Ég veit ekki alveg hvað mér finnst um fulla sundlaug af berbrjósta kvenmönnum

 

Eitt af aðaleinkennum vogarinnar er óákveðni. Þar er ég skólabókardæmi. Og stundum veit ég hreinlega ekki hvað mér finnst um menn og málefni.

Þetta er eitt af þeim málum sem ég hreinlega veit ekki hvorum megin ég á að standa. Sjálf hef ég legið berbrjósta á sólarströndum og finnst ekkert að því. Í sjálfu sér. En samt...

Að hafa það eitt af baráttumálum kvennahreyfinga að við megum spóka okkur berar að ofan finnst mér lítið til koma. Finnst það í rauninni svipað og við færum fram á að fá pissuskálar inn á kvennasalerni svo við gætum pissað standandi ef þannig lægi á okkur.

Í mínum huga er eitt alveg kristaltært: karlmenn og kvennmenn eru ekki eins. Sérstaklega ekki líkamlega eins og allir vita.

Og þó að karlmenn geti gengið skammlaust um berir að ofan, finnst mér það ekki sambærilegt. Einfaldlega vegna þess að kvenmannsbrjóst eru afar stór partur af því sem dregur karlmenn að okkur kynferðislega. Spyrjið hvaða karlmann sem er. Ég held að enginn þeirra neiti því að brjóst eru í þeirra huga kynferðislegur partur af líkama okkar.

Og það er ekki skoðun sem þeir völdu að hafa. Þeir eru einfaldlega skapaðir með þessar kenndir. Ég þarf auðvitað ekki að taka fram að hér er ég eingöngu að tala um gagnkynhneigða karlmenn.

Ekki myndi ég kæra mig um að vera með börnin mín í sundlaug sem væri full af berbrjósta konum. Ekki vegna þess að brjóstin sem slík myndu trufla mig, heldur vegna þess að um leið myndi sundlaugin fyllast af karlmönnum með glaðan og sprækan lillemann áfastan.

 

Bannað að bera brjóstin í Hveró

Athugasemdir

[Ragnheiður , 18.3.2008 kl. 20:16]

Mér finnst ekki smart tilhugsun að vera í laug fullri af berbrjósta konum og þú ert eiginlega búin að skrifa mína skoðun nákvæmlega þarna.

Ég er líka vog...bömmer

[Helga Magnúsdóttir, 18.3.2008 kl. 20:20]

Mér er slétt sama, enda fiskur. Veit ekki hvað voginni manninum mínum finnst.

[Jóna Á. Gísladóttir, 18.3.2008 kl. 20:20]

Ragga. hehe Vogin getur verið manni fjötur um fót

Þrymur. Ég get skilið að þér finnist þetta tepruháttur.. sem ég reyndar hef sjaldan verið kennd við

[Jóna Á. Gísladóttir, 18.3.2008 kl. 20:21]

Helga. Þú ert heppin. Get ímyndað mér að þú fáir að taka allar ákvarðanir á þínu heimili.

[Gísli Baldvinsson (IP-tala skráð) 18.3.2008 kl. 20:27]

Þetta á auðvitað að vera val. Á sama hátt finnst islamskri konu hún vera nakin án höfuðklæðnaðar. Veit ekki þetta með brjóst og karlmenn. En vafalaust hafa skapast hefðir fyrir því að hylja kvenbrjóst af einhverjum ástæðum. Villtist inn á nektarströnd einu sinni fullklæddur. Fannst ég vera nakinn innan um nakta fólkið. Skrítið!

[Jóna Á. Gísladóttir, 18.3.2008 kl. 20:29]

Gísli. hehe nakinn í fullum klæðum. Hlýtur að hafa verið undarleg tilfinning.

Ég er sammála. Þetta á að vera val. Enda er ég afskaplega lítið fyrir boð og bönn. En samt finnst mér eitthvað truflandi við fullan heita pott af berbrjósta kvenmönnum. Sennilega er það hefðin eins og þú segir.

[Birna Dis Vilbertsdóttir (IP-tala skráð) 18.3.2008 kl. 20:32]

Góð.

[Hrafnhildur Ýr Vilbertsdóttir, 18.3.2008 kl. 21:02]

ég er líka vog en það er ekki þess vegna sem ég er sammála þér er samt heldur enginn tepra.

[Steingrímur Helgason, 18.3.2008 kl. 21:26]

Mér væri þægð í því að sem flest konudýr færu eftir þessari ágætu skoðun þinn & hlífðu mér bjánanum við að þeirra misvísandi mjólkursvitakirtlar sveifluðust fyrir sundleiðum mínum, nú sem í framtíðinni.

[Högni Jóhann Sigurjónsson, 18.3.2008 kl. 21:32]

En sko svona karlar eins og sumir, dóturdóttir mín fullyrðir að ég sé með barn í maganum, sem eru ja svona .......já, ætli ég þurfi að fara að vera í bol næst þegar ég fer í heytapottin ? Umrædd sundlaug er laugin mín.

[Ásdís Sigurðardóttir, 18.3.2008 kl. 21:44]

Mér finnst að það eigi að varlega í þetta brjóstashow   

[Bjöggi (IP-tala skráð) 18.3.2008 kl. 21:50]

Já núna fara konurnar að fara berbrjósta í sund og við kallarnir förum að láta sjá okkur í bikini. Það er sko alvöru jafnræði.

[Sporðdrekinn, 18.3.2008 kl. 21:54]

Ég gæti þurft að passa mig á að stara ekki

[Guðjón Sigþór Jensson, 18.3.2008 kl. 22:10]

Auðvitað er á þessu máli margr hliðar. Meginreglan á auðvitað að vera jafnréttissjónarmið. En þau ná því miður ekki alla leið. Til að skekkja þessi mál er t.d. kynferðisleg áreitni og það er miður.

Ekki eru allir á því að sýna öðrum fulla kurteysi. T.d. finnst mörgum miður þegar einhverjum verður starsýnt á e-ð sem viðkomandi er ekki vanur hvursdags. Fögur konubrjóst kunna að koma mörgum til að gera e-ð sem okkur flestum þykir vera ótilhlýðilegt. En meðan til eru slík eintök af homo sapiens sem ekki kunna sér hóf þá er ekki von á góðu.

Mosi 

[Ía Jóhannsdóttir, 18.3.2008 kl. 22:19]

Heheheheh þarf ekki nema eina færslu um brjóst þá klikkast bloggheimar.  Skil ekki alveg hvað er svona merkilegt við stór eða lítil brjóst, í haldara eður ei.  Þessi sænska gella er víst búin að fara út um allan heim með systur sinni og sýna herlegheitin hist og her og Vilhjálmur Örn búinn að senda inn myndir af þessum brjóstgóðu konum á sinni síðu.

  Merkileg umræða hér að ofan en sammála um það að við verðum að sýna fyllstu kurteysi hvar sem við erum innan eða utan heimilis.

[Jenný Anna Baldursdóttir, 18.3.2008 kl. 22:32]

Hef nákvæmlega enga skoðun á þessu brjóstamáli, en myndi ekki sjálf dingla mér ber að ofan á mannamótum (þó í vatni séu).

En...

..varðandi vogina þá getur þetta vandamál með að vita ekki í hvorn fótinn maður á að stíga, verið töluvert krassandi vandamál.  Eins og t.d.

á ég að hringja í Jenný?

á ég að sleppa því?

eða ætti ég að hringja?

eða gera það seinna?

kannski á páskunum?

eða aldrei?

[Hermann Bjarnason, 18.3.2008 kl. 22:56]

Ég held nú reyndar að mönnum standi ekki bara sí sona af brjóstasýn, heldur frekar af eigin ímyndun um brjóst og annað tilheyrandi. Oftar er hulin nekt að hluta meira örvandi en berstrípaður sannleikinn. Frumbyggjar í fjarlægum álfum heimsins stendur ekki látlaust þó að konur séu berbrjósta umhverfis þá alla tíð.

[Linda litla, 18.3.2008 kl. 23:05]

Brjóst brjóst brjóst........ erum við ekki öll með brjóst ???

[Hulduheimar, 18.3.2008 kl. 23:17]

Mér finnst þetta svo einfalt að það þurfi ekki einu sinni að ræða það. Ef konur vilja vera berbrjósta í sundi þá bara mega þær það.

[Þórbergur Torfason, 18.3.2008 kl. 23:22]

Ákaflega smekklega orðuð athugasemd. Líkamleg sérkenni eins og "konubrjóst", ath. karlmenn hafa líka brjóst, eru auðvitað einkamál eigandans.

Er ekki spurningin sú, hvort líkamleg einkenni séu eign þess er ber og þar með hverjm kemur við hvort brúskurinn er varinn eða tútturnar eða hvort tveggja.

[M, 18.3.2008 kl. 23:40]

Mér finnst þetta ekki viðeigandi og tengist það það því eins og þú segir Jóna, kynferðislega.  Mættu jú liggja á bekk og vera kjurrar fyrir mér, en danglandi dúllunum á bakkanum eða fljótandi í pottunum, neiii.   En svo eru til karlmenn með miklu stærri brjóst en ég svo... æ veit ekki.  

Er Vog

[Eva Benjamínsdóttir, 18.3.2008 kl. 23:43]

Æ,æ, þetta er svo lítið og mikilfjörlegt, best að passa brjóstin vel.

[Hermann Bjarnason, 18.3.2008 kl. 23:45]

Mér finnst þetta hálf brjóstumkennaneg umræða:)

er vog

[Lilja Guðrún Þorvaldsdóttir, 19.3.2008 kl. 00:01]

Það er ekki svo langt síðan að bæði karlar og konur voru í eins sundbolurm  með skálmum.  Svo var búin til sundfatatíska. Fyrst styttust skálmarnar á sundbolum beggja kynja,  svo styttust skálmarnar meir hjá konunum, næst var bolurinn  sniðin af hjá körlunum, og fyrr en varði voru karlmenn komnir í sundskýlur án skálma, og konur í bikini,  svona hefur sundfatatískan þróast eins og önnur tíska. Ég held að fólk taki kannski eftir breytingunum fyrsta daginn og eftir það  kippir sér enginn, upp við brjóst eða ekki brjóst.

[anton (IP-tala skráð) 19.3.2008 kl. 00:25]

Alveg rétt hjá þér. Vissulega eiga konur að ráða þessu en þetta raskar óneitanlega hinum rólega venjulega sunnudegi í lauginni. Tala nú ekki um ef maður er að fara uppúr og svo kemur þessi svaka skutla með undurfögru júllurnar sínar og maður er beinstífur! Það er alltaf gaman fyrir ungan perraling eins mig að sjá brjóst en kommon, maður vill ekki venjast því.

[Ómar Ingi, 19.3.2008 kl. 00:41]

Brjóst Brjóst Brjóst Brjóst já takk

[Jóna Kolbrún Garðarsdóttir, 19.3.2008 kl. 01:37]

Hvað með karla með lafandi brjóst á ekki að láta þá klæðast brjóstahaldara? Allavega í sundi

Ég er líka vog

[Helga skjol, 19.3.2008 kl. 06:39]

Þú skilaðir þessu af þér fyrir mig,ég er nefnilega líka vog.

Góða og gleðilega páska.

[Soffía Valdimarsdóttir, 19.3.2008 kl. 11:28]

Ég er alveg sammála þér Jóna. Konubrjóst eru slls alls ekki það sama og karlmannsbrjóst. Þau eru í raun hluti af kynfærum okkar. Þannig finnst mér verulega óspennandi tilhugsun að konur fari almennt að spranga um berbrjósta á sundstöðum. Ég myndi hreinlega ekki gera þeim það til geðs - þeir geta bara haldið áfram að borga fyrir að góna á berbrjósta konur eins og þier hafa gert til þessa.

[Sindri (IP-tala skráð) 20.3.2008 kl. 09:46]

Það er eitthvað leyndardómsfullt við brjóst :) Allavegana elska ég þau!

[Guðríður Pétursdóttir, 20.3.2008 kl. 10:58]

Oh, ég hef einmitt verið að hugsa þetta sama... þetta fer alveg helling í taugarnar á mér...

Þá væri líka verið að þrýsta á mann að fara á brjóstunum í sund.. Sem ég meika ekki.. og þessi setning:kvenmannsbrjóst eru afar stór partur af því sem dregur karlmenn að okkur kynferðislega er nákvæmlega málið hversvegna mér finnst að það eigi að vera í felum....

afhverju vilja konur endilega fara berbrjósta í sund, er það bara af því að kallar fara "berbrjósta" í sund?

fyrr má nú vera jafnréttisbarátta ef þetta er það eina sem eftir er að "laga"...

[Anna Mae Cathcart-Jones, 22.3.2008 kl. 12:47]

jerúsalemus mamma.

[Sigríður Hafsteinsdóttir, 24.3.2008 kl. 14:15]

Mikið er ég sammála þessu öllu, þ.e. að mér finnst ekki að það eigi að vera normið að fara berbrjósta í sund. Ég á fjóra syni, eiga þeir að þurfa að reka augun í kvenmannsbrjóst meir en þegar er orðið í samfélaginu?

Eigum við þá ekki að leyfa körlum að fara berir í sund, og í kjölfarið á því konum líka? Og hvaða óskunda gæti það ekki kostað, bæði "love is in the air"-týpuna og líka all svartari variant af henni... Það eru til alls konar perrar, sumir á saklausan hátt (eins og undirrituð etv...) en sumir eru bara því miður ekki eins saklausir

Fyrir utan svo einelti... Ef mamman fer berbrjósta í sund, fer dóttirin líklega líka berbrjósta.. Börn eru grimm.. Perrar eru ljótir... Arg...

Æ, ég hljóma eins og e-r tepra, er það ekki, hef sjálf ekkert á móti brjóstum eða öðrum líkamshlutum, en stundum þarf að hugsa lengra en að enda eigin nefs..

Og ég er ekki vog, heldur ljón!

[Linda Samsonar Gísladóttir, 25.3.2008 kl. 20:12]

Hehehehe, þú ert nú alveg oviðjafnanleg....góður punktur þetta