Er ég í fitun?

Þar sem það var með eindæmum rólegt í vinnunni í dag ákvað ég að skella mér í Kringluna í hádeginu og kíkja á útsölurnar. Það hefði ég ekki átt að gera.

Ég er á því að allar konur eigi að taka ástandspróf við innganginn á Kringlunni. Stjórnarmenn Kringlunnar eiga að setja það sem skilyrði fyrir inngöngu kvenmanns að hún taki stöðupróf á andlegu jafnvægi og áliti á eigin líkama og útliti. Ef þeir koma þessari reglu ekki á fljótlega verða þeir allavega að veita áfallahjálp við útganginn.

Ég stefndi á að finna mér svartar buxur með frekar klassísku sniði og/eða skyrtu, boli eða bara eitthvað toppstykki. Hver af þessum flíkum átti að eiga það sameiginlegt að leyna öllu sem mér þykir miður fara á eigin líkama. Ég fór inn sem sterk kona (að ég hélt), fullkomlega sátt í eigin líkama, vel til höfð um hár og andlit og allt að því bólulaus.

Í stað þess að koma valhoppandi út úr kringlunni með einn til tvo plastpoka dinglandi í annarri hendinni sátt með mig og mín nýju föt, kom ég út sem rjúkandi rúst, með glansandi nef, úfið hár og niðurbrotin á sál og líkama.

Ég er sannfærð um að ef ég hefði tekið áðurnefnt stöðupróf þá hefði mér verið vísað frá. Það sem er undirliggjandi hefði komið í ljós. Ég er overweight, middle aged woman og langt frá því að vera sátt við útlit mitt, þyngd, líkamsvöxt eða aldur. Djöfull er maður ofboðslega ruglaður.

Ég veit þó að Bretinn verður glaður að heyra hversu naumlega hann slapp fyrir horn með lækkandi inneign á reikningnum..... hei... það er að renna upp fyrir mér ljós. Bara núna. Á þessu andartaki. Þetta er nákvæmlega ástæðan fyrir þig afhverju Bretinn er svona duglegur að elda og sulla saman alls konar rjómasósum og smjörsteiktum sveppum, steikja beikon og kaupa rjómatertur.

Ég mun eiga orð við manninn í kvöld, það er alveg ljóst. 

Athugasemdir

[Jenný Anna Baldursdóttir, 9.7.2007 kl. 16:51]

Nú, nú bara verið að horfast í augu við raunveruleikann í vinnutímanum.  Muhahahahahaha, hvenræ er mér boðið í mat?

[Jóna Á. Gísladóttir, 9.7.2007 kl. 16:52]

B-i-t..

[Guðríður Pétursdóttir, 9.7.2007 kl. 16:57]

ef þú vilt hann ekki þá tek ég hann

[Guðríður Haraldsdóttir, 9.7.2007 kl. 16:58]

Nú veit ég af hverju mér er svona illa við búðir ...........

[Kristín Katla Árnadóttir, 9.7.2007 kl. 17:30]

Ég vorkenni Bretanum  ef þú ætlar að taka hann í gegn Jóna mín

[Díta (IP-tala skráð) 9.7.2007 kl. 17:32]

Ég er ekki miðaldra en ég á það nú til að koma mjög þunglynd úr búðarferðum.... sérstaklega eftir ferðir í Zöru.

[krossgata, 9.7.2007 kl. 18:18]

Mér finnst alltaf best við þessar aðstæður að fara með möntruna "það er aldrei of mikið af góðri konu", helst meðan ég sigli gegnum skóg af svöngum, tálguðum beinasleggjum, sem ekki hafa kraft til að standa undir sjálfum sér og liggja þ.a.l. eins og hráviði eftir.

[Ásdís Sigurðardóttir, 9.7.2007 kl. 18:26]

Æ elskurnar mínar, kona á sextugsaldri eins og ég er búin að læra það að reyna ekki við búðir með litlum fötum. Það er gott ráð t.d. í Hagkaup að byrja í xxxxxL deildinni og fikra sig svo niður í venjulega deild það bústar upp egóið    svo ef ég er svona borderline þunglynd, þá er ég búin að koma upp þeim frasa" iss þeir kunna nú ekkert að sauma lengur á alvöru konur " 

[Jenný Anna Baldursdóttir, 9.7.2007 kl. 19:16]

Ásdís góð.  Hehe

[Doddi - Þorsteinn G. Jónsson (IP-tala skráð) 9.7.2007 kl. 20:22]

Er það kannski þess vegna sem mönnum er já illa við búðarferðir með konunum sínum, (svona eins og Gurrí bendir á)??

Annars er hold flott! More of you to love, og allt það. En við verðum jú alltaf að passa upp á andlegu hliðina ... sem eini karlmaðurinn so far í kommentunum hér ... þá vona ég að þú farir rólega með Bretann. Maður sem eldar fyrir þig og heldur vel utan um peningana ... hljómar sem ótrúlega traustur maður.

svona eins og ég ... (enda stefni ég á að elda mikið fyrir Veigu ... )

[Jóna Á. Gísladóttir, 9.7.2007 kl. 20:31]

Guðríður. Við getum kannski komist að einhverju samkomulagi

Gurrí ég er glöð að ég skuli hafa opnað augu þín fyrir þessu

Lísa ég er fegin að vera ekki ein, skiluru

Díta passa sig á Zöru. Roooooooosalega litlar stærðir þar

Kristín ég fer varlega

Ásdís. Takk fyrir ábendinguna. Prófa þetta næst. En Bretinn mun ekki þakka þér.

Doddi......  Langar líka að benda þér á að þú ert að segja að Gurrí sé karlmaður

[Þröstur Unnar, 9.7.2007 kl. 20:41]

Getur maður fengið endurforritun hjá Bretanum?

[Jóna Á. Gísladóttir, 9.7.2007 kl. 20:46]

Þröstur ertu þá að meina að þú viljir láta forrita þig eða konuna þína?

[Þröstur Unnar, 9.7.2007 kl. 20:52]

Mig darling

[Jóna Á. Gísladóttir, 9.7.2007 kl. 20:55]

Hvað af eiginleikum Bretans er það sem þú sækist mest eftir Þröstur minn. Er það fitunar-áætlunin og það sem býr þar að baki?

[Þröstur Unnar, 9.7.2007 kl. 21:00]

Hef ekki þá eiginleika, að geta eldað og haldið utan um peninga. Þess vegna er ég líka í einbúð í dag.

[Benedikt Halldórsson, 9.7.2007 kl. 21:05]

Þú hefur kjark til að viðurkenna viðkvæmt mál. svona opinberlega en það er bara til góðs eins og sjá má á kommentunum.

[Doddi - Þorsteinn G. Jónsson (IP-tala skráð) 9.7.2007 kl. 21:07]

Hey - viljandi misskilningur Jóna! Gurrí er yndisleg kona, en hún benti mér þarna á gott svar fyrir þá menn sem "þola ekki" búðarrápið ...

[Iwanna Humpalot (IP-tala skráð) 9.7.2007 kl. 21:08]

Jóna mín, ég skal koma með þér og vera sérlegur ráðgjafi þinn í innkaupum.  Ég er sko snillingur í þessu. 

[Anna Ólafsdóttir (anno) (IP-tala skráð) 9.7.2007 kl. 21:32]

Mætt á bloggsvæðið  og hef þetta að segja: Þú verður að átta þig á því Frú Jóna að EINA ástæðan fyrir því að þú fórst tómhent út er sú að stærðirnar sem eru seldar á útsölum, eru á útsölum af því að þær seljast ekki - af því að þær eru of litlar á 90% kvenna, við erum nefnilega þessar eðlilegu, ekki gleyma því!!! - Knús frá Essex

[Maja Solla (IP-tala skráð) 9.7.2007 kl. 21:48]

Já, Anna kom með svarið!
Ég varð svo þunglynd eftir einhverja svona Outlet ferð einhvern tímann, að ég settist nær grenjandi útí bíl til Makans. Fattaði síðan þetta stærðarplott... Þá leið mér aðeins betur.

[Unnur R. H., 9.7.2007 kl. 21:55]

Ehhhh bara að gera eins og ég FARA EKKI Í KRINGLUNA! Ég verð svo hræðilega þunglynd því þá fatta ég alltaf hversu vel vaxin ég er á öfugum stöðum!!!

En þú ert bara góð