Ekki snjór bara rigning

 

Það snjóar hérna í hæstu hæðum. Guði sé lof að ég yfirgef landið á morgun, þó sú fjarvera muni aðeins vara í fjóra daga.

Í þau skipti sem ég hef farið í slík húsmæðraorlof leyfi ég húsmæðrapirring að byggjast upp innra með mér í 2-3 daga fyrir brottför. Læt allt fara í taugarnar á mér heima við. Kannski er það ómeðvitað með vilja gert (ef það er hægt) til að léttirinn verði því meiri við að stíga upp í fríking flugvél. Og til þess að hinir fjölskyldumeðlimirnir sakni mín ekki eins mikið. Eða alls ekki neitt. Ég er viss um að Bretinn er jafn spenntur að losna við pirruðu húsmóðurina í nokkra daga eins og ég er að komast í burtu.

Ég er búin að standa í þvotti til að ég hafi einhverju hreinu að pakka niður í fyrramálið. Nú er þurrkarinn fullur og allir ofnar í húsinu þaktir peysum, bolum og buxum. Það er eins gott að kettirnir leiti ekki í hlýjuna í nótt og taki spássitúr á fötunum mínum. Ég myndi sennilega gráta ofurlítið ef það væru loppuför í hvíta þvottinum þegar ég vakna.

En það snjóar sem sagt hér á heiðinni og Sá Einhverfi var ekki sáttur í kvöld. Gelgjan leit út á sólpall og öskraði upp yfir sig: ,,það er allt hvítt það er allt hvítt''.

Ég hélt hún væri að ljúga og fór ekkert leynt með það.

,,Ekki snjór ekki snjór,'' sagði Sá Einhverfi en Gelgjan hélt það nú.

Þetta var rætt fram og til baka og alltaf heyrðist í Þeim Einhverfa í bakgrunninum: ,,ekki snjór ekki snjór''.

Við veittum honum litla eftirtekt þar til allt í einu hann beygði af. Hann grét þessi elska yfir snjókomunni og ég skyldi allt í einu að ég hefði ekki haft neitt móti því að brynna aðeins músum sjálf yfir þessari hvítu og köldu kveðju. Ég nenni nebblega ekki vetrinum.

Bretinn reyndi að segja honum staðreyndir: ,,Ian honey. I do have a lot to say about lot of things, but this is out of my control (hógvær bara).

Sá Einhverfi lét ekki huggast og við eiginlega urðum að lofa honum rigningu á morgun. Eftir það tók við hálftími af: ,,ekki snjór bara rigning''. Og hann sofnaði sáttur.

En það er hætt við því að það verði ekki gamla, góða rigningin sem blasi við í fyrramálið og ég er ofsalega fegin að það er Bretinn sem fer með honum á fætur í þetta skiptið.

 

Athugasemdir

[Ómar Ingi, 2.10.2008 kl. 23:39]

NKL það sama sagði ég EKKI SNJÓR EKKI SNJÓR

Hafðu það gott ....

[Gylfi Björgvinsson, 3.10.2008 kl. 00:03]

Góða ferð

[Jónína Rós Guðmundsdóttir, 3.10.2008 kl. 00:03]

Langaði líka til að gráta í morgun, þá var allt hvítt á Egilsstöðum. Skil því þann einhverfa vel - njóttu útlandanna næstu daga.

[Jenný Anna Baldursdóttir, 3.10.2008 kl. 00:05]

Góða ferð engillinn minn.

Have I told you lately?

[Ása Ninna Katrínardóttir (IP-tala skráð) 3.10.2008 kl. 00:34]

Úff ég skil hann vel. Var að koma úr Hveragerði, við vorum 1 og hálfan tíma á leiðinni, á sumardekkjum! Meðalhraðinn var 30km/klst!

[Jóna Kolbrún Garðarsdóttir, 3.10.2008 kl. 01:24]

Góða ferð, og vonandi rignir á morgun

[Sporðdrekinn, 3.10.2008 kl. 02:03]

LOL hógværðin alveg að fara með Bretann

Góða ferð

[María Guðmundsdóttir, 3.10.2008 kl. 05:52]

SNJÓR!!!!!  

en já,góda ferd bara og njóttu thin

[Anna Margrét Bragadóttir, 3.10.2008 kl. 07:45]

'Eg er sammala Ian EKKI snjór bara rigning

Góða ferð og skemmtu þér vel

Love you

[Linda Linnet Hilmarsdóttir, 3.10.2008 kl. 09:57]

Snjórinn er bara yndislegurmínar dömur,sem eru fjórar hér heima GÖRGUÐU af kátínu þegar þær sáu snjóinn

[Ía Jóhannsdóttir, 3.10.2008 kl. 10:07]

Góða ferð.

[Guðríður Pétursdóttir, 3.10.2008 kl. 10:34]

ég fékk alveg svona gleði kipp í gær þegar ég sá að það snjóaði, svona eins og þegar ég var lítil, alltaf glöð að sjá snjóinn

svo bölvaði ég honum í morgun þegar ég labbaði með Flóka á leikskólann..

Að öðru leyti elska ég snjóinn.. finnst hann yndislegur.. en hata slabb og slyddu,það er viðbjóður

[ÞorvaldurStefánsson (IP-tala skráð) 3.10.2008 kl. 21:29]

Hafið það sem allra best þið elskurnar þarna úti  Valli og Co.

[Sólveig Kristín Gunnarsdóttir, 3.10.2008 kl. 22:22]

Góda ferd. Vona ad thad rigni á litla strákinn thinn á morgun.

[Sigrún Friðriksdóttir, 3.10.2008 kl. 22:24]

Verð bara að senda smá samúðarkveðjur vegna snjókomu en dúllan mín njóttu húsmæðraorlofsins með eða án kattafara ;)

Knús

[Áslaug Traustadóttir (IP-tala skráð) 4.10.2008 kl. 00:30]

Hvaða te er það sem þið drekkið?

Ég keypti traditional strong English tea í London í vor og það er búið. Frá Twinings og það allra besta sem ég hef smakkað. Bragðmikið en ekki til rammt.

Any recommendations?

[Gulli litli, 4.10.2008 kl. 07:39]

Góða ferð og passaðu þig á genginu..

[Rut Sumarliðadóttir, 4.10.2008 kl. 12:28]

Hafðu það sem allra best í leyfinu.

[Bergljót Hreinsdóttir, 4.10.2008 kl. 12:41]

Úff...mér fannst þetta frekar köld kveðja svona ofan í allt krepputalið og lætin....

Get alveg tekið undir með Ian...EKKI snjór!!!

[Rúna Guðfinnsdóttir, 4.10.2008 kl. 16:39]

Góða skemmtun!

[Kristín Katla Árnadóttir, 4.10.2008 kl. 17:30]

Góða ferð.

[Lísa Björk Ingólfsdóttir, 5.10.2008 kl. 00:09]

Mér finnst rigningin góð - tralílalía - ohó

[Ólína Kjerúlf Þorvarðardóttir, 5.10.2008 kl. 09:49]

Góða ferð Jóna mín og njóttu hvíldarinnar.

[Hólmgeir Karlsson, 5.10.2008 kl. 15:40]

Innlitskvitt og eigðu góða ferð :)

[Edda Agnarsdóttir, 6.10.2008 kl. 01:02]

ferðu ekki á bókamessu í borg bókanna með þína?

Góða ferð og hafðu það kjut!

[Steinunn Helga Sigurðardóttir, 6.10.2008 kl. 12:37]

flott svar hjá bretanum.

góða ferð, hvert sem þú ferð.

Kærleikur til alls lífs og þín

steina

[Hulla Dan, 7.10.2008 kl. 07:27]

Skil Ian svooo vel.
Og þig. Rosa góða ferð.

[Steingerður Steinarsdóttir, 7.10.2008 kl. 09:18]

Góða ferð og skemmtu þér vel í orlofinu.