Kreppan er aðeins farin að narta í afturendann á mér

 

Kreppan er aðeins farin að nudda sér utan í þessa fjölskyldu.

Ég veit að ástandið á eftir að fara versnandi og mörg fyrirtæki eru að hanga á horreiminni fram yfir áramót. Ég er, því miður, handviss um að það verður holskefla af uppsögnum, gjaldþrotum og öðru lítið skemmtilegu í janúar og febrúar.

Mögru árin eru framundan (vonandi verð ég líkamlegur holdgervingur) og þau verða nokkur. En ég er sannfærð um að það tekur okkur ekki meira en 4 ár að ná dampi aftur. Ekki samt í sama hömluleysinu. En atvinnuástandið og lífskjör munu fara smám saman batnandi.

Ég skil samt ekki þessa ofuráherslu sem á að leggja á menntamálin mitt í öllu þessu. Háskólann. Er ekki kominn tími til að endurvekja virðingu landans fyrir verkamannavinnunni og sjómennskunni. Þessum harðvinnandi stéttum sem ekki hafa verið metnar að verðleikum í áratugi. Höfum við eitthvað að gera við fleiri útskriftir í viðskiptafræði, lögfræði, hagfræði og hvað þessi fræði heita nú öll?

Annars var ekki ætlunin að blogga um kreppuna. Aðeins að koma þessum bráðskemmtilega brandara að:

Íslenski sjávarútvegsráðherrann hitti svissneska kollega sinn og spurði hann af hverju Svisslendingar væru með sjávarútvegsráðherra, það væri jú enginn sjór í kringum Sviss.

Svissneski ráðherrann svaraði að bragði með annarri spurningu:

„Hvað eruð þið að gera með fjármálaráðherra?".

 

Athugasemdir

[Jóna Kolbrún Garðarsdóttir, 22.11.2008 kl. 00:01]

  Brandarinn er góður.  Kreppan er líka farin að narta í mig, frekar illa. 

[Róslín A. Valdemarsdóttir, 22.11.2008 kl. 00:15]

Ég hafði ekki fattað brandarann hefði ekki staðið að það væri ekki sjór við Sviss....

En annars jú finnur maður fyrir kreppunni, aðalega þegar krakakr eru farnir að vesenast í vasana hjá manni í skólanum og leita í alvöru í alla vasa og taka alla peninga sem þar er að finna!!!.... hefur aldrei gerst áður held ég nú bara...

[Sigrún Jónsdóttir, 22.11.2008 kl. 00:16]

og ef þeir vissu hvaða menntun okkar fjármálaráðherra hefði......

[Jenný Anna Baldursdóttir, 22.11.2008 kl. 00:17]

Nú hló ég upphátt.

Af afturendanum á þér, djók, góður.

[Steingrímur Helgason, 22.11.2008 kl. 00:19]

Mér ferzt náttúrlega, en háaldraður faðir minn sagði þegar umræðan um ~mannauðinn~ fór af stað aftur um daginn.

"Á nú ekki landið ofgnótt af velmeinandi velmenntuðum fíbblum sem að komu okkur í þezza stöðu, á nú að bæta við?"

Ég er góður sonur, ég sagði, "jú, pabbi minn."

[Brynja Dögg Ívarsdóttir, 22.11.2008 kl. 00:21]

Góður, kreppan, ég finn aðallega fyrir háu gengi Evrunnar, en það lagast.

Hafðu það sem best, kv Gleymmerei og Emma.

[Lísa Björk Ingólfsdóttir, 22.11.2008 kl. 00:44]

Brilliant - hvurn fjárann höfum við jú að gera með fjármálaráðherra .

Annars má ég til að svara þessu með áhersluna á háskólann um þessar mundir.  Kreppan er t.d. farin að banka í afturendann á mér og alls ekkert víst með atvinnumál eftir áramót.  Þessvegna, eins og svo margir aðrir núna í óvissunni,  skráði ég mig í framhaldsnám í Háskólanum.  Það er nefninlega betra að lifa á námslánum fremur en engu........... 

Ég kýs þá frekar að enda sem vel menntað fíbbl, en að sitja atvinnulaus í þunglyndi og sjá ekki frammúr morgundeginum....... 

knús í nóttina

[Hrafnhildur Ýr Vilbertsdóttir, 22.11.2008 kl. 01:33]

brandarinn góður, ég held að flestir meðal dúddar séu farnir að finna fyrir kreppunni og vonandi tekur það ekki mannsaldur að koma landinu aftur á rétt ról

[Jens Guð, 22.11.2008 kl. 03:45]

  Ég varði þokkalega löngum tíma á yngri árum í nám.  Er menntaður auglýsingateiknari (grafísk hönnun/markaðsfræði).  Hvert er menntunarstig þeirra sem settu Ísland á hausinn?  Svar:  Menntaðir lögfræðingar (D.Oddsson og hirðin í kringum hann),  hagfræðingar (Geir Haaarde með gráður frá 2 skólum),  stjórnmálafræðingar (Ingibjörg Sólrún) og svo framvegis. 

  Hefðu "óbreyttir" verkamenn,  sjómenn eða aðrir með takmarkaða skólagöngu klúðrað málum jafn illa.  Svar:  Nei.

[Sporðdrekinn, 22.11.2008 kl. 04:20]

Góður

[Guðbjörn Guðbjörnsson, 22.11.2008 kl. 08:57]

Sæll Jens

Ég er bæði sammála og ósammál þeirri umræðu, sem hér hefur farið fram. Ég er sammála að bera eigi meiri virðingu fyrir verkmenntun, sjómönnunum og þeim, sem vinna í álverum og öðrum framleiðslugreinum.

Ég er samt sem áður ekki sammála að "bókvitið verði ekki í askana látið" og tel einmitt að þjóðin hafi fyrst tekið fjörkipp, þegar menntunarstigið jókst í landinu!

Ég held að stórt mein í íslensku þjóðfélagi sé hins vegar hversu stórlega lögfræðimenntun er ofmetin. Það er með ólíkindum að lögfræðimenntun sé tilskilin til allra mögulegra hluta í þjóðfélaginu og einhvernvegin æðst allrar menntunar, t.d. í stjórnsýslunni. Þetta sannast best í Seðlabankanum.

Að mínu mati var það ekki menntunarleysi, sem olli "krísunni" heldur menntunar- og þekkingarskortur innan Seðlabankans, Fjármálaeftirlitsins og ráðuneytanna. Einnig virðist tungumálaskortur og kunnátta í að lesa tilskipanir ESB hafa ráðið miklu um hvernig fór.

Ég er því þeirrar skoðunar að við ættum áfram að leggja áherslu á menntun barnanna okkar, en jafnframt að segja þeim að iðnmenntun sé líka valkostur!

Jens: Hér að neðan er rétt menntun Ingibjargar Sólrúnar. Að auki voru það aðallega hagfræðingar og verkfræðingar, sem settu okkur á hausinn. Hannes Smári og Bjarni Ármannsson eru báðir verkfræðingar og ég held nú að Jón Ásgeir Jóhannesson er hins vegar stúdent frá Verslunarskóla Íslands. Halldór Kristjánsson, Sigurður Einarsson og afgangurinn af þessu fólki séu örugglega viðskiptafræðingar.

Stúdentspróf MT 1974. BA-próf í sagnfræði og bókmenntum HÍ 1979. Gestanemandi við Hafnarháskóla 1979-1981. Cand. mag. nám í sagnfræði við HÍ 1981-1983.

[Ómar Ingi, 22.11.2008 kl. 11:27]

[Rúna Guðfinnsdóttir, 22.11.2008 kl. 12:48]

Ég held að kreppan geri öllu venjulegu fólki lífið leitt. Það eru þó margir sem hafa skarað eld að eigin köku í "góðærinu" svokallaði, en þetta eru afleiðingar þess. Auðvitað bitnar það svo á okkur, sárasaklausum vesalingum

Brandarinn aftur á móti er alveg brilliant   Góða helgi.

[Kjartan Pétur Sigurðsson, 22.11.2008 kl. 13:40]

Brandarinn fínn :)

[Valgerður Sigurðardóttir, 22.11.2008 kl. 17:08]

já þarna hló maður svo sannarlega upphátt

[Ólöf Jóhanna Pálsdóttir, 22.11.2008 kl. 17:21]

Brandarinn góður. Ætli kreppan sé ekki eftir að narta í æði marga.

[Nafnlaus (IP-tala skráð) 22.11.2008 kl. 17:29]

Sammála þér kreppan er sko farinn að bíta í afturendan á mér, enda rassin farinn að mínka, því ég er hætt á öllu heilsufæði og farinn að lifa á því sem maður lifði á fyrir góðæri.

Tek undir það að lausnin er ekki að allir mennti sig, menntun getur líka verið í skóla lífsins sem margir kjósa að fara, enda ef þú lærir einhvað nýtt á hverjum degi í vinnunni er það ekki menntun þrátt fyrir að hafa ekki einhvert plagg í höndunum nema góð meðmæli vinnuveitanda.

Eru ekki flestir sem eru hámenntaðir atvinnulausir í dag og hvað með iðnaðarmenn þeir eru menntaðir og flestir á leiðinni á atvinnuleisisbætur eða fara af landi brott.

Hér hefur verið rekin stefna að ófaglærðir ( aðalega konur ) eiga að lepja dauðan úr skel og það á ekki að leyfa þessu fólki að eiga svokallað eðlilegt líf, þess vegna hefur atvinnuleisi verið í lágmarki,   svo eru líka margir sem gætu unnið komnir á örorku og held að stór hluti af þessu fólki sé fullfært um að vinna en atvinnurekendur nenna ekki að hafa fólk í vinnu sem á við einhverskonar veikindi að stríða heldur flytja inn erlennt vinnuafl sem það getur hlunnfarið því ekki reyna þeir að læra málið til að sækja eftir réttindum sínum.

Ég vil meiri jöfnuð hér og það á ekki að leifa í heilvita samfélagi að einhverjir hafi mánaðarlaun hvað þá árslaun lægstu stéttar á tímann og státa sig svo að því á erlendri grund hvað við höfum það gott hér.

Ég veit hvað það er að lifa sultarlífi þegar allt á að vera svo flott hér.

Burt með kallana í brúnni og fáum fólk með heilbrigða skinnsemi í stólana.

[María Guðmundsdóttir, 22.11.2008 kl. 18:33]

 brandarinn BARA snilld  

og sammála med menntunina, held thad vanti ekki fleiri løgfrædinga og th...allavega ekki núna...nema thad fari fleiri og fleiri i mál vid landid útaf innistædum sem hafa gufad upp... 

[Elín Sigríður Grétarsdóttir, 22.11.2008 kl. 18:33]

menntun er góð ... en ef fólk er í skóla á líka að skikka það í byggingarvinnu, sjómennsku, umönnun og verslunarstörf í skólafríum ... menntun er verðlaus ef þú ert ekki street-smart líka, það er hægt að vera með margar gráður en vera svo veraldarvitlaus að ekki er hægt að tala við þig ... ég var þrítug þegar ég byrjaði í fjölbraut, er á öðru ári í háskóla núna þrjátíu og fjögurra ára, ég myndi ekki vilja breyta neinu, er alveg viss um að þó að ég sé langt frá því að vera beittasti hnífur í skúffu í mínum bekk, hvað varðar bókina, þá hef ég lært svo mikið af lífinu að ég tek þessari kreppu eins og hverju öðru, ég kann að vera blönk og kann að bjarga mér ... meðan góðærið var sem mest, vissi ég iðulega ekki hvar ég ætti að fá aur fyrir næstu máltíð, svo að ég er í góðri þjálfun

[Gylfi Björgvinsson, 22.11.2008 kl. 21:46]

Skrifar þú ekki bara kreppusögu um ástandið Jóna? Þú værir örugglega góð í  því

[Lísa Margrét Kristjánsdóttir (IP-tala skráð) 22.11.2008 kl. 23:00]

Ég rak augun í titil færslunnar og datt þá í hug að það er einmitt afturendinn á mér sem fyrstur verður var við kreppu. Það er vegna þess að um leið og maður þarf aðeins að byrja að spara þá hætti ég að kaupa góðan wc pappír og fer í þennan gráa ömurlega frá Euroshopper eða Bónus Sá pappír er auðvitað ekki nokkrum afturenda bjóðandi en ég læt mig hafa það frekar en að eyða næstum því 900kr í 9 rúllur af betri pappír.

[A.L.F, 22.11.2008 kl. 23:21]

Góður brandari.

Kreppan er að banka á dyr á þessum bæ líka, sem er merkilegt í ljósi þess að ég tók ekki þátt í þessu "kapphlaupi" keypti mér ekki fasteign, tók ekki lán fyrir nýjum húsgöngum "GH vöruhúsið er minn vinur"

En með hækkandi verðlagi sem virðist hækka dag frá degi er erfiðara og erfiðara að ná endum saman á bótum frá TR.

Ég er samt bjartsýnni en margur annar, er fullviss um það að við verðum farin að rétta úr kútnum næsta haust, og komin á gott ról í byrjun árs 2010. Ég er bjartsýn á það að hlaupið verður undir bagga með þeim sem standa verst. Íslenska ríkið og íslenskar bankastofnanir hafa jú ekkert að gera með þúsundir fasteigna og þorra landans gjaldþrota.

[Heidi Strand, 22.11.2008 kl. 23:22]

[valli (IP-tala skráð) 22.11.2008 kl. 23:46]

Jóna mín góðarði kom ekki til mín en, ég held vinnunni mynstra kosti ""2 ár  en þeir  sem ekki hafa bara hugsað um gróðann hjá sér, en það þyngist að versla inn hjá fjölskildum sem eru ekki með háar tekkjur þeir sem hafa hugsað að hafa onísig  og á lifa þetta kannsi af eins og þú segir um þessa verkamenn og sjómenn.  Gefum bónus flaggaronum  fálkaorðuna ekki útrassar mönunum  sem hafa gert þetta þjófélag mær gjaldþrota. Góður brandari.

[Gunnar Gunnarsson, 23.11.2008 kl. 16:06]

Brandarinn er góður

[Helga Magnúsdóttir, 23.11.2008 kl. 19:43]

Góður brandari og það er satt að kreppan er búin að troða ljótum hausnum á sér inn á flest heimili.

[Guðríður Pétursdóttir, 25.11.2008 kl. 00:18]

ég er ennþá að höndla kreppuna bara þokkalega.. en það er af því ég á ekkert og skulda lítið..