Hvernig ég fékk ör á hægra brjóstið

Þetta er ekki löng eða flókin saga. Því miður (fyrir ykkur) er ekkert kynferðislegt við hana heldur.

1. Viddi var hvolpur.
2. Hann var úti í garði.
3. Ég heyrði hann væla ámáttlega.
4. Ég fór út.
5. Viddi hékk fastur á framlöppunum á girðingunni.
6. Strokuáráttan strax komin í ljós, hafði reynt að hoppa yfir.
7. Ég var í flegnum topp.
8. Viddi var hræddur og meiddi sig.
9. Ég reyndi að losa hann. Gat ekki gert það öðruvísi en að lyfta honum upp.
10. Í hræðslukasti sneri Viddi höfðinu og glefsaði í mig. Í hægra brjóstið.
11. Í viku var ég með tannafar á brjóstinu. Var litin hornauga af Bretanum. Hann var ekki að fíla þetta.
12. í dag er þetta bara lítið hvítt ör.
13. Ég erfi þetta ekki við hundinn.

Ætlaði að birta mynd af örinu en myndavélin mín virkar ekki

Athugasemdir

[Rúna Guðfinnsdóttir, 15.5.2007 kl. 22:47]

Þú sniðug..ég get kennt Gabríelle um örið á vinstra brjósti mínu Mwuhahahahahaha

[Jenný Anna Baldursdóttir, 15.5.2007 kl. 22:57]

Hehe leyfðu bretanum að meiða þig á hinu brjóstinu, sko even steven (það gleður hann örgla).

[Jóna Á. Gísladóttir, 15.5.2007 kl. 23:21]

Rúna þó!

Jenný Bretinn er meira fyrir að vera blíður og góður. Meiri hætta á að ég meiði hann

Guðmundur: ég myndi aldrei bjarga Bretanum af girðingu ef hann biti mig.

[Kristín Katla Árnadóttir, 15.5.2007 kl. 23:28]

Já þetta getur stundum gerst.

[Þorsteinn Gunnarsson, 16.5.2007 kl. 00:50]

Með tannaför á túttum fínum
í toppi flegnum, segir sínum
að Vidd' hafi víst þetta gert.
Bið ég nú í bænum mínum
að Bretinn hlú'að brjóstum þínum
og huggi þar holdið bert.

[Sigfús Sigurþórsson., 16.5.2007 kl. 01:36]

Érfir þetta ekki við Vidda, það er fallegt af þér Jóna, en Bretann?

[Sigfús Sigurþórsson., 16.5.2007 kl. 01:37]

Ó,    er Bretinn hundur?

[Jóna Á. Gísladóttir, 16.5.2007 kl. 11:05]

Þorsteinn brilliant

Sigfús, ég skil að þetta sé ruglingslegt, en nei Bretinn mun vera af homo sapiens flokki. Viddi aftur á móti gengur um á fjórum fótum og er af hundakyni.