Þið á Akranesi eða í Borgarnesi

Rakst á Bergvin Víking hérna í bloggheimum áðan. Hann vantar húsnæði á Skaganum eða Borgarnesi. Var búin að fá húsnæði en kvensan sveik hann. Ekki konan hans sko heldur leigusalinn.

Ef einhver veit um húsnæði fyrir kappann þá er ég viss um að hann yrði svaðalega glaður.

Bara ég að skipta mér af svona rétt fyrir svefninn.

Athugasemdir

[Jenný Anna Baldursdóttir, 16.7.2007 kl. 00:56]

Sá þetta líka og vona að piltur fái húsnæði hjá almennilgu fólki, sumt fólk er nefnilega fíbbl.

[Jóna Á. Gísladóttir, 16.7.2007 kl. 01:00]

Held bara að allir séu að láta lífið úr græðgi.

[Heiða Þórðar, 16.7.2007 kl. 01:10]

Sammála Jenný.

[Sigrún Ósk Arnardóttir, 16.7.2007 kl. 02:02]

Ég er nú búin að vera á leigumarkaði í þónokkur ár og það er í raun ekki síður mikilvægt fyrir leigjendur að fá meðmæli með leigusölum og það er fyrir leigusala að fá meðmæli með leigjendum. Hef lent í ótrúlegustu hlutum sko....

Setti þetta saman fyrir einhverju síðan:

Heilræði fyrir íbúðaleigjendur:

1. Þú verður að biðja leigusalann þinn um geðheilbrigðisvottorð
2. Þú verður að fullvissa þig um að hann sé í traustu hjónabandi/sambandi.
3. Hann má ekki eiga frændur/frænkur/vini/eða ættingja yfir höfuð sem ekki eiga eigið húsnæði.
4. Hann má heldur ekki eiga börn sem komin eru á þann aldur að vilja fara að búa.
5. Gott er að eiga uppblásin húsgögn ef þú skyldir þurfa að flytja oft.
6.......Þetta reddast allt er rétta hugarfarið þegar allt klikkar, Pollíönnuleikur er afar mikilvægur í þessum aðstæðum.

[Ingólfur Ásgeir Jóhannesson, 16.7.2007 kl. 07:07]

Til hamingju með söguna þína. Krítískur broddur í henni eins og góðum glæpasögum.

[Benedikt Halldórsson, 16.7.2007 kl. 09:02]

Fyrir mörgum árum misstum við íbúð, og þurftum að leigja, það var hræðilegt, bara hræðilegt, hræðilegt, en nenni ekki að lýsa smáatriðunum.

Nú, svo löngu seinna réttum við úr kútnum og leigðum út 5 herbergi. Minnugur tortryggnina og allt það, ákvað ég að leigja 5 fyrstu sem hringdu og stóð við það. Og hvernig gekk? Frábærlega. Af hverju? Það er ómögulegt að meta fólk út frá útliti, talanda, klæðnaði, og öðru útlitslegu og meðmælabréf eru lítils virði.

Ef einhver er góður að ljúga og kann að ýta á réttu takkanna, er miklu líklegra að ég velji þa´einmitt versta fólkið enda sjálfur trúgjarn og trúði ekki að fólk væri að ljúga.

[Kristín Katla Árnadóttir, 16.7.2007 kl. 09:36]

Já vonandi fær hann íbúð sem fyrst.

[Þröstur Unnar, 16.7.2007 kl. 10:29]

Leiguliðar.is

[Edda Agnarsdóttir, 16.7.2007 kl. 11:13]

Pósturinn sem kemur út vikulega hér á Vesturlandi - þar eru auglýstar íbúðir á leigu í smáauglýsinum og hægt er að hringja í Prentmet (held það heiti það) og fá upplýsingar um íbúðir. Smáauglýsingarnar eru líka ókeypis þar.

[Anna Einarsdóttir, 16.7.2007 kl. 11:45]

Og skessuhorn.is  ......... kostar ekki krónu.   

[Aðalheiður Ámundadóttir, 16.7.2007 kl. 11:49]

Þú ert svo góð Jóna. Mátt ekkert aumt sjá þá ertu komin á ferð

[Halla Rut , 16.7.2007 kl. 13:12]

Gerði comment við commentið þitt

http://ommi.blog.is/blog/ommi/entry/263092/#comment480062

[Ásdís Sigurðardóttir, 16.7.2007 kl. 17:16]

Dúllan mín, þvílík tilhlökkun í mér að fá Khosku. Þarf að fara að kaupa mér klóru, pissukassa ofl. Gaman að vita að Jenny valdi nafnið. Kannski að ég kalli kisu Khosku bara Jenný þegar hún er óþekk.  hehe

[Jóna Á. Gísladóttir, 16.7.2007 kl. 18:12]

Sigrún þetta er mjög þarft innlegg hjá þér

Ingólfur. Þakka þér fyrir.

Benedikt. So true

Takk fyrir ábendingarnar Anna, Edda og Þröstur

Alla. Ég er bara svona afskiptasöm.

Halla. Ég las kommentið þitt. Segi það sama og Ommi. Margt vitlausara en að spjalla á blogginu um þessi stórkostlegu börn okkar.

Ásdís. JENNÝ KHOSKA TINNUDÓTTIR. VILTU GJÖRA SVO VEL AÐ....

[Brynja Hjaltadóttir, 16.7.2007 kl. 20:41]

Keypti Mannlíf og glæpasögubókina í fríhöfninni og las á leið til London..hafði mjög gaman af þessum sögum. Þú ert fantapenni eins og vitað var

[Bergvin, 16.7.2007 kl. 23:59]

Lyginni líkast, ...að fá svona hjálp frá einhverjum sem maður þekkir ekki vitund og hefur aldrei heyrt um.  Það er ótrúlegt hvað ein lítil bloggfærsla getur dreifst víða og hratt með réttri aðstoð.

Átti nú ekki alveg von á þessu, en svona hjálp er ómetanleg, TAKK KÆRLEGA

[Jóna Á. Gísladóttir, 17.7.2007 kl. 00:06]

Takk Brynja mín.

Bergvin. Þú lætur eins og ég hafi fætt heila þjóð . Vona að þú fáir íbúð sem allra fyrst.