Ljúf kvöldstund þrátt fyrir brjóst með útþrá

 

Í gærkvöldi hittumst við þrjár vinkonurnar heima hjá Ellisif bjútí-vinkonu; Ellisif, Brynja Berlínar-búi og ég. Tilefnið var koma Brynju á Frón. Ásta var fjarri góðu gamni sökum götugrills á heimaslóðum.

Ég var í sjöunda himni yfir að fá tilefni til að komast út úr húsi og í burtu frá hundahárunum sem eru að yfirtaka heimili mitt eins og illa viðráðanlegt meindýr. Ég var svo glöð að ég ákvað að taka fína-pakkann á þetta. Sturta mig og mála og fara  í svolítið svona hugguleg föt. Og þá stóð ég frammi fyrir vandamáli.

Vandamálið er ekki að ég eigi engin hugguleg föt. Vandamálið er ekki einu sinni að ég komist ekki í þessi föt þrátt fyrir að eitt og eitt kíló hafi skvísað sér á kroppinn á mér í sumar.

En eitt er að komast í fatnað. Annað er að hann sitji vel. Svo er líka allt annað að hann haldist utan á manni.

Ég ákvað að fara í þykkum sokkabuxum, hnéháum stígvélum og skyrtukjól, smelltum að framan. Ég var bara bráðhugguleg þegar ég fór að heiman.

Eftir tvö rauðvínsglös, fjöldann allan af snittubrauðs-sneiðum með hráskinku og parmisan og hvítmygluosti þöktum hnetum, möndlum og sírópi, þá fór að halla undan fæti hjá huggulegu konunni.

Við hverja hlátursroku smelltist ein smella á skyrtukjólnum frá. Brjóstin á mér bókstaflega brutust út úr kjólnum og svo mjaðmir og magi. Huggulegt!

Í félagsskap þessara kvenna þykir þetta nú ekki mikið má og kemur ekki að sök og þar sem ég á annað borð var  komin langleiðina úr leppunum þá fékk ég yndislegt nudd hjá Ellisif.

Eins og oft vill verða þá tók kveðjustundin við útidyrahurðina hátt í hálftíma og á endanum vorum við allar búnar að krossleggja fæturnar þar sem við stóðum, til að pissa ekki í okkur af hlátri. Spurning um að herða á grindarbotnsæfingunum.

Ég náði heim undir morgunn. Var í fötum sem betur fer og ekki pissublaut. Geri aðrir betur.

 

Athugasemdir

[Jenný Anna Baldursdóttir, 10.8.2007 kl. 17:19]

Hahahahaha nú hló ég hátt og sjallt (eins og Emma öfugsnúna).  Kannast ég við þetta "senaríó".  Bjútíful.

Er ekki karlfauskur á vappi í garðinum hjá þér?  Allavega klukkutími síðan ég sendi hann af stað á ég að hringja á lögguna?

[Marta B Helgadóttir, 10.8.2007 kl. 17:24]

ógisslega góð !

[Edda Agnarsdóttir, 10.8.2007 kl. 17:27]

Piss piss og pelamál

púðursykur og króna

þegar mér er mikið mál

pissa ég í skóna

Svona móment voru oft til á unglinsárunum, það er eins gott að halda vel í táninginn í sjálfum sér.

[Kristín Katla Árnadóttir, 10.8.2007 kl. 17:53]

Mikið er þetta skemmtilegt og endaði vel.

[Ásdís Sigurðardóttir, 10.8.2007 kl. 18:15]

Ó mæ god hvað ég hlakka til að hitta þig á eftir.    í hverju verðurðu???

[Hugarfluga, 10.8.2007 kl. 18:21]

Ahhahaha!

[Halla Rut , 10.8.2007 kl. 19:25]

Er þetta mynd af þér?

[Ragnheiður , 10.8.2007 kl. 20:02]

æjæjæjæj átti einmitt skyrtu sem lét svona þegar síst skyldi, hún fékk bara einu sinni að fara með mér út. Held hún hafi snöfurmannlega endað í ruslinu í beinu framhaldi.

[Hrönn Sigurðardóttir, 10.8.2007 kl. 20:19]

Ahhhh þau eru svo góð þessi kvöld..........

Þegar maður hittir gamlar vinkonur kannski eftir langa fjarveru og það er eins og maður hafi bara hitt þær í gær!

[Anna Ólafsdóttir (anno) (IP-tala skráð) 10.8.2007 kl. 20:26]

 Iss þú ert nú bara heppin að það voru smellur sem gáfu sig, það er verra þegar rennilásinn gefur sig, sérstaklega þegar það gerist bara á þessu brjóstgóða svæði 

[Brynja Hjaltadóttir, 10.8.2007 kl. 21:20]

Föt geta verið stórvarasöm...

En frásögnin ef þessu skvísukvöldi er snilld...

[Markús frá Djúpalæk, 10.8.2007 kl. 22:11]

Mikið er ég feginn að lenda aldrei í svona, enda geng ég bara í hólkvíðum fötum saumuðum úr gömlum áburðarpokum. Þannig geta aukakíló og annar jussuháttur teygt úr sér að vild. Neita ekki að það hefði verið gaman að vera fluga á vegg þegar smellurnar fóru að gefa sig. Og þó. Mig langar ekkert að vera fluga.

[Jenný Anna Baldursdóttir, 10.8.2007 kl. 22:38]

ladídadídamjá og voff.

[Ásdís Sigurðardóttir, 10.8.2007 kl. 23:14]

Litla yndið liggur hér og sefur, veltir sér og teygir sig reglulega og sýnir mér fullt af fallegum stellingum, love it. Svo vil ég bara segja að þú hefur sko verið í blússu st. 2 þú ert nú ekki mikil um þig mín kæra.

[Þröstur Unnar, 10.8.2007 kl. 23:30]

Mér finnst skvísukíló flott, svona upp til hópa, en ekki ein og sér. Það verður að vera eitthvað vit í toppstykkinu sem stjórnar þeim.

[Ása Hildur Guðjónsdóttir, 10.8.2007 kl. 23:32]

þú ert nú meiri gellan Jóna mín

[Doddi - Þorsteinn G. Jónsson (IP-tala skráð) 10.8.2007 kl. 23:38]

Ég hefði viljað vera fluga á vegg þarna ...

Það er ekki Prison Break ... heldur: The Breaking Free of the Breasts... 

[Bjarney Hallgrímsdóttir, 11.8.2007 kl. 11:04]

hehhehehehe þú ert óborganleg... það er spurnig að þú klæðir þig eins og Markús, hólkvíð föt úr gömlum áburðarpokum, saumað allan hringinn og engar tölur, engir rennilásar... spurnig hvort maður á að fá sér svöleiðis...

[Bjarney Hallgrímsdóttir, 11.8.2007 kl. 11:05]

já og ég hefði líka viljað vera fluga á vegg...