Ég elska

Er ekki alveg að meika að það sé venjulegur þriðjudagur á morgun. Get þó verið þakklát fyrir að aukavinnan mín á þriðjudagskvöldum s.l. 8 ár er liðin tíð, svo ef ég hugsa þetta svakalega jákvætt þá er vinnudeginum lokið hjá mér á morgun kl. fimm í stað miðnættis.

Má samt segja að nú þegar páskunum er lokið er ég tilbúin að taka á móti vorinu.

Ég elska:                                             

                                                                                     

• að sofa út
• að vera úti í úðarigningu                                                        
• þegar börnin mín hlæja 
• að sofna með vindinn gnauðandi fyrir utan gluggann
• að sjá tréin laufgast
• þegar fer að dimma á haustin og tímabært að kveikja á kertum aftur eftir sumarið
• Að fara beint úr sturtu upp í rúm með brakandi hreinum rúmfötum
• að eiga stund fyrir sjálfa mig
• að eiga börn til að elska og knúsa og skamma
• það þegar börnin mín eru komin í rúmið á kvöldin
• nikótíntyggjó
• þegar maðurinn minn brýtur saman uppsafnaðan þvott og gengur frá honum
• manninn minn (most of the time  sérstaklega þegar hann gengur frá þvottinum)
• að sitja á pallinum á sólardegi með rauðvínsglas, sígó (þetta sumarið verður það tyggjóið) og bók
• að hafa góða samvisku
• Að borða (smá stoppari í þeirri deildinni þessa dagana)   
• Að hlæja með vinkonu yfir kaffibolla
• að eiga góða að (það er sko ekki sjálfgefið)

Athugasemdir

[Fríða (IP-tala skráð) 10.4.2007 kl. 10:10]

Og ég elska þig.........

 Takk fyrir te-ið, ristaða brauðið, ostinn, smjörið, snúðana og ..... á fimtudaginn  kv. Fríða