Where can I find this shop?

 

Gelgjan og faðir hennar Bretinn munu hverfa af landi brott í fyrramálið. Það sem átti að vera stutt heimsókn Gelgjunnar til Litla rasistans og annarra ættingja í Bretlandi, vatt örlítið upp á sig. Endar sem sagt með að feðginin fara bæði og verða yfir páskana.

Bretinn er að horfa á meistaradeildina í sparkboltanum.

Hvað á þetta að vera lengi á skjánum sagði ég

At least 45 minutes, svaraði Bretinn.

Ég hlýt að hafa gefið frá mér andvarp því hann benti mér á að ég myndi losna við hann eftir örfáar klukkustundir í heila viku.

Já einmitt sagði ég. Og ég mun örugglega þurfa að flytja tímabundið að heiman þegar þú kemur til baka.

Þá benti Bretinn mér á að hann hefði næstum þurft áfallahjálp þegar ég kom til baka frá Berlín um daginn, svo mikið hefði ró heimilisins raskast við heimkomu mína.

Svona líður sjómannskonum sagði ég. Það umturnast öll rútína í hvert skipti sem sjómennirnir koma heim. Konur og karlar eru ekki sköpuð til að búa saman, bætti ég við.

Bretinn hló. Where did you get this pearl of wisdom from?

Alfarið frá mér komið, sagði ég stolt. Enda er ég viss um að það væri mikið meira riðið í fjarbúð en sambúð.

What búð, sagði Bretinn á sinni blönduðu mállýsku. Where can I find this shop?

 

Hann tekur mig sjaldnast alvarlega þessi maður.

 

 

Athugasemdir

[Ómar Ingi, 7.4.2009 kl. 19:08]

HAHAHAHAHAHAHAHAHA

Góður

[Jenný Anna Baldursdóttir, 7.4.2009 kl. 19:30]

ARG.

[Birna Dis Vilbertsdóttir (IP-tala skráð) 7.4.2009 kl. 19:54]

[Hrönn Sigurðardóttir, 7.4.2009 kl. 20:22]

heheh góður þessi Breti! Endi eini Bretinn sem verðskuldar hástaf í mínum huga :)

[Helga Magnúsdóttir, 7.4.2009 kl. 22:01]

Þessi búð er eflaust mjög vinsæl.

[Elín Sigríður Grétarsdóttir, 7.4.2009 kl. 22:42]

more ****ing in a farawayshop than in a togethershop

takk fyrir kveðjuna mín megin 

[Jóna Kolbrún Garðarsdóttir, 8.4.2009 kl. 01:32]

[Anna Margrét Bragadóttir, 8.4.2009 kl. 15:56]

[María Guðmundsdóttir, 8.4.2009 kl. 16:21]

[Jón Arnar, 8.4.2009 kl. 21:03]

góð búð og eflaust þörf á slíkri í hverju "krummaskuði"

[Steingrímur Helgason, 8.4.2009 kl. 22:26]

Hmmm, 'tekur' þig ekki alvarlega ?

Er maðurinn þá að grínazt í 'riðinu' ?

[Karl Tómasson, 8.4.2009 kl. 23:18]

Með bestu kveðju úr Mosó, þú flotta kona og mamma.

[Anna Guðný , 9.4.2009 kl. 01:30]

Ég hélt að Kalli ætlaði ekkert að hætta hér á undan mér.

Það væri örugglega gaman að vera fluga á vegg hjá þér, stundum.

Gleðilega páska og njóttu þess að boltinn sé ekki á.

[Guðríður Pétursdóttir, 9.4.2009 kl. 08:03]

Hahahah frábært.. ég væri alveg til í að finna þessa búð líka

[Bergljót Hreinsdóttir, 9.4.2009 kl. 15:22]

Ha ha ha!! Góður!!!!

[Högni Jóhann Sigurjónsson, 10.4.2009 kl. 16:58]

[Linda Linnet Hilmarsdóttir, 10.4.2009 kl. 17:39]

Gleðilega Páska og ljúfar notalegar kveðjur

[Guðrún Jóhannesdóttir, 10.4.2009 kl. 22:04]

Þið klikkið ekki

GLEÐILEGA PÁSKA

[Ólína Kjerúlf Þorvarðardóttir, 12.4.2009 kl. 13:05]

Það er alltaf jafn frábært að líta við hjá þér - allt of langt síðan síðast. Gleðilega páska kæra bloggvinkona og takk fyrir öll skemmtilegu skrifin þín og bloggvináttuna.

[Jens Guð, 13.4.2009 kl. 20:38]

  Snilld!