Jól kannski seinna

Það var með þó nokkrum trega sem ég tók niður jólaskrautið í dag. Grenið á útidyrakransinum mínum var enn fallega grænt og ilmandi þegar það hafnaði í ruslinu.

Bretinn fór að ná í Þann Einhverfa til Fríðu Brussubínu og co seinni partinn í dag og það var með nokkrum asa sem stráksi þeytti hér upp útidyra- og forstofuhurðum. Ég sá á öllu hans látæði að hann var alls ekki búin að gleyma daufum og lítt sannfærandi kommentum mínum í vikunni um jólaskraut sem þyrfti að fara ofan í kassa.

Hann horfði brúnaþungur á blettinn þar sem jólatréið hafði staðið. Þar sáust nú aðeins gólfflísarnar og þó nokkuð magn af greni sem átti eftir að sópa upp.

Drengurinn skimaði í kringum sig. Skannaði stofuna. Virti fyrir sér kassana sem lágu á víð og dreif og biðu eftir að verða fylltir.

Svo leit hann út um gluggann og sá að hér á fjöllum uppi hafði snjó fest í garðinum.

''Snjór var farinn'', sagði hann svekktur.

Við urðum að viðurkenna það, að víst hefði snjórinn farið en því miður væri hann kominn aftur.

Það er sumar, sagði hann þá vongóður.

Ekki gátum við alveg tekið undir það þó að við fegin vildum.

Jól kannski seinna, tilkynnti hann. Og þar með var hann farinn upp í herbergið sitt.

Það fór lítið fyrir látunum og skömmunum sem ég hafði búist við, fyrir að voga mér að fjarlægja jólin af heimilinu.

En jú, jólin koma kannski seinna Ian.

 

Athugasemdir

[Linda Linnet Hilmarsdóttir, 10.1.2009 kl. 21:59]

Knús á þig elskulegust og ljúfar kveðjur

[Anna Gísladóttir, 10.1.2009 kl. 22:04]

Söngurinn heima hjá mér er: "jólin búin, taka skrautið" ........
Ég bara nenni því ekki alveg strax.  Ég er rétt byrjuð á því en hef mig ekki í að klára það ....

[Hrönn Sigurðardóttir, 10.1.2009 kl. 22:10]

Æj krúttið....

.... og þá er ég að tala um þig! 

[Ragnheiður , 10.1.2009 kl. 22:12]

Æj hvað hann tók því þó vel blessaður

[Guðríður Pétursdóttir, 10.1.2009 kl. 22:59]

Já, ég var orðin ansi þreytt á jólunum eftir að hafa verið að hugsa um þau síðan í september

kannski var hann bara líka kominn með nóg

[Ómar Ingi, 10.1.2009 kl. 23:01]

[Karl Tómasson, 10.1.2009 kl. 23:26]

Bestu kveðjur úr Mosó kæra Jóna frá Kalla Tomm.

Hafðu það sem allra best á nýju ári ásamt öllum þínum.

[Steingrímur Helgason, 11.1.2009 kl. 00:03]

Já, það eru nú ekki alltaf jólin, gæzkan...

[Jóna Kolbrún Garðarsdóttir, 11.1.2009 kl. 00:08]

Okkar jól liggja á stofugólfinu hjá mér, kannski verður þeim pakkað niður í kassa á morgun. 

[Róslín A. Valdemarsdóttir, 11.1.2009 kl. 00:49]

Hann er algjört krútt hann Ian!!

[Helga skjol, 11.1.2009 kl. 08:51]

[Ásdís Sigurðardóttir, 11.1.2009 kl. 12:14]

Hann þroskast endalaust hann Ian, tekur hlutunum alltaf betur og betur.  Kveðja til ykkar

[Högni Jóhann Sigurjónsson, 11.1.2009 kl. 13:23]

Sko Jóna ég vissi það hann réði alveg við þetta, það varst þú sem réðir ekki við það að láta hann taka þátt í að taka þau niður, hann þroskast mikklu hraðar en þú gerir þér grein fyrir og ekki fresta þessu aftur.

Ian er frábær og það eru svo stórir og svo innilegir sigrar undanfarið.

[Anita Björk Gunnarsdóttir, 11.1.2009 kl. 21:03]

Takk innillega fyrir að vera bloggvinur minn og jú ég er ansi rík kona að eiga svona mörg börn en ekki gengur það þrautalaust fyrir sig frekar en hjá mörgum öðrum

elsta mín er með athyglisbrest og hvatvísi

og sú á eftir henni er ofvirk með athyglisbrest misþroska og með

eitthvað sem kallast að vera á einhverfurófi

svo það er nóg að gera takk fyrir yndislegt blogg og bók

þú ert æðislegur penni

kær kveðja Aníta