Mæli með að þið látið aðra þrífa skítinn undan rassgatinu á ykkur

 

Á þessu heimili eru bæði menn og búfénaður að ná sér upp úr flensunni. Það merkti ég einna helst á því að við vorum óvenju aktív... svona á okkar mælikvarða. En það er svolítið annað líka. Ég hef ráðið Möggu pössupíu til að koma hér hálfsmánaðarlega og þrífa kofann.

Og guys... guys... að koma heim á föstudagseftirmiðdegi og fá ilmandi hreingerningarlyktina í fangið er bara dýrðlegt. Það ætti að lögleiða þessa þjónustu inn á hvert heimili.

Og fyrir bragðið eyddi ég ekki helginni í ''hreingerningarþunglyndi''. Ég á það nebblega til. Að velta mér upp úr því alla helgina að ég þurfi að ryksuga hér, skúra þar og þurrka af hérna. En þrátt fyrir það gerist ekkert. Ég verð bara þreytt við tilhugsunina og lem sjálfa mig (andlega) fyrir að vera svona löt. Og þetta allt saman hefur þau áhrif að ég verð sófadýr.

En akkúrat núna, rúmlega hálfeitt að nóttu, er ég sest við tölvuna og er það fyrsta tækifærið sem gafst sökum anna. Svo ég er að segja ykkur: að láta aðra þrífa skítinn undan rassgatinu á sér,  hefur bara hvetjandi áhrif til að sinna öllu hinu sem þarf að sinna. Og það er af nægu að taka. Mæli með þessu.

Hér, fyrir framan skjáinn, ætla ég að eyða tíma þar til þvottavélin hefur unnið sitt verk. Þá mun ég henda í þurrkara og leggjast til hvílu.

Sá Einhverfi hefur verið að koma skemmtilega á óvart alla helgina. Á föstudagskvöldið leit ég á Bretann og sagði: hvaða barn kom heim með skólabílnum í dag. Það er erfitt að útskýra hvað er í gangi en það eru ný orð, ný svipbrigði, nýtt attitjút..

Á laugardagsmorgunn laumaði hann sér einn á fætur og niður í eldhús. Bretinn vaknaði svo við að krakkinn gólaði: kaka búin!!

Þegar sólin gerði vart við sig í dag laumaði drengurinn sér út á pall með teppi og lagðist þar eins og sannur víkingur. Á stuttermabol og stuttbuxum.

Seinnipartinn í dag stóð  svo Bretinn yfir Þeim Einhverfa í nýja huggulega herberginu hans og benti honum kurteislega á að taka diskinn sinn niður. Drengurinn gerir mikið af því að snæða í herberginu sínu því hann má ekki missa af neinu úr Mr. Bean, hvað þá að taka sér hlé frá teiknistörfum.

Sá Einhverfi rétti pabba sínum diskinn og sagði: núna þú!!

 

Athugasemdir

[Steingrímur Helgason, 17.3.2008 kl. 00:59]

EF

[Hólmdís Hjartardóttir, 17.3.2008 kl. 01:02]

Ég hafði í 2 ár mikla þrifakonu sem sótti menntun sína til móður Theresu (alveg satt) og mikill munur var nú að koma heim og geta sinnt börnum í stað þess að ergja sig á skítugum gólfum. Nú er ég komin í fyrri stöðu aftur.

[Edda Agnarsdóttir, 17.3.2008 kl. 01:04]

Sammála, það ætti að vera skylda að taka til á heimilum fólks fyrir helgar! Sko með þjónustu.

[Jóna Á. Gísladóttir, 17.3.2008 kl. 01:05]

Steingrímur. Bara

Hólmdís. Nánari útskýringu plís á þessu með móður Theresu. En nákvæmlega rétt orðað hjá þér: ''að ergja sig...''

[Jóna Á. Gísladóttir, 17.3.2008 kl. 01:05]

Edda. Það þykir mér. Getur bjargað mannslífum

[Hólmdís Hjartardóttir, 17.3.2008 kl. 01:12]

Hjá mér var stúlka frá Sri Lanka sem fékk sína menntun hjá móður Theresu  hinnar einu sönnu. Svo einfalt var það.

[Jóna Á. Gísladóttir, 17.3.2008 kl. 01:15]

Ja hérna. Einfalt en merkilegt þykir mér.

[Fishandchips, 17.3.2008 kl. 01:17]

Um leið og ég er komin í vinnu, eftir þrælavinnuna í náminu, þá er húshjálp málið. Verst hvað ég er nákvæm, ekki margar sem ná upp í stuðulinn minn, því miður. En endilega að sækja um...

[Jóna Kolbrún Garðarsdóttir, 17.3.2008 kl. 01:25]

Mig vantar svona hreingerningar konu/mann ég þjáist svipað og þú gerðir.  Ég er svona yfirmátalöt húsmóðir með húsið fullt af börnum og dýrum, hér er alltaf allt í rúst.

[Ía Jóhannsdóttir, 17.3.2008 kl. 01:38]

Jóna mín bara gott mál að láta þrífa skítinn undan sér en NB þetta er líka heil fjölskylda ekki bara þú sem þarf að þrífa undan, ekki satt?

Ég hef haft svona skúru í mörg herrans ár, auðvitað voru það kallað forréttindi hér áður fyrr, en í dag er þetta bara nauðsyn.  Er að reyna að koma þessu inn í hausinn á minni dóttur en hún er enn að þrjóskast við.  Mín hússtýra er algjör bjargvættur heimilisins.  Til hamingu með nýju heimilishjálpina.

[Högni Jóhann Sigurjónsson, 17.3.2008 kl. 01:46]

Ian góður  Það er bara sanngjarnt að skiptast á, er það ekki ?

[Sporðdrekinn, 17.3.2008 kl. 02:28]

Úff hvað ég kannast við svona ''hreingerningarþunglyndi''.

Hvernig var kakan?

[Þórarinn Þ Gíslason (IP-tala skráð) 17.3.2008 kl. 05:18]

Sæl Jóna.

Frábært  "Núna þú".

Gangi ykkur öllum sem best.

[Jenný Anna Baldursdóttir, 17.3.2008 kl. 07:26]

Ég hélt að ég hefði villst inn á bloggið til Heiðu Thord þar sem hún er líka með þetta dásamlega orð rassg.. í sinni fyrirsögn.  Vúps Til hamingju með húshjálpina.  Ekki leiðinlegt að sleppa þar.

Knús inn í daginn.

[Ómar Ingi, 17.3.2008 kl. 09:44]

Gotta Love Ian

[Ragnheiður , 17.3.2008 kl. 10:26]

Ian flottastur...

æj ég varð smá sorgmædd við að lesa þetta, sit hérna á kafi í hundahárum enda með aukahund og allt. Búin að hugga mig við það alla helgina að ég sé þó að fá nýjan lit í flóruna á gólfinu enda tíkin ljósbrún...ekki bara svartar flyksur

[Birna Dis Vilbertsdóttir (IP-tala skráð) 17.3.2008 kl. 10:38]

Þekki eina sem sér líka um þvottana og fráganginn á honum í sínu húsi.Og setur hreint á rúm og þvær af því.Sú kona raðar sokkum eftir lit og gerð í skúfurnar.Ég fæ annað slagið eina "móður theressu".það er dásamlegt.Ian ávalt góður.Nú þú hehehehehehe

[M, 17.3.2008 kl. 11:53]

Hef mikið hugsað um þetta að fá konu heim og gera þessi leiðindi en...  held alltaf að ég geti notað peninginn í eitthvað þarfara.  Væri samt örugglega í betra skapinu og svo er þetta atvinnuskapandi   Held áfram að huxa.

[Hrönn Sigurðardóttir, 17.3.2008 kl. 12:06]

[Guðríður Pétursdóttir, 17.3.2008 kl. 12:17]

.. og fór pabbinn með diskinn,svona í þetta sinn?

En já, mig vantar svona manneskju skal ég segja yður... Ég sæti grátandi af gleði hvern föstudag, eftir þrifin

[Högni Jóhann Sigurjónsson, 17.3.2008 kl. 13:41]

Það er einhver misskilningur á ferðinni hér, það er bara starf húsmóðurinnar að taka til og þrífa á heimilinu og hefur verið þannig um árþúsundabil og ég get ekki séð ástæðu til að breyta því, langömmur ykkar mundu snúa sér við í gröfinni ef hún sæi þessa umræðu.

[Kristín Katla Árnadóttir, 17.3.2008 kl. 13:43]

[M, 17.3.2008 kl. 13:55]

Högni passaðu þig

[Jóna Á. Gísladóttir, 17.3.2008 kl. 14:03]

M. Einmitt. Atvinnuskapandi. Það má ekki gleyma því.

Högni. Þú ert greinilega í sjálfsmeiðandi hugleiðingum  Annars held ég að það sé margt annað sem fengi formæður okkar (og forfeður) til að snúa sér í gröfinni. Bara það að þú sért fyrir framan einhvern skjá að tala við ókunnugt fólk... Amma þín er örugglega fussandi og sveiandi yfir vitleysunni

Guðríður. Ó já.  Pabbinn kom niður með diskinn í hendinni og stjörnur í augunum

[Jóna Á. Gísladóttir, 17.3.2008 kl. 14:11]

Jennsla. Þú ert nú meira rassgatið

Ragga mín. Tala við bukollabaular.

[Högni Jóhann Sigurjónsson, 17.3.2008 kl. 14:34]

Nei nei ömmur mínar og langömmur voru afar framsýnar konur og voru alltaf hrifnar af strákunum sínum og ömmu strákunum og langömmustrákunum sínum þegar þeir voru að sýsla eitthvað skemmtilegt á meðan þær skúruðu og þurkuðu af og í uppeldi afa minna og föður nú og minna bræðra og svo minna barna hefur heiðri þessara duglegu formæðra minna verið haldið á lofti og mínar systur og mínar dætur og systkinadætur eru allar aldar upp við það að það er húsmóðirin sem sér um heimilið, hún þrífur og hún eldar og þvær svo eitthvað sé nefnt, ég fer aftur á móti í búðina okkur kenndi afi það að konum sé ekki treystandi fyrir peningum og hana nú bara.

[Jóna Á. Gísladóttir, 17.3.2008 kl. 14:41]

Högni. Þetta er verra en ég hélt. Sjálfsmorðshugleiðingar alltso....

[Eyrún Gísladóttir (IP-tala skráð) 17.3.2008 kl. 14:46]

Já þetta er snilld hjá þér ég er einmitt þannig að ég get byrjað um miðja viku á að pirra mig yfir að meyra og minna öll helgin fari í það að þrífa

[Eyrún Gísladóttir (IP-tala skráð) 17.3.2008 kl. 14:48]

Nei mér hlítur að vera að missjást einhvað eða að einhver remba sem var uppi 1912 er að skrifa í gegnum Högna.

[Sesselja Fjóla Þorsteinsdóttir, 17.3.2008 kl. 15:09]

Stefni sko á að fá til mín konu einu sinni í viku til að þrífa   Skemmtileg umræða.

[Anna Ólafsdóttir (anno) (IP-tala skráð) 17.3.2008 kl. 16:30]

Sá Einhverfi rétti pabba sínum diskinn og sagði: núna þú!!

Hann er sem sagt búinn að fatta að fólk á að skiptast á að sjá um hlutina  fyrir utan að vera yndislegur er fattarinn sko í góðu lagi hjá þessum dreng

[Þórdís Guðmundsdóttir, 17.3.2008 kl. 18:18]

Ég þarf að fá aðstoð við þrifin en hef ekki tekið stökkið ennþá.  Ég held ég segi ekki frá hversu oft (sjaldan) hefur verið skúrað á þessu ári.

[Hulda Bergrós Stefánsdóttir, 17.3.2008 kl. 18:41]

Ég gæti ekki látið einhvern annan gera þetta fyrir mig, því það gerir þetta engin EINS OG ÉG, en ég haf atvinnu að því að þrífa hjá öðrum  hætti klukkan tvö á föstudögum svo ég geti gert þetta sjálf

[Högni Jóhann Sigurjónsson, 17.3.2008 kl. 18:57]

Hulda Bergrós er kona að mínu skapi sko, þær þurfa ekki að snúa sér við í gröfinni formæður hennar.

[Hulda Bergrós Stefánsdóttir, 17.3.2008 kl. 19:19]

Ég á það nú til að gera eins og Ian: NÚNA ÞÚ segi ég blíðlega við rafvirkjann

[Sigrún Ósk Arnardóttir, 17.3.2008 kl. 19:53]

ohh já húshjálp á að vera skylda á hverju heimili, ég er einmitt illa haldin af frestunaráráttu.

Sá einhverfi er yndi eins og alltaf. 

[Steingerður Steinarsdóttir, 17.3.2008 kl. 19:57]

Æ, já ég myndi sannarlega þiggja að vera laus við þrfin.

[Gunnar Helgi Eysteinsson, 17.3.2008 kl. 21:07]

Sá einhverfi er algjör dúlli

[Helga Magnúsdóttir, 17.3.2008 kl. 21:07]

Amma mín og afi voru alltaf með vinnukonur og þegar við fórum í mat til þeirra þjónaði svartklædd kona með hvíta svuntu og kappa til borðs. Þannig að amma mín snýr sér örugglega ekki við í gröfinni.

Hef haft karlmann sem þrífur hjá mér í mörg ár. Hann er frá Nígeríu og svo pínulítill að hann þarf ekki að beygja sig til að ryksuga undan rúmunum, hann bara labbar undir þau.

[Marta B Helgadóttir, 17.3.2008 kl. 22:18]

Húshjálp er "money well spent" kona!

...yndislegur "núna þú"

[Högni Jóhann Sigurjónsson, 17.3.2008 kl. 22:34]

Hulda, Hannes segir ekki svona frá.

[Bergljót Hreinsdóttir, 17.3.2008 kl. 23:32]

ÓMG hvað ég væri til í að fá svona þrifalegar heimsóknir vikulega...og losna við móralinn og síhækkandi skítastuðulinn og mígrenið sem fylgir þessu voðaverki...EN ég ELSKA að hafa hreint hjá mér...og HÖGNI ÞÓ! Í gamla daga höfðu  allar ALMENNILEGAR húsmæður VINNUKONUR !  

En hann Ian....þvílíkur snillingur sem hann er!!!! Það Á nebbla AÐ SKIPTAST Á..... og þetta VEIT guttinn!

[Högni Jóhann Sigurjónsson, 17.3.2008 kl. 23:43]

Bergljót, bara alminnlegar ekki almenningur.

[Lilja Guðrún Þorvaldsdóttir, 18.3.2008 kl. 01:00]

Þvílíkur "dásemdardrengur" og snjall líka. Núna þú !!!  Hef líka hugsað mikið um að fá húshjálp, en eins og flestir, finnst ég þá vera að sóa peningum.  Og auðvitað  endar þannig að það er alltaf allt í drasli.

[Laufey Ólafsdóttir, 18.3.2008 kl. 03:08]

oooohhh hvað ég þekki þessa hreingerningameinloku!!! Þetta verður einhver andsnúin þráhyggja og einmitt... ekkert gerist!

Núna þú!!!!  

[Ólöf Anna , 18.3.2008 kl. 13:55]

Högna þykkir lífið voða leiðinlegt, er að bíða eftir fullt af kellum með heygafla ráðist á hann.

Jóna þú ert æði. Og öll þín fjölskylda.

[Hulda Bergrós Stefánsdóttir, 18.3.2008 kl. 16:39]

En ég mæli með ropo mop

[Júlía Margrét Einarsdóttir, 18.3.2008 kl. 17:37]

Hitti litla prinsinn á skautum í dag, hann er orðinn svo stór og flottur ég hef ekki séð hann í marga mánuði. Hann brosti út að eyrum þegar ég heilsaði og sagði: Hæ, Júlía og ég stalst til að spyrja hann hver væri best og hann vissi að sjálfsögðu hverju ég væri að fiska eftir. Gerðist svo sek um að ræna honum eins og venjulega, við kíktum aðeins út á svellið en leist ekkert á hvað það var sleipt svo við settumst bara fram á bekk og höfðum það gaman.
Vá hvað ég var farin að sakna hans, þú ert svo heppin Jóna að eiga svona frábæran og skemmtilegan strák ég verð bara að ítreka það.

[Jóna Á. Gísladóttir, 18.3.2008 kl. 20:16]

Bukollabaular. hahaha góð!

Júlía dúllan mín. Takk fyrir þetta. Samskiptabókin gleymdist heima í dag og ég hafði auðvitað ekki hugmynd um að ormurinn hefði farið á skauta. Eða eigum við að segja í skautahöllina. Takk fyrir strákinn okkar.

Takk fyrir öll kommentin. Þið eruð krútt.

[Högni Jóhann Sigurjónsson, 18.3.2008 kl. 21:34]

Ég gefst upp áður en ég verð fyrir "slysi" ég er bara sammála ykkur 2 - 3 tímar tvisvar í viku eða þrisvar getur bara ekki varið dýrt og í staðin getur fólk verið meira saman.

[Högni Jóhann Sigurjónsson, 18.3.2008 kl. 21:38]

Hulda !!! Nú þegar ég veit hver þú ert þá ætla ég að fara yfir á síðuna þína og blaðra svolitlu í þig .