Að drepa frekar en að vera drepinn

Hann vissi að hann yrði að segja skilið vinkonu sína. Því fyrr því betra. Reyndar hefði hann átt að vera löngu búin að því. Það voru svo mörg ár frá því að hann vissi hvernig hún var innrætt. Undirförul. Lét honum líða svo vel. Fullnægði honum. En undir hvítu og sléttu yfirborðinu leyndist banvæn blanda. Hún vildi honum ekkert gott og hafði aldrei viljað. Takmark hennar frá þeirra fyrstu kynnum var að gera hann veiklundaðan. Háðan sér og þeim tilfinningum sem hún vakti. Hann hafði barist gegn þessum tilfinningum svo lengi. Logið að sjálfum sér. Allt til þess að þurfa ekki að taka ákvörðun. Hann vildi hana úr lífi sínu. En samt hélt hann í hana dauðahaldi. Þrátt fyrir að hann vissi að það væri aðeins spurning um tíma hvenær hún dræpi hann. Hún var nú þegar byrjuð að myrða hann á sinn hægláta, hljóða og undirförla hátt.

Ákvörðunin var skyndileg og kom honum á óvart. En skyndiákvarðanir eru oft þær sem auðveldast er að standa við og uppfylla.

Hann þreif til hennar og fleygði henni á jörðina. Naut þess að stíga á hana og þrýsta ofan í svaðið. Þrýsti henni svo fast ofan í drulluna að hún hvarf sjónum hans. Loginn var slokknaður. Að eilífu.

Hann gekk að næstu ruslatunnu og henti restinni af sígarettupakkanum.

Athugasemdir

[Huld S. Ringsted, 9.9.2007 kl. 22:37]

Ég var farin að halda að núna væri að koma morðsaga!! en svona í hreinskilni, núna langar mig að hætta að reykja

[Hrönn Sigurðardóttir, 9.9.2007 kl. 22:38]

góð

[Guðríður Haraldsdóttir, 9.9.2007 kl. 22:41]

Gamla geit ... hehehehhehe

[Eiríkur Harðarson, 9.9.2007 kl. 22:45]

Þetta er eitthvað sem ÉG ætti að vera löngu búinn að gera.

[Jóna Á. Gísladóttir, 9.9.2007 kl. 22:48]

thíhíhí

[Anna Einarsdóttir, 9.9.2007 kl. 22:50]

Vá !  Þvílíkur endir.    Eða var þetta ekki endirinn ?  Stígur hún kannski upp úr drullunni og hendist í sturtu ?  Hvað veit maður !

[Jóna Á. Gísladóttir, 9.9.2007 kl. 22:55]

Þetta er the end Anna mín. Vinkonan var sígaretta... svona ef þú skyldir ekki vera alveg með á nótunum

[Högni Jóhann Sigurjónsson, 9.9.2007 kl. 23:02]

Ég var orðinn spenntur, hélt líka að þarna væri að fæðast sakamálasaga og röflaði með sjálfum mér að það væri ekki verið að hugsa um okkur eldri borgarana verandi með þennan panil á bak við örsmátt letur og svo endaði sagan bara á meðan.

[Edda Agnarsdóttir, 9.9.2007 kl. 23:13]

Ég hélt að þetta væri hluti af sögunni, las með áfergju, varð fyrir vonbrigðum. en gat ekki annað en hlegið. Já Anna við skulum henda henni í sturtu og þurrka hana, það verður eitthvað að vera eftir fyrir Þjóðminjasafnið.

[Kristín Katla Árnadóttir, 9.9.2007 kl. 23:33]

HeHe ég hélt að þú væri að segja mína sögu. Guðina bænum haltu áfram þetta er mjög spennandi.

[Guðrún B. (IP-tala skráð) 9.9.2007 kl. 23:34]

Góð Jóna, góð.  Æ læk jú !"

[Jenný Anna Baldursdóttir, 9.9.2007 kl. 23:36]

Ég er hér með hætt að reykja, bráðum sko

[Ómar Ingi, 9.9.2007 kl. 23:41]

Aldrei skilið reykingar sem betur fer (finnst mér )

[Georg Eiður Arnarson, 9.9.2007 kl. 23:47]

Þú ert miskunnarlaus  það deyja alltaf einhverjir í sögunum þínum jóna.

[Ívar Pálsson, 9.9.2007 kl. 23:54]

Góð! Með þjálfun úr auglýsingabransanum? Óvænta uppákoman virkaði, ég sá þetta ekki fyrir.

[krossgata, 9.9.2007 kl. 23:56]

Þér farast alltaf vel úr hendi tvíræðar sögur og óvæntir endar.    Það er alveg þinn kaffibolli.

[Anna Ólafsdóttir (anno) (IP-tala skráð) 9.9.2007 kl. 23:59]

Nú fórstu alveg með mig -ég hélt að þetta væri 6. hlutinn af framhaldssögunni. Góð

[Marta B Helgadóttir, 10.9.2007 kl. 00:52]

Góð morðsaga

[Bjarndís Helena Mitchell, 10.9.2007 kl. 00:53]

Góð, er einmitt að undirbúa morðið mitt á vinkonunni....Champix held ég að vopnið mitt heiti

[Heiða Þórðar, 10.9.2007 kl. 03:12]

Þú ert frábær!

[Vignir, 10.9.2007 kl. 08:45]

Átti ekki von á þessum endi :o)

[Kristín Katla Árnadóttir, 10.9.2007 kl. 09:52]

Jóna þetta átti að vera djók hjá mér.

[Ásta Björk Hermannsdóttir, 10.9.2007 kl. 10:38]

Góð þessi

[Doddi - Þorsteinn G. Jónsson (IP-tala skráð) 10.9.2007 kl. 10:54]

Frábært hjá þér!

[Ásdís Sigurðardóttir, 10.9.2007 kl. 11:48]

Snilld 

[Jenný Anna Baldursdóttir, 10.9.2007 kl. 12:20]

Er byrjuð að  leggja drög að því að slíta ástarævintýrinu með viðkomandi óþverra.  Þökk sé yður 

[Hugarfluga, 10.9.2007 kl. 12:49]

Flott saga!

[Jenný Anna Baldursdóttir, 10.9.2007 kl. 13:37]

Þú mátt fána þí évileggisjáana

[Svala Erlendsdóttir, 10.9.2007 kl. 13:49]

Ótrúlega flott saga hehe...

[Gunnar Helgi Eysteinsson, 10.9.2007 kl. 16:13]

Þú ert best!

[Valgerður G., 10.9.2007 kl. 17:07]

Hætti einmitt í gær. Fín saga

[Katrín Snæhólm Baldursdóttir, 10.9.2007 kl. 17:12]

Jiiiii ég hef enga drepið en alveg steingleymt að reykja í marga daga??

Sniðug saga!!!

[Rebbý, 10.9.2007 kl. 17:27]

frábært hjá þér kona, flott spenna að myndast sem varð svo að brandara þegar sagan kláraðist. 
Fannst ég vera jafn blöffuð og þegar ég heyrði pípulagið í fyrsta sinn sem hljómaði eins og fínasta ástarjátning. 
Pant þó meira af framhaldssögunni takk ....

[Sædís Ósk Harðardóttir, 10.9.2007 kl. 19:52]

Frábær saga

[Elísa (IP-tala skráð) 10.9.2007 kl. 20:08]

Við viljum meira....................

[Hólmgeir Karlsson, 10.9.2007 kl. 22:23]

Snilldar pistill  ..

[Svava frá Strandbergi , 10.9.2007 kl. 23:00]

Júhú! Ég drap í minni síðustu sígarrettu þann 10. október í fyrra. bráðum ársafmæli. En svakalega var ég undrandi þegar ég las þessa sögu, því ég hélt að þetta væri endirinn á sögunni um Líneyju.

[Hulda Bergrós Stefánsdóttir, 10.9.2007 kl. 23:47]

Ég verð að taka mér þessa sögu til fyrirmyndar

[Ása Hildur Guðjónsdóttir, 10.9.2007 kl. 23:47]

Maður fær hroll við lesninguna og les ákafur áfram.

Þú ert snillingur í að gera frásagnir spennandi

Takk fyrir mig

[Jens Guð, 11.9.2007 kl. 00:32]

  Sko til.  Upphaf á enn einni sögunni sem lofar góðu.  Þú hefur réttu tökin á þessu.  Nú bíður maður á tánum spenntur eftir framhaldinu. 

[Birna Dis Vilbertsdóttir (IP-tala skráð) 11.9.2007 kl. 08:31]

Snilld. Ég er búin að drepa í 

[Jóna Á. Gísladóttir, 11.9.2007 kl. 09:15]

Takk fyrir komment öll. Gaman að sjá hvað margir eru búnir að drepa í. Ég mæli alveg með því. Drap sjálf í í febrúar á þessu ári og ætla ekki að kveikja í aftur fyrr en á Grund.

Fyrir ykkur sem ''bíðið spennt eftir framhaldinu''... dont hold your breath. Þetta er upphaf, endir og miðja. Verður ekkert framhald á þessu.

[Guðrún Þorleifs, 11.9.2007 kl. 12:14]

Góð

[Anna Sigga, 11.9.2007 kl. 14:10]

Úff!  Ég var orðin í senn spennt og hrædd

[Áddni, 11.9.2007 kl. 23:18]

Snilld hjá þér! 10 fyrir þessa!