Breskur Redneck

Á meðan Bretinn baslaði í því að pússa pallinn í dag þá tyllti ég mér á nýju garðhúsgögnin og las blöðin, talaði við Brynju vinkonu í Berlín sem hefur fengið nýtt viðhengi við nafnið sitt (Brynja botnlangi þar sem botnlanginn var rifinn úr henni í vikunni), sötraði afgang af rauðvíni sem ég átti, bloggaði og fór í langt og taugastrekkjandi ferðalag muniði (í strípur, rendur, lokkalitun eða hvað sem þið viljið nú kalla þetta).

Ég er þreyttari en hann eins og þið getið ímyndað ykkur.

 

Hér getur að líta Bretann við verkið í dag. Takið eftir þessum eðalgræna lit sem er á pallinum og kreditlistann sem er krítaður á pallinn. Það er að sjálfsögðu eftir Þann Einhverfa. Bretinn er ekki flæktur í snúrurnar þó það líti þannig út, en þið megið trúa að rafmagnið átti eftir að stríða okkur á meðan þessi vél var í gangi. Viddi var mjög áhugasamur eins og þið sjáið. Við ætlum að tékka á því á morgun hvort hann geti ekki málað með skottinu.

 

 

 

 

 

 

 

 

 

 Hér hefur svo dugnaðarforkurinn lokið við pússninguna. Græni

liturinn er þó enn ríkjandi á köntunum. Þar sést litamismunurinn vel.

 

 

 

 

 

 

 

 

 

En eftir nokkrar klukkustundir í sólinni, álútur yfir vélinni er Bretinn

sannkallaður Redneck.

 

 

Athugasemdir

[Anna Ólafsdóttir (anno) (IP-tala skráð) 27.6.2007 kl. 00:22]

ég elska þennan Vidda, sérstaklega ef hann lærir að mála - það er nefnilega verið að mála húsið mitt að utan

Annars átti ég einu sinni kött sem málaði ekki bara með skottinu, heldur ÖLLUM skrokknum - eða þannig. Hann datt ofan í fötuna, stökk náttúrulega strax upp úr og hristi sig ógurlega ... og náði að dekka dágóðan flöt  

[Guðríður Pétursdóttir, 27.6.2007 kl. 00:26]

haha snilld, flottur pallur öfunda þig af svona, og ég hef ekki einu sinni fasta íbúð ennþá

og ég breytti um sketch

[Jóna Á. Gísladóttir, 27.6.2007 kl. 00:31]

Ég get ímyndað mér að kisi hafi fengið þreytuverki í tunguna á eftir við að reyna að þrífa sig. Ekki verið par hrifin spái ég

Íbúðin kemur Guðríður mín. Ég bara trúi ekki öðru. Við ættum kannski að byggja við bílskúrinn hérna og innrétta íbúð fyrir ykkur. Þá gætuð þið notið pallsins með okkur.

[Tómas Þóroddsson, 27.6.2007 kl. 00:37]

Er bretinn með hatt á efstu myndinni?

[Jóna Á. Gísladóttir, 27.6.2007 kl. 00:40]

nei Tommi.  Afhverju spyrðu?