10]

Sæl.

[Heiða Þórðar, 23.12.2008 kl. 09:18]

Ég saknaði þín.