Snjórinn og jólin... og jólagardínurnar mínar

 

''Snjór kannski farinn á morgunn,'' segir Sá Einhverfi og hoppar af kæti þegar eitthvað blautt og glært fellur af himnum ofan.

En eins og veðursins er von og vísa á Íslandi þá endist svoleiðis ofankoma bara hálfan dag eða skemur. Drengnum mun ekki verða að ósk sinni þegar hann vaknar í fyrramálið. Það var misskilningur hjá mér, þarna um daginn, að hann væri orðinn sáttur við snjóinn.

En dramatíkin er ekki alveg eins öflug og hún var fyrir viku síðan, svo þetta er allt að lagast.

Brátt fer bara að skella á jólafrí í skólunum og fyrr en varir rennur aðfangadagur upp. Þessi fjölskylda er svo heppin að geta varið mest öllum jólunum á náttfötunum. Engin fín jólaboð sem bíða okkar. Aðeins náttfata-jólamatarboð þar sem við hnoðumst hvert öðru druslulegra um með vinum og vandamönnum.

Þessi jól ætla ég að lesa eins og þetta væru mín síðustu jól (sem þau eru vonandi ekki) og reyna að komast yfir hluta af þeim bókum sem mig langar að lesa, en hef ekki gefið mér tíma í.

Eins og svo margir aðrir set ég jólagardínur fyrir eldhúsgluggann hjá mér í desember. Í fyrra gerði ég dauðaleit að blessuðum gluggatjöldunum og hélt hreinlega að ég hefði hent þeim eftir jólin 2006. Maður minn hvað ég leitaði að blessuðum gardínunum.  

Fyrir utan það hversu tímafrek slík leit er, þá tekur þetta frá manni töluverða orku að skríða um hvern krók og kima hússins, jafnt í svefni sem vöku, í von um að hnjóta um ínnpakkaðar gardínur. Og að ferðast um heilabúið á sjálfum sér til að athuga hvort ekki leynist einhvers staðar minning um hvítt efni með rauðum jólarósum á.

Ég fann þær þó á endanum inn í bílskúr. Vandlega pakkaðar inn í plast. Fyrir eldhúsgluggann fóru þær í hvelli og mér þótti ég hafa unnið afrek.

Þegar ég svo tók þær niður í janúar eða febrúar  (eða guð má vita hvenær) þá ákvað ég að lenda ekki í sömu krísunni að ári. Gekk frá þeim vel og vandlega.... Og nú finn ég þær ekki.

Ef ég man rétt þá er það skjalfest einhvers staðar á blogginu mínu hvað ég gerði við þær. En ef það er rétt munað hjá mér, þá allavega finn ég ekki þá færslu.

Veit einhver hvað ég gerði við jólagardínurnar mínar?

 

Athugasemdir

[Ómar Ingi, 15.12.2008 kl. 22:27]

Tókstu þær niður í fyrra ? 

[Jóna Á. Gísladóttir, 15.12.2008 kl. 22:28]

Ekki furða að þú spyrjir

[Helga Magnúsdóttir, 15.12.2008 kl. 22:35]

Það er komin ný leitarvél á bloggið. Prófaðu bara að slá inn jólagardínur og það er aldrei að vita hvað þú finnur. Notaðu tæknina, kona, notaðu tæknina.

[Jenný Anna Baldursdóttir, 15.12.2008 kl. 22:55]

Ef hún slær inn jólagardínur þá koma upp ca. 50 færslur frá mér en eins og allir vita þá er ég jólaóð. Jájá.

[Jóna Á. Gísladóttir, 15.12.2008 kl. 23:12]

nei vitiði stelpur, að í stjórnborðinu er hægt að fara í leit og leita bara í sínum eigin færslum. Algjör snilld, en skilar ekki þeim árangri sem ég vonaðist eftir í þetta skiptið.

[Sigrún Jónsdóttir, 15.12.2008 kl. 23:13]

Ég man eftir jólagardínu leitinni í fyrra, var þá farin að lesa þig reglulega þó  ég væri ekki sjálf farin að blogga.  Man samt ekki hvað þú gerðir við þær að loknu hlutverki

[Steingrímur Helgason, 15.12.2008 kl. 23:52]

Gardínur zardínur, ég hef meiri pirríng yfir einni alhandónýtri jólaseríu í einum eldhúzglugga mínum sem er á tvítuguztu peru þegar bara 1&8 dagar eru til jóla !

Aukaperuinnkaupin hafa þegar kostað mun meira en ný sería, en ég hef aldrei þótt vera sérlega vitur heimilisfaðir, en þrjózkur, jámm.

Ian á að fá skíði í jólagjöf, þá sættist hann við snjóinn.

[hm (IP-tala skráð) 16.12.2008 kl. 00:08]

Athugaðu í skápnum undir vaskinum inni í eldhúsi

[Róslín A. Valdemarsdóttir, 16.12.2008 kl. 00:18]

Ég held að gardínurnar séu út í bílskúr, inní geymslu ( ef þú ert með svoleiðis inn í bílskúr ) í merktum kassa sem stendur; JÓL, með rauðum stöfum, eða grænum, eða kannski svörtum!

[Ragnheiður , 16.12.2008 kl. 00:34]

Obbs...næst set ég á miða á ísskápinn hjá mér hvar þú setur þessar jólagardínur..

Rosalega var Helga snjöll að koma með lausn...verst að það gekk ekki. Svipað og að slá inn í leitargluggann núna "kreppa". Það kæmu öll blogg frá öllum bloggurum.

[Kristín Bjarnadóttir, 16.12.2008 kl. 08:32]

hæ hæ og takk fyrir mig, vona að þú finnir gardínurnar

[Hólmgeir Karlsson, 16.12.2008 kl. 09:00]

Þú fannst þær aldrei í fyrra kona góð :) .. sjá http://jonaa.blog.is/blog/jonaa/entry/391002/ allavega ekki fyrir jólin, he he ... Gogglaði þig og gardínurnar og ég æt'l ekki að segja hvað birtist mér ... norkkrar skjáfyllur af ótrúlegum fróðleik. Það er vandasamt að vera þekkt í netheimum Jóna.

[Sifjan, 16.12.2008 kl. 09:38]

Blessuð góða vertu ekki að eyða orku í að leita af þessum jólagardínum.... persónulega finnst mér allar jólagardínur ljótar...  svo er bara  vesen að vera að taka niður gardínur... þvo og strauja.  Ég hengi bara bjöllur og jólasveina í mínar og voiilllaaa komnar jólagardínur.

 Annars langaði mig að þakka þér fyrir fyrirlesturinn um daginn á Amtsbókasafninu, langað að spyrja þig 100 spurninga en drengurinn var ekki alveg á því.  (ég er sem sagt þessi þarna sem var með litla sæta einhverfa gaurinn sem lét aðeins í sér heyra)  

[Rut Sumarliðadóttir, 16.12.2008 kl. 11:02]

Er enn að leita að mínum, þínar eru næstar á listnaum.

[Ásdís Sigurðardóttir, 16.12.2008 kl. 11:22]

Færslan þín er svo skemmtileg eins og alltaf. Vona svo sannarlega að þú finnir gardínurnar, verst að kettirnir geti ekki hjálpað þér, fer Khoska út í snjóinn?  ég þarf svo að fara að kíkja við. Það verður nú ekki fyrr en á nýju ári úr þessu, er enn á tveim hækjum.  kærleikskveðja til ykkar allra.

[Birna Dis Vilbertsdóttir (IP-tala skráð) 16.12.2008 kl. 11:49]

[LBH (IP-tala skráð) 16.12.2008 kl. 12:25]

JJjjjjiiiiiibbbbbýýýýý!!!

You are back!!!! Var alveg að fara að hafa áhyggjur en varð svo óhemjuglöð að sjá kvitt frá þér!!! ..... og ekki bara eitt heldur mööööööööörg!!!

Ég vildi ég gæti hjálpað þér í jólagardínuleitinni...... en þegar ég átti ekki jólagardínur, hengdi ég bara fullt af jólaskrauti í þessar sem voru fyrir, piparkökur og annað jólalegt...... spreyaði svo bara jólasnjó í gluggana og setti upp seríur........ þetta var svakalega jóló.

Svo gerði ég það líka einhver jólin að ég keypti tússpenna sem skrifa má á glugga með (það er bara þrifið af með vatni) skipti glugganum niður í ferninga með límbandi og lét börnin í það að skreyta hvern ferning...... það var líka ferlega jólalegt!!!

Nú á ég jólagardínur og er það eina jólaskrautið sem er komið upp á þessu heimili!!!! Það er bara afþví að ég gekk ekki frá þeim í fyrra, setti þær bara í poka og hengdi þær svo á nagla í skápnum!!!! Búnar að vera að þvælast fyrir mér síðan!!!! Þannig að þær eru sko ekki grafnar leeeeeeengst inni í geymslu með öllu hinu jólaskrautinu!!!!!

En mundu að jólin búa í hjörtum okkar......... ekki jólagardínum!!!! He he heeee

Við förum á morgun........ og ég er ekki einusinni hálfnuð við að pakka!!!!!

Velkomin aftur.......njóttu jólanna........ með eða án gardína!!!!

[María Guðmundsdóttir, 16.12.2008 kl. 15:50]

jólagardínur segirdu....hef ekki fundid minar ennthá svo thad er litil hjálp i mér  en vonandi finnurdu thær fyrir jólin.

hafdu thad gott Jóna og thid øll.

[Hrönn Sigurðardóttir, 16.12.2008 kl. 16:48]

Ég held þú hafir sett þínar í einhvern skápinn frammi í forstofu........

[Erna Eiríksdóttir, 16.12.2008 kl. 19:54]

Takk fyrir innlitið :)

[Bergljót Hreinsdóttir, 17.12.2008 kl. 11:50]

E#ftir margra ára puð og streð við að halda utan um allt jóladótið...gardínur meðtaldar...fann ég leið...

Ég setti allt í glæra plastkassa...og núna er minnsta málið að finna hlutina!!!

Maður labbar inn í geymslu...skannar plastkassastæðuna...og FINNUR t.d jólagardínurnar strax...!!!

Jólaknús til þín Jóna mín!!!

[Rut Sumarliðadóttir, 17.12.2008 kl. 12:20]

Ég veit hvar þær eru! Stjónin náði taki á þeim og er búin að deila þeim á þá sem ekki eiga fyrir jólagardínum þetta árið.