Ef við verðum ekki gömul þá drepumst við...

 

Ásdís bloggvinkona hefur í félagi við fleiri öryrkja farið af stað með undirskriftarlista varðandi meðferð Tryggingarstofnunar (og kerfisins) á öryrkjum og öldruðum. Þau eru í stuttu máli sagt að segja: Hingað og ekki lengra.

Eftir að hafa lesið textann á undirskriftarlistanum er mér orða vant. Auðvitað var ég meðvituð um hluta af þessu, en ekki allt.

Ég er ekki öryrki... ekki ennþá allavega og lofa hvern dag sem ég fæ að ganga heil til skógar. Það getur allt breyst á morgun. Eða í kvöld. Ótal atvik geta átt sér stað.

Ég er ekki gömul... ekki ennþá. Og ef ég verð ekki gömul þá er eina ástæðan sú, að ég leggst með lappir upp í loft og hætti að anda. En þá á ég væntanlega erfingja sem ég vil að fái peningana mína (ef einhverjir eru) frekar en að Tryggingastofnun eða skattmann sé búin að éta þá upp fyrirfram.

Þessi undirskriftarlisti snertir okkur hvert og eitt. Þó hann geri það ekki akkúrat í dag, þá gæti hann gert það á morgun.

Takið ykkur nú 2 mínútur til klikka músar-rindlinum ykkar á linkinn hér undir, lesið vandlega textann sem fylgir og setjið svo nafnið ykkar undir, til staðfestingar á því að ykkur finnist líka nóg komið af rugli og valdaníðslu á þeim sem minna mega sín. DO IT!

http://www.petitiononline.com/lidsauki/

 

Athugasemdir

[Birna Dis Vilbertsdóttir (IP-tala skráð) 17.10.2007 kl. 18:21]

Er að sjálfsögðu búin að skrifa undir enda mér mér málið skylt. Ég er FJÖLYRKI.

[Jenný Anna Baldursdóttir, 17.10.2007 kl. 18:50]

[Jenný Anna Baldursdóttir, 17.10.2007 kl. 18:51]

Sætastar og Jónsan best

[Ásdís Sigurðardóttir, 17.10.2007 kl. 19:04]

Takk kærlega elsku Jóna.  Rosalega eru þetta flottar skvísur hér fyrir ofan, hvert var tilefnið?? bara glæsilegar.

[Guðný GG, 17.10.2007 kl. 19:31]

Kvittaði Í dag er svo hógvær á blogginu að ég þorði ekki að setja link, Jenný plíííís kenndu mér að gera sonna mynd kjeddlingin tín

[Jóna Á. Gísladóttir, 17.10.2007 kl. 20:02]

Birna Dís. Gott orð. vil fá það skjalfest í orðabók háskólans núna strax.

Jenný brjálæðingurinn þinn. Fyrst með fréttirnar eins og alltaf. Ég var ekki einu sinni búin að sjá þetta. Gott að hafa svona upplýsingafulltrúa elskan mín.

Ásdís mín ekki nema bara sjálfsagt. Er ekki líka Sá Einhverfi verðandi öryrki?

Guðný ég kann ekki heldur að setja inn myndir í komment. Þurfum að fá okkur fróðara fólk til að kenna okkur.

[Bryndís R (IP-tala skráð) 17.10.2007 kl. 20:34]

Búin að skrifa undir. Knús á línuna

[Kristín Katla Árnadóttir, 17.10.2007 kl. 21:28]

Glæsilegar konur.

[Sunna Dóra Möller, 17.10.2007 kl. 21:30]

Ótrúlega flott mynd !

[Kjartan Pálmarsson, 18.10.2007 kl. 00:21]

Já nú kviknar á glögginu  mannglögginu,sjáðu !