Skapandi skrif

Skellti mér á námskeið. Fyrsta kvöldið af fjórum var í kvöld. Fyrirlesari er Þorvaldur Þorsteinsson sem m.a. skrifaði Blíðfinnsbækurnar.

Þorvaldur Þorsteinsson. Það er ekki

eins og útlitið skemmi eitthvað fyrir

aumingja manninum

 

 

Ofsalega er gaman að gera eitthvað öðruvísi og brjóta upp hversdagsleikann. Þetta kvöld í kvöld lofar meira en góðu og það er ekki rétt að kalla Þorvald fyrirlesara. Þetta er meira eins og samtalsgrúppa sem hann leiðir.

Í auglýsingunni um námskeiðið sagði m.a.: Ertu að feta þín fyrstu skref í skrifum? Skrifarðu fyrir skúffuna?Langar þig að kynnast sagnamanninum í þér?

Tilgangurinn hjá honum með þessu námskeiði er að losa fólk við hræðsluna við að skrifa. Hræðsluna við að það hafi ekkert áhugavert að segja. Svo útskýrði hann yfirskrift námskeiðsins: Skapandi skrif.

Hann vill meina að maður sé ekki að skapa neitt þegar maður skrifar. Heldur skapi skrifin. Þ.e.a.s. að þegar fólk les t.d. skáldsögu, þá opnast heimur fyrir lesandanum. Heimur sem hann skapar sjálfur í huganum. Are you with me so far. Tíu manns geta lesið sömu bókina en enginn upplifir hana eins, því allir skapa sinn eigin heim í kringum persónurnar, staðarlýsingar og svo framvegis.

Hann segir því að það að skrifa séu ekki hæfileikar heldur eiginleikar. Hæfileikar séu eitthvað sem aðeins fáir hafa og allir geti skrifað. Aftur á móti hafi bara ekki allir áhuga á að skrifa.

Við gerðum verkefni í kvöld og það kom manni svo skemmtilega á óvart hvað runnu upp úr manni hugmyndirnar og ekki síður hvernig þær urðu til.

Við fengum heimaverkefni og ég hlakka til að takast á við það annað kvöld. Og get ekki beðið eftir að mæta aftur niðrí Iðnskóla á miðvikudagskvöld.

Gaman að vera svona spenntur yfir einhverju.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Athugasemdir

[Brynja Hjaltadóttir, 21.5.2007 kl. 23:56]

Sexý gaur þessi Þorvaldur segi ég nú bara. Sæti jafnvel námskeið um fiðrildarækt í Namibíu hjá þessum

[Guðríður Pétursdóttir, 22.5.2007 kl. 00:11]

Ég segi eins og Brynja....

Hann er alveg ofboðslega flottur

[Jenný Anna Baldursdóttir, 22.5.2007 kl. 01:27]

Ég gæti hrist þig kona.  Af hverju gastu ekki hóstað þessu námskeiði upp úr þér fyrr en það er orðið of seint fyrir mig að fara??? ARG..

[Heiða B. Heiðars, 22.5.2007 kl. 11:01]

Grrrrrr.... hann er ekkert smá flottur!!!

En þú átt sko alveg heima á þessu námskeiði!! 

[Ragga (IP-tala skráð) 22.5.2007 kl. 11:15]

Spennandi námskeið.  En hann Þorvaldur er ferlega skemmtilegur og klár, hann nær einhvernvegin að fanga alla viðstadda og láta þá hlusta af ákafa.  Hann er frábær... já og sætur

[Kristín Katla Árnadóttir, 22.5.2007 kl. 11:17]

Það hlýtur að vera gaman í svona námskeiði .

[Rúna Guðfinnsdóttir, 22.5.2007 kl. 11:52]

Alveg þess virði að fara þó ekki væri nema bara til að horfa á hann.

[Benedikt Halldórsson, 22.5.2007 kl. 19:31]

...það hefði verið gaman að fara á þetta námskeið, var það ekkert auglýst?