Örlítið meira um fatamál

 

Hér sit ég og get ekki annað. Í þvottavélinni rúlla gallabuxur fram og aftur. Fyrir utan buxurnar sem ég keypti í kellingadeild Hagkaupa í gær eru þetta einu buxurnar sem ég passa í.

Ég er ekki alveg í stuði til að fara í kellingabuxunum í vinnuna á morgun svo ég bíð eftir að þvottavélin ljúki sínu verki. Þá get ég hent gallabuxunum í þurrkarann og skriðið undir sæng. Og það verð ég að fara að gera (þó fyrr hefði verið) ef ég ætla að vakna kl. 6 í fyrramálið til að fara í leikfimi hjá henni Báru vinkonu minni.

Það eru nú meiri ósköpin hvað maður þarf að plana mikið á kvöldin til að leikfimisdæmið gangi upp svona snemma á morgnana.

Það þarf náttúrlega að ákveða hvaða fötum eigi að klæðast daginn eftir og koma þeim vel samanbrotnum ofan í íþróttatöskuna.

Það þarf að ferja andlitið á sér úr töskunni sinni yfir í íþróttatöskuna, þ.e. meiki, púðri, sólarpúðri, maskara, varalit, glossi, augnblýanti og einhverju fleiru sem ég man ekki í augnablikinu. Svo þarf að passa upp á að íþróttafötin séu tilbúin, helst á ofni svo það sé heitt og gott að fara í þau á köldum morgnum. Sítrónukristalls flaskan þarf að vera á sínum stað í ísskápnum svo ég geti gripið hana með mér að morgni. Og ég sem hef alltaf haldið því fram að skipulagning sé ekki mín sterka hlið.

Ég varð að breyta um skóáætlun á síðustu stundu þar sem Sá Einhverfi er enn við sama heygarðshornið, þ.e. andsetinn af Emil í Kattholti. Hann tók kúrekastígvélin mín með rúnnuðu tánni, í kvöld og dýfði þeim ofan í vatnsdallinn hjá hundinum. Skítastígvél.

 

Athugasemdir

[Edda Agnarsdóttir, 18.10.2007 kl. 00:05]

Sætar myndir af þér á sæiðunni hennar Mörtu! Gott að vera hjá Báru - mæti þangað þrisvar í viku.

[Jenný Anna Baldursdóttir, 18.10.2007 kl. 00:14]

Vó það er erfitt að vera karríerkona á bullandi uppleið.  Ó svo stutt síðan my dear.  Ég myndi reyna að bjarga öllum stígvélum heimilisins frá Emil från Lunneberga!

Smjúts á þig og góða nótt.

[Jens Guð, 18.10.2007 kl. 00:15]

  Ég ætla svo sem ekki að fara nánar út í þetta dæmi.  Bara láta vita að ég ylgist með.

[þórdís (sem var að vinna með þér í den) (IP-tala skráð) 18.10.2007 kl. 02:40]

æi,Jóna, ég elska þig.............

[María Kristjánsdóttir, 18.10.2007 kl. 07:54]

Flott greinin þín í mogganum í dag.

[Guðný GG, 18.10.2007 kl. 08:28]

innlitskvitt

[Huld S. Ringsted, 18.10.2007 kl. 08:29]

Æðisleg greinin þín í mogganum í dag, vonandi sér Jóhanna hana og kemur til ykkar á hátíðina.

[Sunna Dóra Möller, 18.10.2007 kl. 08:36]

Ofsalega flott grein í mogganum í morgun! Þú ert algjör snilldarpenni !

[Guðríður Hrefna Haraldsdóttir, 18.10.2007 kl. 09:12]

Vá, ef eitthvað verður ekki búið að gera í málunum á hádegi skal ég hundur heita. Frábært Opið sendibréf hjá þér í Morgunblaðinu.

[Kristín Katla Árnadóttir, 18.10.2007 kl. 09:26]

Góð greinin þín í mogganum Jóna mín.

[Hrefna (IP-tala skráð) 18.10.2007 kl. 09:33]

Flott grein í mogganum.  Vel skrifuð og skemmtilega orðuð :O)

Jóhanna getur ekki annað en komið

[Kjartan Pálmarsson, 18.10.2007 kl. 09:36]

Jóna! þetta er alveg æðislega flott grein hjá þér, þú ert listar penni.

Eins og Skagastúlkan segir, þá er allt eins von á því að eitthvað verði búið að gera á hádegi, ég skal hinsvegar taka það að mér að heita hundur ef Jóhanna mætir ekki á hátíðina á Föstudaginn.

[Marta B Helgadóttir, 18.10.2007 kl. 09:42]

Frábær greinin þín í Mogganum í dag

[Þórdís Guðmundsdóttir, 18.10.2007 kl. 10:00]

Hæ Jóna.  Var að lesa bréfið þitt í Mogganum.  Frábært, frábært bréf!  Svona á að gera þetta! 

Kveðja, Þórdís 

[Heiða B. Heiðars, 18.10.2007 kl. 10:16]

Hvaða grein!!!!!!!!????? Svona...segja mér!

[krossgata, 18.10.2007 kl. 10:25]

Það er sko ekkert auðvelt að vera nútímakona í dag.  Fólk að uppgötva vöðva sem það vissi ekki að það hefði.  Ertu nokkuð með harðsperrur í skipulagningarvöðvunum? 

Ég sagði Mogganum upp um daginn, hvað er að gerast?

[Hrafnhildur Ýr Vilbertsdóttir, 18.10.2007 kl. 10:56]

djö... mér finnst ég missa af öllu sem fútt er í verandi í Finnlandi. Ég myndi nú kalla það gott skipulag að geta mætt í ræktina kl 6, er sjálf ekki komin lengra en það að sjá það fyrir mér hvernig ég stælist og hressist á því að fara í ræktina, en næ ekki að koma því í framkvæmd. Er annars að verða háð því að lesa pistlana þína, dásamlegir.

[Guðrún Sæmundsdóttir, 18.10.2007 kl. 11:27]

Þú ert hörkugóður penni Jóna, greinin þín í Mogganum er algjör snilld

[Heiða B. Heiðars, 18.10.2007 kl. 11:33]

Ok...skil! Samantekin ráð að segja mér ekki HVAR í mogganum ég finn þessa fjárans grein Búin að fletta honum fram og til baka

[Sunna Dóra Möller, 18.10.2007 kl. 11:37]

bls 30 í umræðuhlutanum

[Sigurlaug Lára Ingimundardóttir (IP-tala skráð) 18.10.2007 kl. 12:14]

Sæl Jóna!

 Ég er afar ánægð með greinina þína og virkilega gaman að lesa um samskipti ykkar Ians. Sjáumst á morgun í Vesturhlíð.

 Kær kveðja Sigurlaug, móðir Georgs Þórs í Vesturhlíð.

[Guðný GG, 18.10.2007 kl. 13:07]

Frábær grein Jóna ,hún Jóhanna getur ekki hundsað þetta boð .Liggur við að ég mæti sjálf til að fylgjast með því sko

[Ásta (IP-tala skráð) 18.10.2007 kl. 13:19]

Sæl Jóna! 

Er hálf háð blogginu þínu og það er í mínum daglega blogg rúnt! Frábært og alltaf gaman að lesa!
Ég er búsett erlendis og sé því moggan ekki nema bara mbl.is- ekki vildiru vera svo væn að setja greinina hér inn?

Með kærri kveðju Ásta í UK

[Anna Ólafsdóttir (anno) (IP-tala skráð) 18.10.2007 kl. 13:57]

Vá hvað ég dáist að þér fyrir að nenna þessu morgunleikfimistússi með öllu sem því tilheyrir. Ég sé að ég væri algjörlega vonlaus í þessari deild.

Las greinina þína. Get ekki sagt að það hafi komið mér á óvart hvað hún var frábær. Sami flotti frásagnarstíllinn og boðskapurinn hitti fyrir vikið algjörlega fullkomlega í mark. Til hamingju með þig  og gangi þér vel í baráttunni.

[Vilborg, 18.10.2007 kl. 14:41]

Frábær grein hjá þér...þu ert svo frábær penni!  Vona að Jóhanna mæti til ykkar....ég veit að ég væri til í að sjá þennan flotta stað!

En það er hægt að lesa greinina hér: http://mbl.is/mm/gagnasafn/grein.html?grein_id=1170603  vonandi í lagi að skella linknum hingað inn

[Vilborg, 18.10.2007 kl. 14:44]

Virkar ekki svona en það er hægt að fara í gagnasafnið á mbl og slá Jóna Gísladóttir í Orðaleit og þá birtist greinin.

[Ásdís Sigurðardóttir, 18.10.2007 kl. 14:59]

Hæ skvís.  Ég verði greinilega að drífa mig í að lesa moggann. Ég er að reyna að koma pósti á þingmenn og þetta er svo erfitt þegar úthaldi er lítið og ég þarf alltaf að vera að hvíla mig á milli.  Hlakka til að sjá ykkur skvísurnar í TV.  Eigðu góðan seinnipart, ég var ekki vöknuð í fyrripart   

 

[Elísa (IP-tala skráð) 18.10.2007 kl. 15:57]

Jóna, ég vona að Jóhanna mæti. Til hamingju hvað þú ert þrautseig og duglega að klæða þetta erfiða ástand í skemmtilegan búning.

[Sigurður Þór Guðjónsson, 18.10.2007 kl. 16:39]

Var að lesa eftir þig þrumugreinina í Mogganum áðan.

[Birna Dis Vilbertsdóttir (IP-tala skráð) 18.10.2007 kl. 17:10]

Þú ert flott í mogganum.

[Björg K. Sigurðardóttir, 18.10.2007 kl. 18:03]

Tek undir með öllum þeim sem hrósa greininni þinni. 

Örugglega mikil kúnst að skrifa svona skemmtilega en beitta grein um svona alvarlegt málefni. 

[Jóna Á. Gísladóttir, 18.10.2007 kl. 18:26]

thanks guys. Ég yrði ofsalega glöð ef Jóhanna mætti með fylgdarliði. Það myndi þá væntanlega þýða að pressan yrði á staðnum. Er það ekki annars? Láta embættismenn ekki pressuna vita þegar þeir fara í svona leiðangra?

[mums (IP-tala skráð) 18.10.2007 kl. 18:29]

Flott grein !! Stolt af þér!!

Auðvitað mætir Jóhanna hvernig er annað hægt? Eftir svona huggulegt boð.

[Marta B Helgadóttir, 18.10.2007 kl. 20:21]

Svo má bara reyna að bjóða pressunni á staðinn ....?

[Laufey Ólafsdóttir, 18.10.2007 kl. 23:26]

Hef ekki enn séð greinina en reyni að leita hana uppi á morgun.

Þetta er einmitt það sem stoppar mig frá morgunleikfimi. Meika ekki þetta skipulag

Skítastígvel! Mjög krúttlegt aflestrar, sennilega ekki eins krúttlegt að vakna og skella sér óvænt í blaut stígvél...