Hægt að drukkna við allar aðstæður

Bretinn tilkynnti áðan að hann ætlaði að skella sér í sturtu sem er auðvitað ekki í frásögur færandi.

Svo ég sit hér í rólegheitum, hangandi inn á bloggsíðunum. Heyri vatnið renna og svo byrjar sá breski að hósta. Ég veitti því enga sérstaka athygli til að byrja með en svo bara hætti maðurinn ekkert þessu hóstagjöltri. Ég hugsaði með mér að hann hlyti að hafa nælt sér í hálsbólgu þarna í Tjalla-landi um helgina því ekki er reykingunum fyrir að fara á heimilinu lengur. Ég spyr hann með umhyggju og ástúð í röddinni þegar hann kemur niður, hreinn, fínn og ekki hóstandi. Ástin mín ertu orðinn kvefaður eða eitthvað?

Nei ekki var því að heilsa. Maðurinn gleypti svona mikið vatn í sturtunni!! Það er náttúrlega ekki í lagi. Ég hló aðeins of mikið fyrir hans smekk.

Athugasemdir

[Þorsteinn Gunnarsson, 23.4.2007 kl. 23:50]

Þú hafði ekkert minnst á það að hann væri svona drjúgur með sig...

Verður bara að segja honum þó það rigni upp í nefið á honum svona dags daglega sé miklu meiri kraftur á sturtunni.

[Jóna Á. Gísladóttir, 24.4.2007 kl. 00:06]

Skilaboðunum hefur verið komið á framfæri.

[Guðríður Pétursdóttir, 24.4.2007 kl. 09:06]

hvað var hann í óskupunum að gera?  

by the way myndarkall bretinn þinn, his nose is very shiny..

[Rúna Guðfinnsdóttir, 24.4.2007 kl. 09:47]

Fyndið..bara fyndið