Sumarið 2009

 

Sumarið 2009 er sumarið sem Íslendingar kusu að eyða krónunum sínum í bensín, íslenskar vegasjoppur, tjaldsvæði og grillmat og ferðuðust innanlands.

Þetta átti að verða sumarið sem ég gerði nákvæmlega ekki neitt vegna efnahagsástandsins, en varð sumarið sem ég hef aldrei verið hreyfanlegri.

Þrjár sumarbústaðarferðir, ein utanlandsferð, sólarhringsdvöl í sveitasælu Borgarfjarðar og, afar merkilegt í augum þeirra sem þekkja mig: útilega með tjaldi, uppblásnum dýnum, ferðagrilli og tilheyrandi. Þeir tveir, sem eru aðalástæða óhreyfanleika míns almennt, Viddi Vitleysingur og Sá Einhverfi, voru með í för í umræddri útilegu.

Á meðan Viddi gelti óspart á hunda og menn, svaf Sá Einhverfi inni í tjaldi í rúmlega hálfan sólarhring. Þetta er sem sagt sumarið sem ég fann lausn á svefnleysi drengsins. Hér eftir mun ég tjalda í bakgarðinum ef ég vil að drengurinn sofi meira en 5 tíma í einum rikk.

Sumarið 2009 er líka sumarið sem ég varð mér úti um bjórvömp án þess að drekka bjór. Ætli ég verði ekki að skella skuldinni á (stöðugt) sull í hvítvíni og rauðvíni, vöðvaslökun og ótæpilegt magn matar. En bumban líkist bjórvömb hvernig sem á það er litið.

Sumarið 2009 er sumarið sem átti að rigna stöðugt og ég ætlaði að vera óstöðvandi í rithöfundagírnum og uppfull af andagift en breyttist í sumarið sem ég skrifaði ekki neitt. Ekki einu sinni bloggfærslur. Og aldrei á ævinni hef ég verið duglegri að liggja í sólbaði.

Sumarið 2009 var mér afskaplega gott. Og það er ekki búið enn....

 

Athugasemdir

[Hrönn Sigurðardóttir, 6.8.2009 kl. 16:17]

Ertu ekki bara ólétt?

[Jóna Á. Gísladóttir, 6.8.2009 kl. 16:45]

He he nei HRönnsla mín. Þá fyrst myndi ég nú kasta mér fyrir björg. Eða jafnvel í vegg eins og Jennsla.

[Birna Dis Vilbertsdóttir (IP-tala skráð) 6.8.2009 kl. 17:23]

hehehehe

[Linda Linnet Hilmarsdóttir, 6.8.2009 kl. 18:46]

Knús knús og kossar......:O)

[Ómar Ingi, 6.8.2009 kl. 20:41]

HAHAHAHAHAHA

[Ía Jóhannsdóttir, 6.8.2009 kl. 20:51]

Ekki ólétt bara í góðum holdum, ég líka vinkona eftir fjórar vikur á þessu guðsvolaða landi elds og ísa. 

[Jóna Á. Gísladóttir, 6.8.2009 kl. 20:54]

Ía mín. Það er gott að eiga partner in crime. Takk fyrir það. Nú er takmarkið hjá mér að ná af mér bumbunni í vetur svo ég geti safnað nýrri sumarið 2010.

[Steingrímur Helgason, 6.8.2009 kl. 23:10]

Glæzilegt sumar hjá þér gæzkan, dona á pari við veruleikann, með öllum koztum & einhverjum bumbum.

Ekki þar fyrir, bumbuzöbbnunarfíkn annara manna kvenna er mér ekkert áhugaatriði á meðan ég get brotið mína saman í meðalztóra adidaz tözku.

En ég zkil Ian, enda sef aldrei betur en í mínum tvítuga tjaldvagni, helzt við lækjarnið & föglazöng.

[Sifjan, 7.8.2009 kl. 18:12]

Nóg að gera hjá ykkur.. ég er ennþá að mana mig upp í það að fara með minn gaur í útilegu.. er ekki alveg að sjá hvernig það komi til með að ganga upp !!!

Kannski á maður það til að mikla hlutina of mikið fyrir sér þegar einhverf börn eiga í hlut... komin tími á að breyta um hugarfar.. ég geri það bara næsta sumar :=)

[Hulda Bergrós Stefánsdóttir, 7.8.2009 kl. 21:00]

okei þú ert komin með tanorexíu

[Karl Tómasson, 7.8.2009 kl. 22:16]

Það er greinilegt að sumarið 2009 hefur verið ánægjulegt hjá þér og þínum kæra Jóna Gísla og mikið er það gott. Smá bumba gerir nú lítið til mín kæra.

Bestu kveðjur frá Kalla Tomm úr Mosó.

[Jóna Á. Gísladóttir, 8.8.2009 kl. 16:06]

Zzzzzzteini minn. hmmm meðalstóra Adidas tösku... ég ætla að prófa

Sifjan. Að mikla hlutina fyrir mér, eru mínar ær og kýr. Veit nákvæmlega um hvað þú ert að tala. Það var eiginlega þess vegna sem útilegan var ákveðin. Rífa sig upp úr gömlu hjólförunum.

Hulda. haha já kannski það. Ég heyrði líka af lotugræðgi með alzheimer um daginn. Þ.e. ég borða og borða en gleymi að æla.

Kalli minn Tomm. Það er rétt. hvað er smá bumba á milli vina

[Kristín (IP-tala skráð) 8.8.2009 kl. 23:51]

Jóna,

Mér finnst markmið vetrarins fyrir næsta sumar það almerkilegasta í þessari fræslu.  Að ná af sér bumbu þessa sumars til að safna nýrri næsta sumar.  Hef sjaldan eða aldrei heyrt/lesið betri markmið og mæli svo sannarlega með þér :)

kveðja, Kristín

[Jóna Á. Gísladóttir, 9.8.2009 kl. 01:57]

Þakka þér fyrir Kristín. Það er allavega skárra en að halda bumbu sumarsins 2009 og bæta við hana Bumbu sumars 2010. Gæti endað með ósköpum...

[Doddi - Þorsteinn G. Jónsson (IP-tala skráð) 9.8.2009 kl. 09:27]

Bjórvambir eru fallegar vambir ... þó ég sé að reyna að minnka mína

[Lilja Guðrún Þorvaldsdóttir, 9.8.2009 kl. 22:48]

Ánægjulegt að lesa þessa færslu, og ætla ég að feta í fótspor þín og ná af mér bumbunni í vetur svo ég hafi pláss fyrir nýja næsta sumar, en ertu viss um að það sé ekki eitthvað búið að hreiðra um sig í þinni bumbu?

[Ragnhildur Jónsdóttir, 10.8.2009 kl. 16:01]

Yndislegt eins og þín er von og vísa hahaha

[Jens Guð, 12.8.2009 kl. 20:35]

  Ég vona að þú hafir gætt þess að bera á þig Banana Boat sólkrem fyrir og eftir sólböð.