Banvæn brjóstagjöf

Gelgjan er að gera út af við mig. Ég fæ a.m.k. fjögur hlátursköst á dag út af því sem vellur upp úr henni.

Hún hefur löngum verið upptekin af brjóstunum á mér. Finnst þau agalega stór og kommentar á það reglulega. Einnig þarf ég reglulega að segja henni söguna af því að ég var aðeins með hana á brjósti í 3 vikur, svo gafst ég upp því hún var svo óróleg í brjóstagjöfinni og á eftir. Síðar kom í ljós að hún var með einhvers konar mjólkuróþol og endaði á sojaþurrmjólk.

Í gær var ég að slást við hana og Vinkonuna og skyndilega skellti hún andlitinu upp að barminum á mér. Hvað er að þér sagði ég. Svakalega ertu upptekin af brjóstunum á mér.

Já sagði hún og sveiflaði örmunum til á dramatískan hátt. Það er vegna þess að ég fékk ömurlega mjólk úr þessum brjóstum í þrjár banvænar vikur. 

 Ég meina það! Erum við ekki svolítið skrýtin í minni fjölskyldu?

 

Athugasemdir

[Jenný Anna Baldursdóttir, 14.6.2007 kl. 12:13]

Gelgjan er frábær.  Á ekki að fjölfalda hana? Mætti ég fá hana lánaða kannski?  Svona 10 mínútur af og til

[Rúna Guðfinnsdóttir, 14.6.2007 kl. 12:38]

Ég held að það séu kynlegir kvistir á mörgum stöðum Jóna mín..ekki örvænta. Dóttursonurinn sagði nú við mig ekki svo alls fyrir löngu er ég rak mig í hann: Ætlarðu að drepa mig kona???  Svo fyrir utan það er alltaf svolítið skemmtilegt að vera ekki nákvæmlega eins og allir í götunni, ekki satt? Að fólk geti sagt um þig: Já húúún! Þessi með skrítnu fjölskylduna og hundana tvo?!   Ég t .d. er þekkt af mínum gríðarlega fuglaáhuga og er stundum gert grín að mér og brosað í kampinn, en veistu, ég er bara kát. Þá vita allir hver ég er, þá er sagt um mig: Já húúún..fuglakonan!  Ég hjóla ekki í samam farinu og aðrir og er mjög kát með það.

[Kristín Katla Árnadóttir, 14.6.2007 kl. 14:25]

Hún er alveg frábær gelgjan þín og þið eru ekki skrítin fjölskylda.

[Svava frá Strandbergi , 14.6.2007 kl. 14:59]

Gelgjan þín er frábær. En ég veit ekki hvað dóttir mín má segja. Hún fékk alls enga mjólk því ég var næstum búin að drepa hana og mig sjálfa með meðgöngueitrun. Hún var öll þakin í grænu slími þegar hún var tekin með keisaraskurði á síðustu stundu.