Silungs- eða laxaflök á grillið - sérstaklega ætlað Jenfo

Stórt laxa- eða silungsflak

Mango chutney, smjör (má sleppa), sojasósa og 1 gott hvítlauksrif

pressa hvítlaukinn saman við mjúkt smjör og hræra út í mango chutney.

Smyrja þessu á flakið. Þekja vel.

skvetta slatta af sojasósu yfir (ekki þó of mikið).

Hita grill á blússhita, leyfa að hitna í allt að 20 mín.

setja flakið í álpappír, loka. Grilla í 4 mín í lokuðum álpappír og 4 mín í opnum. Líka hægt að grilla bara á álbakka eða klemmu.

Ef þetta á að taka extra stuttan tíma, skella þá bara tilbúnu kartöflusalati í dós í borðið og sturta úr einum poka af fersku káli í skál, og dós af hvítlaukssósu (t.d. frá Kjarnafæði).

Þetta er hriiiiiiiikalega gott.

Athugasemdir

[Jenný Anna Baldursdóttir, 11.7.2007 kl. 17:59]

Þetta verður prufað á föstudaginn kjútípæ.  Hvernig vissir þú að ég ætlaði að hafa silung í kvöld?  Sko, ætlaði að kaupa silungsflök til að baka í ofni í matinn í kvöld og húsbandið strækaði og heimtaði kjöt.  Það lá við handalögmálum í Hagkaup í Kringlunni.

Lalalala hann vann addna.

[Jóna Á. Gísladóttir, 11.7.2007 kl. 18:18]

þú sagðir það í einhverju kommenti einhversstaðar. Það er fylgst með þér kona. Ég fæ fisk líka yfirleitt samþykktan með semingi. Ég bara skil ekki þetta stöðuga kjötát á karlmönnum. fyrir tíð Bretans var það fiskur 4-6 x í viku en er nú orðið 4x í mánuði. Aaaargh...

[Ragga (IP-tala skráð) 11.7.2007 kl. 18:20]

Namm namm!

[Kristín Katla Árnadóttir, 11.7.2007 kl. 19:36]

æðisleg uppskrift hjá þér ég verð að prufa þessa. má ég það ????

[Svava frá Strandbergi , 11.7.2007 kl. 19:41]

Má ég prufa þetta, mér líst svaka vel á þessa uppskrift því ég elska lax?

[Jóna Á. Gísladóttir, 11.7.2007 kl. 19:43]

Auðvitað prufið þið þetta elsku börn. Þetta er hrikalega gott og líka ofboðslega fljótlegt sem skemmir ekki fyrir.

Guðný gaman að sjá þig.

[Ásdís Sigurðardóttir, 11.7.2007 kl. 20:10]

Það var ég sem byrjaði með silunginn.  Jóna ertu "hætta" nei djók. Guð hvað ég hlakka til að fá kisu "mína" hvað borðar hún elskan?

[svarta, 11.7.2007 kl. 20:12]

Juuuuuuuuuuuuu hvað mér langar heim til Íslands og fá alvöru silung. Hér í innlöndum Englands er ekkert annað að fá en eldisfisk og ég er með fordóma. 

[Edda Agnarsdóttir, 11.7.2007 kl. 20:19]

Mmm nammi nammi namm - ég prófa þetta.

[Jóna Á. Gísladóttir, 11.7.2007 kl. 20:29]

Ásdís hvað meinarðu ''hætta'' ?? Kisa drekkur vatn og borðar þurrmat. Svo er bara spurning hvað þú vilt dekstra hana mikið.

Svarta. Hvar ertu?

Edda. Þetta er mjög gott. Mæli sko með þessu.

[Helga Auðunsdóttir, 11.7.2007 kl. 20:33]

Hvenær verður manni svo boðið í svona herlegheit :)

kærar matarkveðjur, Helga :)

[Jóna Á. Gísladóttir, 11.7.2007 kl. 20:37]

Helga. Þú veiðir, ég elda.