Áfram skal haldið með afmeyjunina

þar sem ég er að pikka á makka Bretans og það liggur ekkert sérstaklega vel fyrir mér, þá nenni ég ekki að koma með venjulegar upplýsingar um fyrri færslur úr bókinni Kynlíf frá árinu 1937. Þið getið bara skrollað á síðunni minni og leitað að fyrri færslum ef þið viljið lesa þær.

kafli 173. Blæðing við afmeyjun.

Dálítið blæðir úr hinu rifna meyjarhafti. Venjulega er þessi blæðing aðeins fáeinir dropar. Það eru þessir vel þekktu dropar, sem meðal ýmsra þjóða er beðið með fjálgleik sem merki meydómsins, og eru jafnvel sýndir ættingjum með sérstakri athöfn næsta morgun, og blessa þeir þá lakið eða fara með þetta sigurmerki ástarinnar og hengja það upp í einhverju hofi eða heilögum skógi.

kafli 174. Hvað skal gera, ef meyjarhaftið reynist óslítandi.

Ef haftið reynist óslítandi, þrátt fyrir nægilega getu mannsins, en það er mjög óvenjulegt, og kemur helzt fyrir hjá konum, sem komnar eru yfir þrítugt, skal ekki beita afli. ''Þú skalt ekki byrja hjúskap þinn með nauðgun'' (Balzac). Ekki ber að taka slíkt of nærri sér, heldur reyna aftur næstu nótt. Reynist það aftur árangurslaust, skal leita til læknis, sem klippir haftið í staðdeyfingu.

kafli 175. Leifar haftsins geta valdið sársauka.

Stundum kemur það fyrir, þótt haftið rifni á eðlilegan hátt, að leifar þess valdi sársauka við frekari samfarir. Venjulega hverfa þessar trefjar á nokkrum dögum og vikum. Ef ekki, þá er bezt að láta lækni taka þær.

Athugasemdir

[Jenný Anna Baldursdóttir, 27.5.2007 kl. 21:20]

Ég kemst í annarlegt ástand í hvert skipti sem ég les upprifjunina þína.

[Brynja Hjaltadóttir, 27.5.2007 kl. 21:41]

Ég held að ég hafi ekki fæðst með svona meyjarhaft. Er það ekki fæðingargalli þá?

[Jóna Á. Gísladóttir, 27.5.2007 kl. 21:49]

hahahahaha. Jenný Anna. Ég er sammála þér. Mig klæjar í puttana að setja inn eigin athugasemdir alltaf í textann en hef lofað sjálfri mér að gera það ekki. Manni langar til að hlæja hátt og móðursýkislega.

Brynja, segjum tvær. En þú verður að drífa þig að gifta þig fyrir þrítugt því annars verðurðu grýtt eða eitthvað.

[Jóna Á. Gísladóttir, 27.5.2007 kl. 21:50]

thíhíhí Guðmundur. Hvaða kafli þá sérstaklega hleypir roða í kinnar þínar?

[Jóna Á. Gísladóttir, 27.5.2007 kl. 22:04]

Svo framarlega sem þú hefur ekki farið með konu þína sem unga brúði til læknis og látið staðdeyfa hana til að ljúka afmeyjun þá hefur þú enga ástæðu til að roðna Guðmundur minn.

[Kristín Katla Árnadóttir, 27.5.2007 kl. 22:24]

 Kanski er þetta hjá sumum konum ekki satt.

[Brynja Hjaltadóttir, 29.5.2007 kl. 00:48]

Ég er nú bara löngu gift svo ég verð víst ekki grýtt úr þessu..