Góði Guð gefðu mér samfellda rigningu í sumarfríinu

 

Er hægt að skrifa heila bók á 3 mánuðum? Það er sú spurning sem ég velti fyrir mér í dag. Og í gær reyndar líka. Og mun örugglega enn vera að velta henni fyrir mér á morgun.

Allt er hægt ef viljinn er fyrir hendi. Eða er það ekki annars?

Kannski er þetta spurning um að hætta að velta fyrir sér spurningum og koma sér að verki.

Eftir viku fer ég í 2ja vikna sumarfrí. Kannski lengra. Svei mér þá ég held ég biðji fyrir rigningu. Það verður ansi erfitt að halda sig inni við skrif í glaða glampanda sólskini.

Nema... er til einhvers konar skjávari fyrir laptop, svo hægt sé að sitja úti og actually sjá á skjáinn?

Athugasemdir

[Guðrún Emilía Guðnadóttir, 19.6.2009 kl. 16:55]

Gangi þér vel og hafðu það gott í fríinu, ef frí skyldi kalla finnst þú ætlar að skrifa heila bók.
Knús til þín
Milla

[Sólveig Magnúsdóttir (IP-tala skráð) 20.6.2009 kl. 01:45]

   Hæ, Jóna vil bara óska þér alls hins besta við skriftirnar.  Bloggið þitt og bókin síðustu jól hafa veitt mér ómælda gleði og menntun.  Áfam með smjörið, upp með fjörið.  ( eins og stendur í kvæðinu )  You go girl !!!  Þinn  velunnari og aðdáandi, Sólveig M.M.

[Jóna Kolbrún Garðarsdóttir, 20.6.2009 kl. 03:11]

Ég hlakka til þess að lesa næstu bókina þína, gangi þér vel við skriftirnar.

[Jenný Stefanía Jensdóttir, 20.6.2009 kl. 06:32]

Minnir mig á góða konu sem ég þekki, sem vinnur ekki úti og hefur aldrei gert, en er alltaf upp fyrir haus í alls konar skemmtilegum verkefnum.

Hún sagði mér að hún væri með "to do list" þegar hún brýtur á sér lappirnar og neyðist til að halda sér til hlés.  

Þú ryður þessu frá þér um leið og stíflan brestur.

Gangi þér vel.

[Ía Jóhannsdóttir, 20.6.2009 kl. 08:30]

Einhver sagði mér einhvern tíma að eitthvað væri til sem héti skjávernd og þá væri hægt að sitja úti, sel það nú ekki dýrara en ég keypti. 

Gangi þér vel Jóna mín með nýju bókina.

[Ómar Ingi, 20.6.2009 kl. 16:51]

Gangi þér vel elsku dúllan mín

[Ólöf Jóhanna Pálsdóttir, 20.6.2009 kl. 17:51]

Gallinn við mig er sá að þegar blessuð sólin skín verð ég full af orku og fer að snúast í ýmsu innandyra, sem hefði verið betra að gera á rigningardegi, en þá verð ég oftast bara löt. Gangi þér vel við skriftirnar og eigðu gott frí.