Leiðrétting og afsökunarbeiðni

 

Ég get verið ansi fljótfær og framkvæmt vanhugsaða hluti. Mér fer þó fram með aldrinum. En stundum bíta mínar eigin gjörðir mig í rassinn og þá finnst mér verst ef ég hef sært einhvern á leiðinni eða gert honum rangt til.

Með ógætilegu orðalagði í færslunni hér á undan mátti skilja það sem svo að Friðrik Þór hefði haft látið frá sér þau orð sem þar koma fram. Það var auðvitað ekki svo, heldur var það vinur minn Loopman sem tjáði sig opinskátt um sínar skoðanir og tilfinningar í garð nokkurra bloggara.

Friðrik Þór hefur tjáð mér að hann kæri sig ekki um að nokkur maður haldi að hann hafi verið að atyrðast út í mig, og því vildi ég leiðrétta þetta og biðja hann afsökunar á þeim misskilningi sem þetta kann að hafa valdið.

Reyndar langar mig líka að biðja Loopman afsökunar ef ég hef gefið í skyn að þetta komment hans hafi farið fyrir brjóstið á mér. Þvert á móti hefur það kætt mig mikið og ég hef fengið nokkur símtöl frá vinum sem hafa vitnað í einstaka setningar úr þessu kommenti  og hlegið yfir skemmtilegu orðalagi hans og athugasemdum.

Að lokum vil ég koma á framfæri minni eigin skoðun á blogginu sem slíku. Í mínum huga er bloggið vettvangur sem fólk kýs að nýta á sínum eigin forsendum. Hvort sem það er til að tjá sig um persónuleg mál eða dægurmál, einu sinni í mánuði eða hundrað sinnum á dag. Svo framarlega sem persónulegt skítkast er látið eiga sig.

Á móti kemur að við mannfólkið höfum alltaf, og munum alltaf, finna farveg  fyrir ríg manna á milli. Á milli landa, milli kynþátta, milli áhangenda fótboltaliða, milli bæjarfélaga, milli deilda innan fyrirtækja, milli stjórnmálaflokka... og á milli bloggara.

Haldið friðinn og strjúkið kviðinn.

Ég er soldið þunn en annars fín.

 

Athugasemdir

[Linda Linnet Hilmarsdóttir, 17.5.2008 kl. 22:12]

Innlitskvitt og bestu kveðjur

[Heiða B. Heiðars, 17.5.2008 kl. 22:14]

fyllibytta

[Sporðdrekinn, 17.5.2008 kl. 22:15]

Öll dýrin í skóginum eiga að vera vinir

[Jóna Á. Gísladóttir, 17.5.2008 kl. 22:19]

Heiða. Ætli ég verði ekki að gangast við því

Linda. Takk fyrir innlitið

Sporðdrekinn. Jebb. Einmitt

[Gunnar Helgi Eysteinsson, 17.5.2008 kl. 22:20]

Peace, Love, and Understanding

[Ásdís Sigurðardóttir, 17.5.2008 kl. 22:40]

Æ, þú ert bara frábær eins og þú ert, þeim sem ekki líkar það, geta snúið sér annað.

[Ómar Ingi, 17.5.2008 kl. 22:41]

Fólk er upp til hópa svo viðkvæmt , það má aldrei eitt segja án þess að móðga sumt fólk, en sem betur fer bara sumt fólk.

Stay Strong þunna

[Jenný Anna Baldursdóttir, 17.5.2008 kl. 23:19]

Þunn?  Það er það eina sem ég kveikti á og sá í færslunni.  Svo agalegt að þú skulir möndla við áfengi.  Munur en ég

[Bjarndís Helena Mitchell, 17.5.2008 kl. 23:28]

[Anna Margrét Bragadóttir, 17.5.2008 kl. 23:34]

[Steingrímur Helgason, 17.5.2008 kl. 23:49]

ARGH, & ég sem að er búinn að senda illa grimmann handrukkunarskríl á þennann kastljósamann!

[Róslín A. Valdemarsdóttir, 18.5.2008 kl. 01:02]

Mögnuð ertu!
Ég er sammála þér, en þynnkan er ekkert að afsaka, hahahaha!

Eigðu góðan sunnudag mín kæra Jóna!

[Jóna Kolbrún Garðarsdóttir, 18.5.2008 kl. 01:57]

Ég les þínar færslur vegna þess að mér finnast þær skemmtilegar og jákvæðar.  Ég er búin að vera dyggur lesandi í marga mánuði  Keep up the good work

[Runólfur Jónatan Hauksson, 18.5.2008 kl. 03:31]

Hvur er þessi Friðrik Þór?

[Þórarinn Þ Gíslason (IP-tala skráð) 18.5.2008 kl. 04:15]

Sæl Jóna.

Það er góður kostur,að viðurkenna mistök sín.Ég er alltaf hrifin af þannig sálum. Gangi þér  og þínum sem best.

[Jóhanna Magnúsar- og Völudóttir , 18.5.2008 kl. 07:56]

Ég er líka þunn.

[Högni Jóhann Sigurjónsson, 18.5.2008 kl. 09:52]

[Kolbrún Baldursdóttir, 18.5.2008 kl. 11:37]

Bara mannlegt, getur komið fyrir alla og kemur eflaust einhvern tímann fyrir alla að fara svona svolítið fram úr sér.
Hefur í það minnsta sannarlega komið fyrir mig...

Bestu kveðjur til þín Jóna.

[Sigurlaug Gísladóttir (IP-tala skráð) 18.5.2008 kl. 14:24]

Alltaf sjálfri sér samkvæm  þetta er eitt skemmtilegasta blogg sem ég les takk fyrir það. Ætli ég verði þá ekki að staulast inn á mitt og biðjast afsökunnar á orðinu karlpungur,   en það slapp út hjá mér í hita málsins.

[Ásta Björk Solis, 18.5.2008 kl. 16:12]

AMEN

[Birna Dis Vilbertsdóttir (IP-tala skráð) 18.5.2008 kl. 17:06]

 ég er ekki þunn.Þú ert góð að vanda

[Helga Magnúsdóttir, 18.5.2008 kl. 19:37]

Þú ert svo auðmjúk.

[Friðrik Þór Guðmundsson, 18.5.2008 kl. 20:32]

Takk fyrir Jóna.

Steingrímur: Handrukkaraskríllinn kom hingað og ég bauð honum í kaffi og lummur. Hann er á leiðinni til þín núna... 

[Högni Jóhann Sigurjónsson, 18.5.2008 kl. 20:54]

Úbbs, STEINGRÍMUR!!!!!!!!!!!!!

[halkatla, 18.5.2008 kl. 21:00]

þú ert þykk af speki!

[Þórdís Guðmundsdóttir, 18.5.2008 kl. 22:26]

Ég hafði nú engar sérstakar áhyggjur af þessum málum og var löngu búin að lesa bæði Friðrik og Loopman (hafði reyndar plenty gaman af báðum). 

Kveðja, Þórdís.  Ekki baun þunn en oggulítið mjúk eftir sunndagsrauðvínið! (auðvitað var ég að biðjast fyrir!).

[Bergljót Hreinsdóttir, 18.5.2008 kl. 23:03]

[Steingrímur Helgason, 18.5.2008 kl. 23:14]

Friðrik;  Átti kleinur í frysti örygljandi & apakúkskaffibaunir malaðar í exprezzóið, það reddaði málunum enda ekki til hafragrautur frá því í fyrragær til að renna með í lummur.

Lúfmenni þessir drengir.

[Jóna Á. Gísladóttir, 18.5.2008 kl. 23:22]

hehe gaman að sjá þessar samræður hérna inni. Verst þykir mér að hafa misst af þessum kaffiboðum hjá ykkur strákar.

Ég þakka hjörðinni sem og öðrum fyrir kveðjurnar. Þið eruð yndisleg, en það vissuð þið fyrir.

[Lilja Guðrún Þorvaldsdóttir, 19.5.2008 kl. 00:03]

[Steini (IP-tala skráð) 19.5.2008 kl. 12:11]

Ég vildi bara hvetja þig til að geta alltaf uppruna texta annara sem þú birtir á blogginu þínu. Bara eðlileg vinnubrögð eins og þú væntanlega veist